ZİRVƏDƏ DURANLAR

Sumqayıtın adı çəkilən kimiilk ağlımıza cənab başçımız Zakir Fərəcov gəlir. Bu şəhəri yenidən tikdirən, yenidən quran və yaradan cənab başçımız. Əslində cənab başçımız haqqınızda çox sözlər deyilir, çox təriflər yazılır, təbii ki, o, bunların hamısına layiqdir. Çünki cənab başçımız adını qızıl hərflərlə tariximizə yazdırdı və bu onun gərgin əməyinizin bərhrəsidir. Sumqayıt yaranandan bu şəhərə çox insanlar rəhbərlik edib. Elə İcra başçıları olub ki, onların yadda qalan tək bir işini bu gün nə qədər düşünsən də yada sala bilməzsən. Bu şəhərə bu şəhəri canı, qanı qədər sevən insanlar rəhbərlik etməli idi. Elə belə də oldu və bir gün cənab Zakir Fərəcov bu şəhərin icra başçısı vəzifəsinə gətirildi. Elə həmin gün bütün Sumqayıt sakinləri bayram etdilər. Bildilər ki, bu şəhərin qədrini Zakir Fərəcov kimi bilən olmayacaq. Elə Sumqayıtlıların düşündüyü kimi də oldu.
Cənab başçımız gəldiyi ilk gündən Sumqayıtı yenidən yaratmağa başladı. Təbii ki, bu barədə çox sözlər yazılıb. indi mən onları burda sadalasam, uzun bir siyahı olar. Tək bircə sözlə, Sumqayıt bulvarı buna canlı sübutdur demək istəyərdim.

Bu gün Sumqayıt Azərbaycanın 2-ci iri sənaye şəhəri, böyük mədəniyyət mərkəzlərindən biridir. Sumqayıt şəhəri azərbaycanlıların milli və mənəvi simasını özündə əks etdirən, çətin və ağır günlərdə ləyaqət və şərəfini qoruyub saxlayan möhkəm iradəli, vətənpərvər, əməksevər insanların şəhəridir. Haqlı olaraq deyiblər ki, Sumqayıtlı bərkə-boşa düşmüş, odda yanmaz, suda batmaz, ələ keçməz partizan kimi hər sınaqdan üzüağ çıxmış, həyat mübarizəsində özünün yaşamaq qabiliyyətini sübut edən əsl zəhmət adamıdır. Sumqayıt şəhərinin mayası zəhmətlə, qeyrətlə, məhəbbətlə, halallıqla yoğrulub. Sumqayıt inadkar, iradəli, dözümlü və əmək meydanında hünərlə döyüşən insanların şəhəridir. Sumqayıtlıların əksəriyyəti kənd adamı kimi zahirən cod, ipə-sapa yatmayan, lakin aza qane olmağı bacaran insanlardır. Həyatsevərliyi üstün tutmaq onların səciyyəvi cəhətləridir. Sumqayıt sakinləri zövqünə, əxlaqına görə halallığı sevən, cəmiyyətin müftəxor ünsürlərinə qarşı barışmaz mövqedə duran insanlardır.
Adı əfsanələrdən yaranmış və əfsanəvi bir inkişaf yolu keçmiş Sumqayıt 1949-cu ildə şəhər statusu alıb.
Qəhrəmanlar şəhəridir Sumqayıt. Ən çətin vaxtlarda keçilməz cəbhəni yaran 10 nəfər Sosialist Əmək Qəhrəmanı qəhrəmanlıq zirvəsinə Sumqayıtın müxtəlif müəssisələrində çatıblar, ürəklərdə əbədiləşiblər.
Sumqayıt bütün Azərbaycanı təmsil edir. Azərbaycanın hər bir yerindən bu şəhərdə yaşayanlar var. “Sumqayıt kiçik bir Azərbaycandır”-demişdir ulu öndər Heydər Əliyev.
Ulu Öndərin Sumqayıta verdiyi bu qiymət, ilk növbədə, onun ləyaqətli, sədaqətli, el qeyrətli zəhmətsevər insanlarına verilən qiymətdir.
Sumqayıt gənclərimizin qəhrəmanlıq şəhəridir. Qədim Xəzərin sərin küləkləri – Xəzri küçə və xiyabanları dəniz havası ilə salamlayır, təmizləyir.
Sumqayıt şəhərində görülən bütün işlərin hamısının təşəbbüskarı Sumqayıtın yetirməsi Zakir Fərəc oğlu Fərəcovdur. Zakir müəllim 8 ildə 20 ilin işini gördü. Zakir müəllimin ədəbiyyatımıza, mənəviyyatımıza qayğısı tükənməzdir. Sumqayıt yazarlarına bəxş etdiyi “Poeziya evi” dediklərimin tam təsdiqidir.
Sumqayıt şəhərinin bütün təhsil ocaqlarında, idarə və müəssisələrində Ulu Öndərin 100 illik yubileyi, “Heydər Əliyev” ili yüksək səviyyədə qeyd olunur. Gənc nəslə Heydər Əliyev həyat və yaradıcılığından, Azərbaycan xalqına xidmətindən, müstəqilliyimizi qoruyub saxlamasından, xalqın xilaskarı olmasındən geniş məlumatlar verilir.
Hər bir sumqayıtlı öz doğma şəhərinin göz oxşayan, könül sevindirən mənzərələrini seyr etdikcə qəlbi qürur hissi ilə dolur, sinəsinə sığmır. Axı bu şəhər hamımızın doğma məkanı, isti yuvasıdır.
Çox uzatmaq istəmirəm. Qısacası Sumqayıtımızın qurucusu olan cənab başçımızın doğum günüdür. Bu münasibətlə cənab başçımızı təbrik edir, ona uzun ömür, can sağlığı arzulayıram. Bundan sonra da bir 70 yaşamağını arzulayıram. Siz bu dünyanın zirvəsində duran insanlarından birisiniz. Bir daha sizi ürəkdən təbrik edirəm.