TƏBRİK EDİRİK!

Bu gün Sumqayıt Cümə Məscidinin imam müavini Nahid Zülfüqarovun doğum günüdür. Bu münasibətlə Nahid müəllimi ürəkdən təbrik edir, ona uzun ömür, can sağlığı arzulayırıq.
Nahid müəllim, sən bilirsən ki, təbriklər qısa olur, hələ doğum günlərinin təbriki isə iki kəlməylə yekunlaşır. Ancaq sənin haqqında mən uzun-uzadı bir təbrik yazmaq istəyirəm. Çünki sən haqqında yazılmağa layiq olan insanlardan, daha doğrusu şəxsiyyətlərdən birisən. Bilirəm ki, indi deyəcəksən ki, mən kim, şəxsiyyət kim? Əslində şəxsiyyətlər elə balaca adamlar olur. Düzdür, sən yaşca balaca olsan da, əməlcə, insanlıqca, xıdmətlərinlə ən böyük insanlardan da böyüksən. Sən çox uzaq olmasa da balaca bir tarixdir ki, Sumqayıt Cümə Məscidində çalışırsan. Bu qısa müddət ərzinə çox böyük işlərə imza atmısan. Dininə bağlı, vətəninə bağlı, xalqın xidmətində duran əsl ziyalı qardaşımızsan. Sən bu gün Corat qəsəbəsində yaşayırsan və mən inanmıram ki, Coratı sənin qədər sevən ikinci bir insan olsun. Coratın tarixi abidələrinin qorunması üçün dəfələrlə kimlərlə mübarizə apardığını yaxşı bilirəm. Əsrlərin yaddaşından qopub gələn Gülxatun məscidinin qorunub saxlanmasında da sənin xidmətlərin danılmazdır. Sən bu xalq üçün, daha dəqiq desək coratlılar üçün, Corat qəsəbəsi üçün əlindən gələni etməyə çalışırsan. Corat şəhidlərinin hər birinin yas mərasimlərində yaxından iştirak etmiş, onların xatirəsinin əbədiləşdirilməsi istiqamətində yorulmadan çalışmısan. Şəhidlərin xatirə bulaqlarının və ya xatirə lövhələrinin yaradılmasında sənin əməyin sonsuzdur. Onlar haqqında dəfələrlə məqalələr yazmısan, Corat şəhidlərini tanıtmağa çalışmısan. Onların bukletlərini hazırladıb ailələrinə də öz əllərinlə təqdim etmisən.

Yeri gəlmişkən bir dəfə səndən soruşdum ki, hardasan? Dedin ki, qəsəbəmizin qəhrəman əsgərlərindən biri şəhid olub, onu qarşılamağa gedirəm. Mən bilirəm ki, sən o şəhid qardaşımızı göz yaşlarınla qarşıladın, göz yaşlarınla da yola saldın. Sən ürəyi ilə vicdanı təmiz olan və özünü bu çirkli dünyada təmiz saxlamağa çalışan on insandan birisən. Səninlə Corat qəsəbə sakinləri və eləcə də çalışdığın kollektivin işçiləri həmişə qürur duyurlar. Bu dünyanın cənnətini qazanmaq hər insana nəsib olmur. Sən bu dünyanın cənnətini qazanan insanlardan birisən.
Bu günlərdə məsciddə keçirilən sünnət aksiyasında necə ürəklə çalışdığının şahidiyəm. Uşaqla uşaq, böyüklə böyük, kiçiklə kiçik və ən əsası varlıyla varlı dilində, kasıbla kasıb dilində danışmağı bacaran insansan sən.
Nahid müəllim, yuxarıda dediyim kimi, təbrik iki, üç kəlməylə tamamlanır. Ancaq sənin haqqında o qədər gözəl söz, o qədər ürək açan kəlimələr demək olar ki, nə saymaqla qurtarar, nə də yazmaqla. Tək bir kəlmə demək istəyərdim, sən həqiqətən də əsl Azərbaycan oğlusan.
Bəli, bu gün sənin doğum günündür. Sənə nə arzulayım, bilmirəm ki... Bir tək onu deyərdim ki, Uca Yaradan səni hər zaman qorusun. Doğum günün mübarək, qardaşım!

Tarix: 7-05-2022, 18:36 Oxunub: 35

Bölməyə aid digər xəbərlər

5-12-2021, 10:11 ALLAH ŞƏHİDLƏRİMİZƏ RƏHMƏT EYLƏSİN!

8-10-2021, 08:30 Məktəb illəri

24-08-2021, 17:30 Yaralı yerimiz qəbiristanlıq

19-08-2021, 11:30 Təbrik edirəm!

19-08-2020, 11:51 TƏBRİK EDİRƏM!

4-08-2021, 09:58 Allah rəhmət eləsin

9-07-2021, 21:14 Allah rəhmət eyləsin

20-06-2021, 10:30 SON İLLƏR SUMQAYIT NECƏ İNKİŞAF ETDİ? - FAKTLAR

17-06-2021, 17:00 TƏBRİK EDİRİK!

29-05-2021, 20:00 Allah rəhmət eyləsin