ALLAH ŞƏHİDLƏRİMİZƏ RƏHMƏT EYLƏSİN!

Hər bir insana bəxş edilən ömür payı var. Elə günlərimiz var ki, onları indi də yadımıza sala bilmirik, elə günlərimiz də var ki, onu nəinki biz özümüz, heç tarix də unutmur. Illər, əsrlər keçsə belə yenə də yaddaşların bir güncündə əziz xatirə kimi qalır, tarixin səhifəsini bəzəyir. Əslində bu gün tariximizin səhifələrini bəzəyən qanıyla, canıyla bu torpağı qoruyan şəhidlərimizdir. Onlar torpaq uğrunda bir an belə düşünmədən ölümə can atan və bizim əyilmiş başımızı qaldıran, azadlığın toxumunu əkən və bizə qələbə sevincini yaşadan şəhidlərimizdir. Onlar Azərbaycan xalqı yaşadıqca yaşayacaq və heç bir zaman unudulmayacaqlar. Əksinə, Azərbaycan xalqının tarixində özlərinə layiq yer tutacaqlar.
Bəli, bu gün ölkəmizin hər bir yerində şəhidlərimizin xatirəsi əziz tutulur, onların ruhu qarşısında hörmətlə baş əyilir. Sumqayıt Şəhidlər xiyabanı demək olar ki, bütün gənclərin ziyarətgah yeri, yaşlıların umid, şəhid analarının isə təsəlli yeridir. Bu gün bu xiyaban dövlər tərəfindən yüksək səviyyədə abadlaşdırılmışdır.
Bu gün Qubadlı rayonu, Bərxudar Əsgərov adına tam orta məktəbin 2a sinifin şagirdləri sinif rəhbərləri Sveta müəllimin rəhbərliyi altında Şəhidlər xiyabanını ziyarət ediblər. Uşaqların müdafiəsi günü münasibəti ilə Sveta müəllimə şagirdlərinə bu xiyabanda yatan şəhidlərin bizim üçün nə qədər əziz və unudulmaz olduqlarından danışıb. Onların sayəsində 30 ildən artıq işğal altında olan torpaqlarımızın azad olunduğunu, bütöv olunduğundan bəhs edib və onlara Allahdan rəhmət diləyiblər.
Çəidlər xiyababına nə vaxt gəlsən burda şəhid analarıyla rastlaşacaqsan. Torpaq uğrunda şəhid olan balasının məzarı başında oturub göz yaşlarını axıdan neçə-neçə ana görmək mümkündür. Onların yeganə bir təsəllisi var ki, övladları torpaq uğrunda şəhid olublar. Onların göz yaşını bax bu təsəlli dindirir. Bu gün də cavan şəhidimiz Əhmədzadə Rüfətin anası balasının məzarının üzərindəki gülləri səliqəyə salırdı. O, azyaşlı uşaqları görəndə əlini işindən saxlayıb dedi:
-Mənim balam da sizin kimi məktəbə gedib, onu da bir zamankar bu şəhidlər xiyabanını ziyarətə gətirmişdim. Heç vaxt ağlıma gətirə bilməzdim ki, bir gün gələcək mənim də balam burda uyuyacaq. Mənim tək təsəlli yerim buradır. Əslində bura mənim ümid yerim, təsəlli yerim, göz yaşlarımı ürəklə axıda biləcəyim bir yerdir. Hər bura gələndə ürəyimə yığılan qübarı burda boşaldıb gedirəm. Tək təsəllim odur ki, oğlum bu torpaq üçün şəhid olub və şəhidlik badəsini içib. Allah bütün şəhidlərimizə rəhmət eyləsin.
Bəli, şəhidlər ölməzdi, şəhidlər unudulmazdı. Tarix onları hər bir zaman öz səhifəsində yaşadacaqdır. Allah bütün şəhidlərimizə rəhmət eyləsin, qəbirləri nurla dolsun. ALLAH ŞƏHİDLƏRİMİZƏ RƏHMƏT EYLƏSİN!