“Hakim mənə “ağlın olardı, aldanmazdın” deyir”

Xəbər09:36Oxunma sayı: 1648

Bakıda 50 min manatlıq evi tamamilə yanan qadın bir ildən çoxdur üç uşağı ilə yaşamağa yer tapmadığını deyərək məhkəmənin onun mülkiyyət hüququnu pozduğunu iddia edir.
“Qafqazinfo”ya müraciət edən vətəndaş Ağayeva Natalya Aleksandrovna bildirib ki, 2020-ci il aprelin 22-də Xəzər rayonu, Şağan qəsəbəsi 6 ünvanında yerləşən fərdi yaşayış evində yanğın baş verib.
Nəticədə ona daşınmaz əmlak üzrə 35 000 manat, daşınar əmlak, yəni evin içərisində yerləşən məişət əşyaları üzrə isə 25 000 manat məbləğində zərər dəyib: “İstehlakçı olaraq “Qala Sığorta” şirkətinin xidmətlərindən istifadə edərək evimi sığorta etdirmişdim. Lakin sığorta şirkəti mənə dəymiş zərəri ödəməkdən imtina edir.

subaru.az
Learn more
Bununla da istehlakçı hüquqlarım pozulub. Sığorta şirkəti evimin yanmağı ilə bağlı ağır həyat şəraitimdən, Azərbaycan dilini yaxşı bilməməyimdən istifadə edərək məni aldadıb və qanunsuz olaraq mənim zərərimə olan bəzi sənədlərə imza atdırıb. Hadisədən sonra evi inşa etdirmək üçün maddi vəsaitim və dəstəyim olmadığından uşaqlarımla küçədə yaşamağa başlamışam”.
N.Ağayeva sığorta şirkəti tərəfindən aldadılması və yanan evinə görə ödəniş edilməməsi ilə bağlı Səbail Rayon Məhkəməsinə müraciət edib: “İndi də sığorta şirkəti deyir ki, yekun qərarı məhkəmə verəcək. Lakin hakim qanunda nəzərdə tutulmuş hüquqlarımın müdafiəsini təmin etmir. Demək olar ki, məhkəmə müdafiəsi hüququndan tam məhrum edilmişəm. İşə tam, hərtərəfli və obyektiv baxılmır.
Hakim mənə “Ağlın olardı, aldanmazdın” deyir, artıq sənədlərə qol çəkdiyimi bildirir. Və gedişat bunu göstərir ki, mən himayəmdə olan, təkbaşıma böyütdüyüm üç azyaşlı uşaqla küçədə yaşamağa davam etməli olacağam”.

Tarix: 28-04-2021, 12:00 Oxunub: 102

Bölməyə aid digər xəbərlər

8-03-2021, 17:31 Sumqayıt polisinin yeni rəisini yaxından tanıyaq...

7-03-2021, 22:45 Təbrik edirəm!

26-09-2020, 11:55 Korrupsioner məmurlara qarşı YENİ DALĞA... - NƏ ZAMAN BAŞLAYIR?

26-09-2020, 11:54 Məhkəmə sisteminin daha bir eybəcərliyi... - GİLEY

26-09-2020, 11:36 "5 uşaqla acınacaqlı həyat yaşayırıq - Sahil Babayevin nəzərinə...

23-09-2020, 12:46 Şeyxin qudası Vasif Talıbovun övladlarına 110 sot torpaq satıb - SƏNƏDLƏR

22-09-2020, 15:10 MİDA-da 2 milyon manatlıq əməliyyat zərəri - Büdcədən 62 milyon ayrılıb

22-09-2020, 15:08 Prezident Administrasiyasını belə heçə sayan “Konstra” MKT-nın qurbanları – Söhbət təkcə “qurban keçisi”ndən getmir

22-09-2020, 08:55 Daşkəsənin iki böyük metallurgiya müəssisəsi yeni inkişaf dövrünə başlayır - İcra başçısı yazır...

21-08-2020, 15:28 Azərbaycanda “Aqrar Sığorta Müştərək Sığorta Şirkəti” yaradılır