Sumqayıt şəhəri 20 Sayli Mənzil İstismar Sahəsinin mühəndisi Nazim Məlikovla elə idarədə görüşdük. Onunla balaca bir söhbət etdim. Söhbətimizə elə Sumqayıtda gedən quruculuq işlərindən başlayırıq. Nazim müəllimin dediklərindən:
- Azərbaycanın ikinci böyük sənaye şəhəri sayılan Sumqayıt bu gün təkcə sakinlərin deyil, eyni zamanda şəhərimizə qonaq gələn xarici vətəndaşların da diqqətini cəlb edir. On il bundan əvvəlki Sumqayıtla bu günkü Sumqayıtın arasındakı fərqi görməmək mümkün deyil. Azərbaycan Prezidenti cənab İlham Əliyev Sumqayıt şəhərinin inkişafını daim diqqət mərkəzində saxlayır, şəhərin inkişafı üçün maliyyə dəstəyini də əsirgəmir. Regionların inkişafıyla birgə Sumqayıt da bu gün əsl inkişaf yolunu keçməkdədir. Şəhərin meri cənab Zakir Fərəcov bu gün Sumqayıtda əsl yenidənqurma işləriylə diqqət mərkəzindədir. Şəhərin bu az müddət ərzində belə yüksək səviyyədə dəyişməsi də ölkə prezidentinin diqqətindən yayınmamışdır. Bu gün şəhərimizin giriş qapısından şəhərə daxil olan hər bir insan necə gözəl bir mənzərəylə qarşılaşdığını dilə gətirir. Təbii ki, bu da bizim üçün ən böyük sevinc mənbəyidir. Yolların asfaltlanması, dekorativ gül kollarının əkilməsi, elektrik dirəklərinin göz oxşaması həqiqətən şəhərimizə xüsusi bir gözəllik bəxş edir.
Bəli, bu gün təkcə şəhərimizin görkəmi dəyişməyib, eyni zamanda sakinlərin də istirahətinə, yaşam şəraitinə xüsusi diqqət yetirilir. Belə ki, Sovetlər Birliyi dağılandan sonra ölkənin iqtisadiyyatı ağırlaşmış, o dönəm tikilən binalarda təmir işləri aparılmamışdır. Bu da təbii ki, yaşayışçıların haqlı olaraq narazılığına səbəb olurdu. Çünki çürüyüb sıradan çıxmış su boruları su axıdır, zirzəmilərdə qurunt suları yığışırdı. Məlum olurdu ki, zirzəmilərə suyun bir hissəsi binaların alt paylayıcı su və kanalizasiya xətlərində axıntılarla bağlıdır. Bəzi binaların zirzəmisinə yığılan sular isə qrunt mənşəli olub. Bu da normal olaraq yay aylarında istinin təsirindən üfunət iyi verirdi. Artıq bu kimi hallar aradan qaldırılmış, zirzəmilərdə təmir işləri aparılmışdır.

Şəhər sakinlərini narahat edən ən vacib işlərdən biri də zibilxanaların olmamasıydı. Çünki hər hansı bir həyətə qoyulan zibil yeşikləri bəzən dağıdılır, zibillər yerə səpələnir. Bunu nəzərə alan şəhər rəhbərliyi 30 zibilxana tikdirmiş, 54 kanalizasiya lükləri bərpa etdirmişdir. Hazırda bu problem də təxminən aradan qaldırırlmışdır.
Bəli, nə danaq, Sovetlər Birliyi dağılandan sonra şəhərdə bir dağınıqlıq meydana gəlmişdi. İşləməyən müəssisələr, sakinlərin güzəranının ağırlığı sanki şəhərin də canına çökmüşdü. Şəhərə təyin olunan başçılar da qoyulmuş və ya yazılmamış qanunlarla kifayətlənir, heç kim yeni bir iş görmək istəmirdi. Belə ki, cənab Zakir Fərəcovun şəhərimizə başçı təyin olunduğu gündən şəhərin ab-havası dəyişməyə başladı. Cənab başçı bu qısa müddət ərzində çox iş gördü, həm şəhər üçün, həm də sakinlər üçün. Onun bu gün gördüyü işlər illərin yığılıb qalmış problemləri idi. O, həqiqətən Sumqayıtı yenidən yaratdı, yenidən qurdu. Bu gün müəssisə rəhbərləri, idarə müdirləri öz məsuliyyətlərini bilir və öhdələrinə düşən vəzifə borclarını layiqincə yerinə yetirməyə çalışırlar. Belə məsuliyyəti hiss edən idarələrdən biri də Mənzil Sahəsidir. Bu gün bizim tabeliyimizdı olan 47 və 48-ci məhəllələr demək olar ki, şəhərin ən gözdə olan sahəsidir. İstər təmizliyi ilə, istər gözəlliyi ilə göz oxşayır. Təbii ki, belə gözəl bir şəraiti yaratdığına görə Mənzil İstismar Sahəsinin rəisi Anar müəllimin də əməyi danılmazdır. Mən ürəklə deyə bilərəm ki, Anar müəllim Sumqayıt sakinlərini öz əzizi qədər sevir, onlara hörmət bəsləyir. Yeri gəlmişkən onu da deyim ki, mən indiyə kimi çox rəislərlə işləmişəm, ancaq Anar müəllim kimi rəislə mən hələ indiyə kimi işləməmişəm. O, o qədər mehriban, o qədər səmimi, o qədər cana yaxın bir insandır ki, dillə deyilməz. Anar müəllim idarədə sanki rəis yox, adi bir işçidir. Onunla istədiyin mövzuda söhbət edə bilərsən və ya bir çətinliyin varsa, ona ürəklə danışa bilərsən. O, əminəm ki, əlindən gələn köməyi əsirgəməyəcəkdir. Allah onu daim var eləsin.
Bəli, MİS-in işi hər zaman olduğu kimi bu gün də ağırdır. Lakin biz heç bir zaman bu ağırlığın altında əzilməmişik, əzilmərik də.

Tahirə Həbliyeva

Tarix: 8-05-2022, 12:47 Oxunub: 47

Bölməyə aid digər xəbərlər

8-05-2022, 12:45 Sumqayıt doğma şəhərimizdir

7-05-2022, 18:33 Sumqayıtn fıxri vətəndaşı

7-05-2022, 18:31 SUMQAYITIM MƏNİM

6-03-2022, 10:15 Sumqayıt doğma şəhərimizdir

23-02-2022, 10:24 İlham Əliyev və Vladimir Putinin birgə mətbuat konfransı TAM MƏTN + VİDEO

1-07-2021, 18:30 QARABAĞ AZƏRBAYCANDIR!

20-06-2021, 10:30 SON İLLƏR SUMQAYIT NECƏ İNKİŞAF ETDİ? - FAKTLAR

20-06-2021, 10:30 Sumqayıtın səhiyyəsi: son illər əldə olunan uğurlar və perspektivlər

23-05-2021, 10:30 ASTARA Azərbaycanın cənub mirvarisidir

19-04-2021, 09:00 Maqsud Maqsudov - 80