Azərbaycan Respublikasının Prezidenti, cənab Ali Baş Komandanın rəhbərliyi ilə Azərbaycan xalqı və ordusu misli görünməmiş qəhrəmanlıq və şücaət göstərərək, Ermənistanın işğalçı qüvvələri üzərində qələbə qazandı. Şanlı ordumuzun canları və qanları ilə qazandığı bu uğur Azərbaycanın qüdrətinin ən yüksək nümunəsidir.
Şuşamızın və işğal altında olan bir çox ərazilərimizin azad olunmasında canlarından keçən şəhidlərimizin xatirəsini böyük minnət və ehtiramla anır, qazilərimizə şəfa, güc və qüvvət diləyirik. Azərbaycan Respublikasının üçrəngli bayrağının Azərbaycanın işğaldan azad olunmuş ərazilərində dalğalanması qürur və fəxarət mənbəyidir. Təbii ki, bu qələbəni biz şəhid olan igidlərimizin sayəsində yaşadıq və bu gün də yaşayırıq. Təbii ki, qələbə qurbansız olmur. Belə şəhidlik zirvəsinə ucalanlardan biri də Elgün Abbaslıdır. MAHHXHQ əsgər Elgün Abbaslı 2020-ci il, sentyabrın 27-də başlayan Vətən Müharibəsində Cəbrayılın, Füzulinin, Zəngilanın, Qubadlının və Laçının azad edilməsi uğrunda gedən döyüşlərdə vuruşub, yaralıları döyüş meydanından çıxarmışdır. Noyabr ayının əvvəllərindən başlayan Şuşa döyüşlərində də iştirak edən Elgin Abbaslının içində olduğu maşın 10 noyabr 2020-ci ildə Şuşa istiqamətində ermənilər tərəfindən atəşə tutulub. Qəhrəmanımız yaralanmağına baxmayaraq, geri çəkilməyib, şəhid olmuş komandirinin nəşini ərazidən çıxararkən özü də şəhidlik zirvəsinə ucalıb. O, Sumqayıt Şəhidlər Xiyabanında dəfn olunub. Ailəli olan Elgünün Nəzrin adlı bir qızı ondan yadigar qalıb.
Bu gün Vətən müharibəsində qəhrəmanlıq göstərərək Şəhidlik zirvəsinə yüksələn Abbaslı Elgün Ağayar oğlunun övladı Nəzrinin doğum günüdür.
S.Vurğun adına Mərkəzi kitabxananın və Sumqayıt şəhər Heydər Əliyev mərkəzinin birgə təşkilatçılığı ilə şəhid övladının ad günü mərkəzdə keçirilib.
Mərkəzin direktoru və Səməd Vurğun adına Mərkəzi Kitabxananın Uşaq Şöbəsinin müdiri Yeganə xanım balamızı təbrik edərək birlikdə ad gününü qeyd ediblər.
Tədbirdə şagirdlər tərəfindən hazırlanmış kompozisiya nümayiş etdirilib. Müğənni Əkbərov Ruslanın ifaları tədbirə rəng qatdı.
Tədbir uşaqlar üçün maraqli şou proqramlarla davam edib. Tədbirin əsas təşkilatçılarından biri olan Heydər Əliyev Mərkəzinin direktoru Vüsalə xanımla elə ayaqüstü söhbət etdik. Vüsal

ə xanım bildirdi ki, qələbəmizi biz məhz Elgün kimi igidlərimizin sayəsində yaşadıq. Onların qəhrəmanlıqları illər, əsrlər keçsədə tariximizin səhifəsinə qızıl hərflərlə yazılacaqdır. Düzdür, onlara biim hamımız borcluyuq. Onların əmanıtlərini də biz qorumalıyıq. Elə buna görə də igid qəhrəmanımız şəhidimiz Elgünün qız balasının doğum gününə yığışmışıq. Təbii ki, biz nə etsək də, onları ovundura bilmərik. Lakin bu körpənin üzərində təbəssüm yaratmaq hər birimizin müqəddəs borcudur. Bizim mərkəzimizin üzərinə düşən nə varsa, şəhid övladları üçün etməyə hazırıq və edəcəyik də. Allah cəmi şəhidlərimizə rəhmət eyləsin. Nəzrin balamız təbii ki hər zaman atasıyla fəxr edəcək, belə bir qəhrəmanın qızı olduğu üçün qürur duyacaq. Doğrudur, bu gün balaca balamızın 2 yaşı tamam olur. O hələ körpədir, böyüdüyü zaman atasının necə bir qəhrəman olduğunu duyacaq, atası haqqında yazılan dastanları oxuyacaq və yenə də şəhid qızı olduğu üçün qüruru hissi keçirəcəkdir. Mən balaca balamızı ad günü münasibəti ilə ürəkdən təbrik edir, ona uzun ömür, can sağlığı arzulayıram.BİR DAHA AD GÜNÜN MÜBARƏK, ŞƏHİD ƏMANƏTİ!!!

Tahirə Həbliyeva