İnsan yaşadığı və işlədiyi illərdə çoxlarıyla qarşılaşır, istər müdir olsun, istər dövlət məmuru olsun, istərsə də adi vətəndaş olsun. Hər qarşılaşdığın və ya ünsiyyətdə olduğun adamlardan da bir şey öyrənməyə çalışırsan. Bəzən insanlıq öyrənirsən, bəzən mərhəmət, bəzən də xeyirxahlıq. Mən uzun illərdir mətbuat sahəsində çalışıram. Onlarla müdir, direktor və ya adi vətəndaşla ünsiyyətdə olmuşam. Onların çoxunu bu gün də xatırlamıram. Ancaq elə insanlar var ki, onları bu gün də görəndə sevinirəm, onlarla görüşdüyümə şad oluram. Mən deyə bilmərəm onlardan bu günə kimi mən nəyi öyrənmişəm və ya nəyi öyrənməyə çalışımışam?! Vallah deyə bilmərəm.
Mahir müəllimi tanıdığım çox uzun bir tarixə təsadüf edir. Doğrusu mən belə bir dövlət məmuruyla, belə bir xeyirxah insanla tanışlığıma o qədər şadam ki, sözlə deyə bilmərəm. Mahir müəllimi tanıdığım illər ərzində mən ondan çox şey öyrəndim, insanlıq öyrəndim, darda olanın dadına necə yetmək lazımdırsa, onu öyrəndim, şəhidlərə necə qardaşlıq etdiyini öyrəndim, şəhid ailələrinə, qazilərə necə səmimi hisslərə yanaşdığını öyrəndim. Qısacası mən Mahir müəllimdən insanlıq öyrəndim. Və mən bunun üçün Mahir müəllimə sonsuz minnətdaram.
Sumqayıt şəhərində 3-cü mikrorayon ərazisində yerləşən balaca bir Poşt şöbəsi var və mən bu şöbəni özümə o qədər doğma, o qədər yaxın hiss edirəm ki, sözlər kifayət etməz ki, mən onu dilimə gətirə bilim. İdarənin bütün işçiləri mehriban, səmimi və gülərüzdülər. Buraya gələn sakinlər də bu kollektivdən son dərəcə razılıq edirlər. Çünki bu idarənin insan kimi insan olan müdiri Mahir müəllimdir. Mahir müəllim ziyalı ailəsində dünyaya gəlib. Atası uzun illər xalqın maariflənməsi yolunda canla-başla çalışıb, savad, bilik verdiyi şagirdlərin adı indi uca zirvələrdən gəlir. Mahir müəllim də atası kimi xalqın qulluğunda durmaqdan zövq alır. Yeri gəlmişkən Mahir müəllim bu ağalığı, bu insanlığı, vətənə, xalqa vurğunluğunu da təbii ki, atasından almışdır.
Mahir müəllim Yeniazərbaycanhəyatı infomasiya portalının rəhbəridir. Gözəl qələmi var, şəhərimizin ziyalılarından, dğvlət rəhbərlərindən mütəmadi olaraq yazılar dərs edir. Ölkədə baş verən yenilikləri də Yeniazərbaycanhəyatı saytından oxumaq mümkündür. Eyni zamanda şəhərimizdə və ölkəmizdə baş verən neqativ halları da Mahir müəllimin qələmindən çıxan xəbərlərdə oxumaq mümkündür. Mahir müəllim onlarla, yüzlərlə elmi və ədəbi məqalələrin müəllifidir. Onu da deyim ki, Mahir müəllim ziyalıdır, Mahir müəllim qələm əhlidir, Mahir müəllim səmimi və mehriban bir dövlət məmurudur.
Mahir müəllim, mən çox insan haqqında təbrik yazmışam, çox insanın doğum gününü təbrik etmişəm. Oturmuşam iki, üç kəlmə yazmışam, təbrik etmişəm, qurtarıb gedib. Ancaq sizin haqqınızda mən təbrik yazmaqda o qədər acizəm ki... Çünki sizə layiq söz tapa bilməyəcəyimdən ehtiyat edirəm. Siz bu dünyadakı ən gözəl sözlərə, ən gözəl tərifə layiq bir şəxsiyyətsiniz. Bilirəm, indi deyəcəksiniz ki, mən hara, şəxsiyyət hara? İnsan özünə qiymət verə bilmir, ətrafındakılar ona qiymət verir. Siz sözün əsl mənasında şəxsiyyətsiniz. Sizin haqqınızda iki-üç kəlmə yazmaq mənim üçün böyük xoşbəxtlikdir. Eyni zamanda sizin rəhbərliyiniz altında işləyən işçiləriniz də çox xoşbəxtdirlər. Xoşbəxtdirlər ki, sizin kimi bir müdirləri var. Sizin haqqınızda çox yazmaq, çox söz demək olar, ancaq bu ayrı bir mövzunun söhbətidir. Bu gün isə sizin doğum gününüzdür. Sizi doğum gününüz münasibəti ilə ürəkdən təbrik edirəm, sizə uzun ömür, can sağlıqı arzulayıram. Balalarınızın xoşbəxt günlərini görmək nəsibiniz olsun!
Bir daha ad gününüz mübarək, Mahir müəllim!