Dünyada hər şey gözəldir, lakin ən müqəddəs duyğu Vətəni özününkü olduğu üçün sevmək, qoynunda boya- başa çatdığın torpağın müqəddəsliyini hiss edib yolunda canından keçməyə hazır olmaqdır.
Tarixin hansısa səhifəsini vərəqləyib bir xalqın taleyinə yazılmış qəhrəmanlıq salnaməsinə diqqət yetirdikdə dəyişməyən bir həqiqətin şahidi olursan.

İnsanlarda anadangəlmə hiss, duyğu olan, nəyinsə, kiminsə naminə canından belə keçmək cəsarəti məqamı yetişəndə başqalarından fərqli xüsusiyyət mütləq özünü büruzə verir. İnsanı məhkum etmək olar, lakin şücaəti, mərdliyi, vətənpərvərliyi şərəfi və fədakarlığı boğmaq olmaz. Milli mənsubluğuna görə fərqlənən bu keyfiyyət insanın daxili gücünün, qətiyyətinin, bəzən də barışmazlığın, ədalətsizliyə qarşı mübarizliyin nümunəsi, məkanı isə müqəddəs sayılan şəhidlik zirvəsi olur.
Sentyabrın 27-dən noyabrın 9-dək davam edən Vətən müharibəsi tariximizin şanlı səhifəsidir. Müzəffər Ali Baş Komandan İlham Əliyevin rəhbərliyi altında rəşadətli Azərbaycan Ordusunun qazandığı Qələbə xalqımızın yenilməzliyini bütün dünyaya nümayiş etdirdi. Torpaqlarımızın yağı düşməndən azad edilməsi, ölkəmizin ərazi bütövlüyünün bərpa olunması uğrunda şəhid olmuş Vətən övladları bu müqəddəs savaşın əbədiyyətədək yaşayacaq qəhrəmanlarıdır.

Bəli, bu qəhrəmanları yad etmək, onların ailələrinə, yaxınlarına maddi və mənəvi dayaq durmaq hər birimizin müqəddəs borcudur. Bu sözləri 11 saylı orta məktəbin keçmiş direktoru Şəhla xanım dedi. Şəhla xanım dedi ki, biz bu dərdi, qəmi daim qəlbimizdə yaşadacağıq. Şəhidlərin qəhrəmanlığı Azərbaycan xalqı üçün, Azərbaycan gəncləri üçün örnək olacaqdır. Azərbaycanın bu günkü nəsli də, gələcək nəsilləri də bu şəhidlərin qəhrəmanlığından nümunə götürəcəklər. Azərbaycan xalqının milli azadlığını, müstəqilliyini qorumaq üçün daim mübarizədə olacaqlar. Daim qəhrəmanlıq nümunələri, vətənpərvərlik nümunələri göstərəcəklər.
Şəhla xanım mütəmadi olaraq Şəhidlər xiyabanını ziyarət edir, şəhidlərimizin valideynləri ilə əlaqə saxlayır. Şəhla xanıç Milli Qəhrəmanımız Mübariz İbrahimovun yaşadığı evdə olmuş, Milli Qəhrəmanımızın ailəsinə təskinlik verərək demişdir ki, Mübariz təkcə sizing övladınız deyil, o, eyni zamanda bütün Azərbaycan xalqının övladıdır. Bu gün onunla təkcə biz azərbaycanlılar deyil, bütün türk dünyası fəxr edir.
Yüksəkliyə can atmaq hər bir insanın təbiətindədir. Bu yüksəkliyin ən ali məqamı şəhidlik zirvəsidir. Şəhidlik adi ölüm deyil, Vətən, torpaq, böyük amallar uğrunda candan keçmək, özünü şüurlu şəkildə qurban vermək deməkdir. Şəhidlik verilmiş ömür payını gələcək nəsillərin xoşbəxtliyinə bağışlamaqdır. Müqəddəs Quranda buyurulur ki, şəhidlik və qazilik peyğəmbərlərdən sonra gələn adlardır. Bu gün Azərbaycan xalqı qələbə sevincini böyük ruh yüksəkliyi ilə qeyd etsə də, Şəhidlərimizin də yasını tutur, onlara uca tanrıdan rəhmət diləyirlər. Hər dəfə Şəhidlər xiyabanını ziyarət edərkən bu şeir parçası yadıma düşür:

Elə kövrəlmişəm,
Bilmirəm nədən
Dəli bir ağlamaq keçir könlümdəm.