TƏHSİL OLAN YERDƏ

Bir xalq yalnız savadlı cəmiyyəti, inkişaf etmiş elmi ilə qürur duya bilər. Yalnız savadlı cəmiyyətlə irəli getmək, uğurlara nail olmaq, ölkəni tanıtmaq mümkündür. Elmin vacibliyini hələ qədim zamanlardan dərk ediblər. Ta qədim zamanlardan elmdə nailiyyətlər əldə etmək üçün çalışıblar. Təbiəti öyrənib, bununla cəmiyyəti məlumatlandırmağa səy göstəriblər.
Sumqayıt şəhəri 22 saylı tam orta məktəbin ibtidai sinif müəlliməsi İlhamə xanım Baxışova ilə söhbətimizə də təhsilin vacibliyindən başlayırıq:
-Müəllim sözünü, şərəfini və qürurunu bu adı daşıyan insanlar həmişə uca tutublar. Çünki əsl müəllim, əsl ziyalı və böyük işıq deməkdir. Onun düşüncəsindən, savadından minlərlə insan qida alır. Əlbəttə, belə müəllimlərə həmişə xalq arasında böyük hörmət qoyulub.

Hər bir insanın gələcək ömür yolunun təməli məktəbdə qoyulur. Məktəbdə qoyulan təməl isə qranitdən olur, onu heç bir şey dağıda bilməz. Düzdür, hər bir tələbəyə institutlarda, universitetlərdə də bilik verilir , lakin məktəbdə verilən bilik, elm heç bir yerdə verilmir. Məktəb hər bir şagirdin gələcəyinin təməl daşıdır.
Mən uzun illərdir ki, ibtidai sinif müəlliməsi işləyirəm. Mənim yeşişdirdiyim şagirdlərin bu gün xoş qoraqlarını eşidəndə, sanki dünya mənim olur, elə bilirəm ki, o təkcə şagirdin deyil, elə mənim də uğurumdur. Təbii ki, hər bir ağac verdiyi meyvəsiylə tanınır, şagird isə müəllimindən aldığı biliklə. İbtidai sinif müəlliməsi işləmək çox çətindir. Lakin sənətini, peşəni sevdiyin zaman bu çətinlik aradan qalxır, yox olur. Hamımız yaxşı bilirik ki, savadsız cəmiyyət heç kimə lazım deyil. Yalnız savadlı, təhsilli gənclərin hesabına hər bir sahədə uğur qazanmaq, beynəlxlaq arenada Azərbaycanı layiqincə təmsil etmək mümkündür.
Yeri gəlmişkən mən hazırda 3ç sinif şagirdlərinə bilik verirəm. Demək olar ki, bütün şagirdlərimin hamısı son dərəcə fəaldırlar. Onlar məktəbin bütün tədbirlərində yaxından iştirak edirlər. Belə ki, Abbasova Aylin öz səsi ilə bütün tədbirlərimizi bəzəyir. Əlaci şagirdlərimizdə çoxdur. Onlardan N. Aydın , Ə.Nurlan , M.Lale, Ə.Ayşen Ş.Gullu,N.İlayda.Ş Nadir və başqalarının adını sadalaya bilərəm. A .Səmra isə sinif əlacisidir.
Ş.Eldar 3-cu sinifdə oxumağına baxmayaraq ingilis dilində sərbəst danışır. B.Sadiqin gözəl reqs bacarığı var . M Dəniz kiçik pianinoçumuzdur. Bəli, dediyim kimi, şagirdlərimizin gələcəyinin təməli məktəbdə, parta arxasında qoyulur. Və mən şagirdlərimlə fəxr edirəm.
Məktəbimizin adı indiyə kimi həmişə yaxşıların sırasında çəkilib, uğurlarımızın ardı-arası kəsilməyib. İstər elm sahəsində olsun, istərsə də idman sahəsində olsun. Şagirdlərimiz hər zaman bülüklərini nümayiş etdirmək iqtidarına malikdirlər. Mən inanıram ki, bu məktəbdən pərvazlanan, bu məktəbin partasının arxasından qalxan şagirdlərin içərisindən çıxanlardan bu məktəbə müəllim kimi qayıdanları da olacaqdır.
Bəli, şagirdlərin oxuması üçün hər cür şəraitimiz var. Dövlət rəhbərləri də bu sahəyə xüsusi əhəmiyyət verirlər. Sağlam nəsil yetişdirmək bizim ən böyük borcumuzdur.
Şagirdlər yaradılan imkanlardan məharətlə faydalanmalıdır. Yadda saxlamaq lazımdır ki, bütün bunlar şagirdlərin savadlanması üçündür. Şagirdlər öz üzərində çalışa, yaradılan imkanlardan faydalansa, savadlı bir kadr kimi yetişsə, deməli, Vətənimiz Azərbaycana da xeyir vermiş olacaqdır. Onda, gəlin, hamımız Azərbaycan üçün çalışaq və oxuyaq! Hamımız savadlı olaq!

Tahirə Həbliyeva