Əslində bu təqdimat çoxdan keçirilməli idi. Çünki kitab hələ müharibə davam edərkən işıq üzü görmüşdür. Lakin bir el məsəli vardır: "Gec olsun, güc olsun". Elə bu kitabın təqdimatı da bu el məsəlinə tam uyğun gəlir. Kitab 44 günlük müharibə zamanı şəhid olan igidlərimizdən bəhs edir. Düzdür, mən o şəhid ailələrində olmamışam, lakin onların hər biri haqqında ayrı-ayrı məqalələr dərc etmişəm. Bu işdə mənə əlindən gələn köməkliyi edən Corat qəsəbəsi, Gülxatun məscidinin imamı Nahid Zülfüqarov olub. Nahid Zülfüqarov kimi Corat qəsəbəsinin sevgisini ürəyində gəzdirən ikinci bir şəxs mən görmədim, tanımadım. O, hər bir şəhidin evində olar, onların yas mərasimində yaxından iştirak edər, hər bir yazısında da Coratın adını, burada yetişən igidlərin adını hörmətlə çəkər. Düzdür, qələbə qurbansız olmur, bu yolda Corat qəsəbəsinin igidləri də şəhidlik adını aldılar. Hər dəfə Corat qəsəbəsi öz şəhidini qarşılayanda Nahid Zülfüqarov ürək ağrısı keçirər, hər dəfə də onların adından məqalələr dərc etdirərdi. Mən elə bilirəm ki, Corat igidlərindən bəhs edən yazıların müəllifi ilk öncə Nahid Zülfüqarovdur. Rəfiqə xanım isə bu adları tarixə daşıdı, tarixə çevirdi. Bu işdə ən böyük əməyi və zəhməti olan Nahid Zülfüqarovun adını çəkməsəydim, ən böyük səhv etmiş olardım. Heç kim bilməsə də mən yaxşı bilirəm ki, Corat qəsəbəsi Nahid Zülfüqarov üçün nə deməkdir. Kaş bütün coratlılar Coratı Nahid Zülfüqarov kimi sevəydilər.
Bəli, dünən Corat qəsəbəsində yerləşən mədəniyyət evində tanınmış yazıçı-şair-publisist Rəfiqə Şəmsin “Bura vətəndir” adlı kitabının təqdimat mərasimi keçirildi. Zalda hamı yerini tutduqdan sonra tədbir başlandı. Tədbir Azərbaycan himninin səslənməsi ilə başlandı. Tədbirdə iştirak edənlər əsər və müəllif haqqında fikirlərini bildirdilər. Tədbirin əsas təşkilatçıları Mədəniyyet evinin direktoru -Aygun Qəhrəmanova, bədii rəhbəri-Dəmirciyeva Mətanət, Metodist-Bədəlova Elmira xanım, Corat Bələdiyyəsinin sədr müavini Nuradə Kərimova olmuşdur. Tədbirdə Corat Icra numayəndəliyini sədri Elvaris Əliyev, muavini Rahib Abdulov, Corat məcidinin axundu--hacı Sahib, Corat qəsəbəsi 7 saylı tam orta məktəbin direktoru Təranə xanım Haqverdiyeva, Corat Bələdiyyəsinin sədri Elçin Əbilov və müavinləri, Aqsaqqalar şurasinin sədri Yahya Quliyev, Sumqayit Yazicilar Birliyinin sədri---Gulnarə Cəmalədin və başqa qonaqlar dəvət olunmuşdur.
“Bura vətəndir” kitabının müəllifi Rəfiqə xanım Şəms çıxış edərək bildirdi ki, biz sentyabrın 27-də tarixi bir gün yaşadıq. 44 günlük müharibə zamanı öz qanını, canını qurban verən şəhidlərimizin anım gününü qeyd etdik. Təssüf ki, heç bir zəfər qansız, qurbansız başa gəlmir. Biz də bu 44 günlük haqq savaşımızda çoxsaylı şəhidlər verdik. Bizim bugünkü müstəqilliyimiz, tarixi torpaqlarımızın erməni işğalından azad olunması şəhidlərimizin canı, qanı bahasına başa gəlib. Nə qədər ki, Azərbaycan dövləti, xalqı var, biz onları heç vaxt unutmayacağıq. Prezident, Ali Baş Komandan İlham Əliyevin rəhbərliyi ilə müzəffər Azərbaycan Ordusu tərəfindən 44 günlük müharibə Azərbaycanın necə mərd, döyüşkən xalq olduğunu dünyaya bir daha sübut etdi.
“Bura vətəndir” adlı kitab İkinci Dünya müharibəsində, hərbi münaqişələrdə Azərbaycan Respublikasının suverenliyi və ərazi bütövlüyü uğrunda həlak olanların xatirəsini əbədiləşdirmək üçün yazıldı. Doğrudur ki, bugünə kimi şəhidlərimiz haqqında çoxsaylı kitablar nəşr edilib, lakin mənim hazırladığım kitab ilk qaranqişdur, kitab çap olunan ərəfədə müharibə hələ də davam edirdi. II Qarabağ müharibəsində biz də çoxsaylı şəhidlər verdik. Mən onların adını daim yaşatmaq məqsədilə “Bura vətəndir” kitabının nəşrini vacib bildim. Corat torpağı qədim torpaqdır, qədim yaşayış məskənidir. Bu qədim kənd bu günə onlarla şəhid verdi. II Qarabağ müharibəsində də 10 şəhid verdi. Mən bu kitabı hazırlayan ərəfədə şəhid ailələrində oldum, onlarla görüşdüm. Bu körpə balalar haqqında nə qədər gözəl sözlər deyildi, onların igidliklərindən nə qədər danışıldı. Mən belə igidlər yetişdirən Corat qəsəbə sakinləri ilə fəxr etdim.
Tədbirdə Corat qəsəbəsi 7 saylı tam orta məktəbinin direktoru, Təranə xanım çıxış edərək kitab haqqında rəy və təkliflərini söylədi, həmçinin müəllifə yeni-yeni yaradıcılıq uğurları arzuladı.

Sonda müəllif tədbirin təşkilatçılarına və iştirakçılarına təşəkkürünü bildirdi. Müəllifə çiçək dəstələri təqdim edildi.
İştirakçılardan bir qrupu yazarla xatirə şəkli çəkdirdi.

Tahirə Həbliyeva

QARABAĞ AZƏRBAYCANDIR!