HİDAYƏT QARABULAQ                          

 

























S Ə N    D E Y İ R S Ə N

   Sən deyirsən yurdumun
  övladları  bay  osun.
  Yer planetinin azad  
  sakininə  tay olsun.
  Sən deyirsən yeraltı,
  yerüstü sərvətimiz
  hamının  malı olsun.
   Işsiz  fəhlə, torpaqsız kəndli,
   nə zəlil ziyalı  olsun.
  Sən deyirsən vətəndaşın
  səsinin   vəzni olsun,
  Qutudan çıxan  onun
  seçdiyinin  özü  olsun.
  Sən deyirsən hər evdə
  səhər - axşam  biş-düş olsun.
  Cinayət Məcəlləsində  
  haralısan  soruşana  
   ,,iş"   düşmüş  olsun.
  Sən deyirsən tanıyaq 
  dost kimdir, kimdir düşmən.
  Evimizdə  özümüz
  kişi   olaq   hər   zaman.
  ...Təbiətin verdiyi
  sağlamlığını,
  ağlını
  qoymusan   bu  yolda.
  Sənin hər çıxışın
  bir  milli dərsdir.
  Ancaq  o  millət hanı?
  Bu əbəsdir?!

                         ***
H Ə R Ə N İ N   ÖZ   H Ü N Ə R İ

    Əllidə,  ən çoxu  altmışda
   başlayır  insanın  qürubu.
   Natamam  olsa  da
    qanundur  bu.
    Günəş  göyün milinə çatanda
    daha geri  qayıtmır.
    Daha dağın  dalında batandı...
    İnsanı  sava   sevgi  tapanda
    illəri dönür  geri.
    Fikrimdən keçir;
    Dünyanı işıqlandıran
    Günəşin  Günəş,
    İnsanın  insan  hünəri...

                         ***

                B O L L U Q

      ,,Ürəyimdən  keçən  adam
     başına  yol  qəhətdirmi?"(1)
     Ayrı bir yol  tutmaq olmaz,
     Başqası   qəbahətdirm?

     Nə  taparsan,  nə orada?
     Ağrı, qüssə,  dərd, intizar!
     Çiçəklənən  yurdumuzda
     bunlar  bolabol,  o ki  var...

     1. Beyt İlham Qəhrəmanındır.
 
                    ***
İ N S A F I N I Z    O L S U N

     Elza   xanım  Seyidcahan
     dilə-dişə   düşüb  yaman.
    Nolsun,  "Birliyə" üzv oiub;
    Guya ki  astar  üz olub?!
    Axı  ordan  bir  qəpik  də
    almır, həvəsdir  də  müftə.
    Bəyəm azmıdır, danmayaq,
    tutduğu  yerdə  baş--ayaq;
    Onlar kürül-kürül  həm  də
    "maaş"  qırpırlar  büdcədən.
    Üstəlik  də  orden, medal,
    rütbə,  dərəcə  dalbadal....
    Yazıq,  xanım  Seyidcahan,-
    İnsafınız  olsun  azcana ...

                    ***
B I L I R ...  B İ L M İ R

       İstedad  payı  nə qədər  bolabol  olsa,
      Şair elmnən dost, qolaqol    olsa,
      Həyatın  təkinə o  baş  vurmasa,
      Əbədi  bir əsər yarada  bilmir.

      Bunu erkən  duyan  zirvələnər  də,
      Gec anlayan  yanar, pörşələnər  də.
      Bəhanə  axtarıb  hələ deyər də:
      -Sözlər duyğuları  yarıda  bilmir.

        Can  qoyan   sərvətin  itirsə, sınar,
       Ömrün şeirə verən  bunu  lütf  sanar.
       İkisi də   itki, fəqət, yer-göy  fərqi  var,
       Təfavütün bilir,  yaradan,   bilmir?

                             ***
                 Ü  M  İ  D

Yoxsulluq, azar-bezar
yaxamdan yapışdılar,-
Cavan  yaşımdan  bərk-bərk.
Onlarınan  öc etmək
asan deyildi     fəqət.
Kitablar bir  də dözüm
nicat  mələyim  oldu,-
Qoymadılar   er  ölüm.
Ömrümün  yarısını 
çarpışdım  onlarınan.
Azar-bezarla,  şükür,
sağollaşdım  zorunan.  
Yoxsulluq, namərd dostum,
Hələ  həndəvərimdə.
Tərk eləyəcək  məni,
inşallah, o  qəbirdə...

                        ***
                M Ü Ş K Ü L

 Ey ürək, de, mənə  dostsan,  düşmənsən,
Kəsdirə bilmirəm, özün söylə sən.
Bəzən azar-bezar  karıxdıranda,
Bəzən bir gül məmur  sıxışdıranda,
Bəzən aciz qalsam  sözün əlində,
Bəzən ən yaxınım düşəndə dərdə,-
Toxtaqlıq  vermisən, olmusan  arxam,
Bunu ömür- billah mən unutmaram.
Ancaq... Qoy sözümün deyim  canını:
Bəzən də tökmüsən sən  başıma kül,-
İndi də bu   sevgi,  nə üçün  danım,
Səni  ... daşındırmaq  fikrindən  müşkül...

                          ***
             İ K İ    O D    A R A S I 

   ...Tikanlı  çəpər;
  Qarşı-qarşıya  mövqedə
  iki əskər.
  ... Bir dağın 
  qoşa  zirvəsi; 
  onların  səhər şəfəqini
  tən  bölməsi...
  İki qəlbdə
  bunlar   çalpaşıq, dolaşıq.
  İnanan  inansın,-
  sevinsin, gülsün!
  İnanmayanın  başına  gəlsin!

                      ***
    Ö Y R Ə N C Ə L İ Y Ə M

         Sümüyün şırtığa  gedir,
        Sunamilər - dərinində.
        Haradan  bilirəm   bunu?
        O  xəbərçi gözlərindən.

         Görən  kimi salacaqsan
         xata-balaya  haqq-nahaq?
         Şətəsi,  ümid  edirəm,
         mən  qocanı  vurmayacaq.

         Eh, hədəfdən  azan  güllə
         qutuda ...   məni tapası.
         Həmişə  göz-qulaqdayam,
         Öyrəncəliyəm,  qadası...

                        ***
          N Ə    D E Y İ M

    Qürrələnmək azarı
   hamıda var, mən bilən,-
   Içimdə  keçəl  başın
   qaldırmışdı  o  dünən.
   Bu  dünyanın,dedim  ki,
    ömrümdə  hər  nömrəsi:
    Əsgərliyi, qürbəti ,
    aclığı, kəshakəsi,-
    Türmə  çarpayısında
     yatmamışam  mən bircə.
     Köntöy  dostum  ,,acılıq"
     maskasın  taxdı tezcə.
     Dedi: -Yalan  danışma,
     Qorxursana, barı  sus!
     Yaşadığın bu ölkə 
     türmə  deyil, nədir  bəs?

               ***
M Ə N D Ə N    U Z A Q   D U R
  Qapım  döyüldü.
  Qalxıb  geyindim.
  Təntik onu açdım.
   Sanki qaranlıq  gecəydi,-
   Ulduzlar  qaynaşırdı  gözlərində.
   Hayandan-hayana 
   baxdım  əllərinə;
   pay gətirmişdi  kənddən.
   Öz-özümə  dedim:
   ,,- Sən Allah,
   Məndən 
   uzaq dur,uzaq  ay  günah!"