Allah rəhmət eyləsin!

Taleyinə şəhidlik zirvəsi yazılan, doğulduğu torpağın harayına yetən və "Öncə Vətəndir!” – deyib canından keçən Əhmədəliyəv Kərim Rövşən oğlunun əziz xatirəsinə.
Zirvə təbiətin coğrafi yüksəkliyi, əlçatmazlığı, ucalığı olduğu kimi, şəhidlik də vətənpərvərliyin ən ali məqamıdır. Belə ucalığa yüksələn, bu şərəfi daşıyanların xatirəsi daim yaşayıb, yaşayır və nəsillər dəyişdikcə də yaşayacaqdır. Kərim Rövşən oğlu Əhmədəliyəvin xatirəsi kimi...
Əhmədəliyəv Kərim Rövşən oğlu 12 iyun 1998-ci ildə Sumqayıt şəhərində anadan olmuşdu. 2005-ci ildə Sumqayıt şəhər 5 saylı orta məktəbə gətmiş, ali təhsilini isə Azərbaycan Texnologiya Universitetinin menecment fakültəsində almışdır. Kərim orta məktəbdə oxuduğu illər ərzində həmişə məktəbdə keçirilən tədbirlərdə, bayramlarda aparıcı aktyor kimi fəal iştirak edərdi. Kərim şagirdlik illərində həm sinif yoldaşları arasinda, həm muəllimlər tərəfindən sevilərdi. 2016-ci ildə orta məktəbi əla qiymətlərlə bitirib Azərbaycan Texnologiya Universitetinə daxil oldu. Kərim orta məktəbdə oldugu kimi universitetdə də fəal və fərqlənən tələbələrdən idi. Həmişə haqq ədalət tərəfdari, durustlüyə qiymət verdiyindən universitetdə muəllimlərin və tələbə yoldaşlarının böyük hörmət və sevgisini qazanmişdi.
Qəhrəmanlıq heç vaxt bir anın bəhrəsi ola bilməz. Qəhrəmanlıq bizi illər sonra yaddaşlara əbədi yazacaq bir keyfiyyətdir. Azərbaycan xalqı, oğul və qızları da hər zaman bu keyfiyyətə sahib olublar. Çünki tarix boyu xalq olaraq həmişə şərəfli ölümlə fəxr etmişik, ömrümüz boyu belə ölümlərə can atmışıq. Ölümün gözünə dik baxa bildiyimiz üçün bu Vətən, bu torpaq, bu yurd nə qədər faciələr yaşasa da, yaşamaq haqqını itirməyib. Dediyimiz bir kəlmə söz, içdiyimiz and, verdiyimiz vəd əlimizdən tutub, bizi Vətən üçün ölümə aparsa belə, Vətən üçün bu yoldan dönməmişik. Məhz bu qətiyyət, cəsarət, mübarizlik, Vətənə olan sonsuz sevgi sayəsində şəhidlik adlı zirvəni fəth edən oğullarımızın sayı artıb. Vətən torpağı tam olsun deyə hər an özlərinin ömür payını bu yolda keçməyə hazır olublar. Qəhrəmanlığı alın yazısı seçən mərd oğullarımız dünən də olub, bu gün də var, sabah da olacaqdır.
Kərimin şəkillərinə qarşımdadır. Gülər üzü, mehriban təbəssümü, həyat dolu gözləri... İlahi elə bil Kərimi məhz şəhid olmaq üçün yaradıbmış... İkinci Qarabağ müharibəsində bu zirvəyə ucalan, müqəddəs amallar uğrunda döyüşən, qorxu nə olduğunu bilmədən Vətən və xalq yolunda canını fəda edən şəhidlərimizdən biri də Kərimdir. Vətən müharibəsinin qəhrəman, cəsur döyüşcülərindən olan Kərim qələbəyə saatlar qalmış şəhid olub. Gəncliyini, ömrünü vətənə fəda edən Kərim qələbəni görməsə də, adını heç zaman unudulmayacaq qəhrəmanlar sırasına yazıb.
Allah səni qəni–qəni rəhmət eləsin nur üzlü şəhidim. Qəbrin nurla dolsun.

365 gün