Sumqayıt doğma şəhərimizdir

Sumqayıt doğma şəhərimizdirSumqayıt, Bakıdan sonra Xəzər sahillərində yerləşən ən böyük şəhərdir. Bir zamanlar ona gənclik şəhəri deyirdilər. Çünki şəhərin ilk özül daşlarını düzənlər də, onun ilk sakinləri də gənclər idi. Sonralar Sumqayıt yeni adlar qazandı: sənaye şəhəri, kimyaçılar şəhəri, inşaatçılar şəhəri. İndi isə Sumqayıtın azad iqtisadi zonaya çevrilməsi üçün yollar araşdırılır. Gənc şəhər sürətlə böyüdü, gözəlləşdi. Hünər, zəfər qalasına çevrildi... Bu gün artıq Sumqayıt şəhərinin adı çox ölkələrdə dilə gətirilir. Gözəlliyi ilə dünyaya meydan oxuyur. Şair, rəssam və bəstəkarların ilham mənbəyi, adi sakinlərin qürur ünvanı, bu yerlərdən əskik olmayan xəzrinin, gilavarın anbaan sehirləndiyi gözəl, sevimli bir məkandır Sumqayıt! Bir vaxtlar böyük həvəslə Xəzərin sahilinə şəhər salmağa gələn 20-25 yaşlı gənclərin çoxu qocalıb dünyasını dəyişldi. Amma şəhərin bugünkü növrağı ilə öyunən, yaşı 80-i, 90-ı ötən sumqayıtlılar da var aramızda. Sumqayıt onu qurub-yaradanların özləri üçün ucaltdıqları möhtəşəm bir abidəyə bənzəyir. Sumqayıta 30 il bundan əvvəl gəlmiş Atamoğlan müəllimlə söhbətimizə də elə doğma şəhərimizdən başlayırıq: Sumqayıt doğma şəhərimizdir-Sumqayıtın yaşı az olsa da, tarixi çox qədimdir. Qədim rəvayətlərə söykənir Sumqayıtın tarixi. Bu tarix illər, əsrlər keçsə də dəyişən deyil. Mən Sumqayıta Fizuli rayonu işğal olunandan sonra gəlmişəm. Fizulu rayonu bizim üçün nə qədər doğma, əziziydisə, Sumqayıt da bizim üçün elə doğma, əziz oldu. 1988-ci ildən başlayan qonşularımızın torpaq iddiasıyla başlayan müharibə bizi yurdumuzdan, ata-baba ocağımızdan didərgin saldı. Bəzən dildə bu sözlər o qədər sadə səslənir ki, ancaq bu hissi yaşayanlar üçün bu, həqiqətən də dözülməz bir dərddir. Bizə qapılarını Sumqayıt şəhəri taybatay açdı. Bu şəhərdə biz yaşa dolduq, bu şəhərdə biz çörək yedik, bu şəhərin suyunu içdik. Bu şəhər bizim ikinci ana vətənimizdir. Bəli, Sumqayıtda biz yenidən ev olduq, ocaq olduq, bu şəhərdə biz əmək fəaliyyətimizə başladıq. Elə mən də bu şəhərdə əmək fəaliyyətimə başlamışam. Ali təhsilimi İnşaat Mühəndisləri İnstitutunda almışam. Elə o vaxtdan da mühəndislik sənətinə vurulmuşam. Qurub, yaratmaq, yeniliklər icad etmək həqiqətən də çox gözəl bir işdir. Mən də əvvəlcə Mənzil Kommunal Sahəsində işə başladım. Bu şəhərin hər küçəsində, hər tinində, hər qarış torpağında mənim əllərimin izi var. Birinci mikrorayonda yerləşən Mənzil Kommunal Sahəsində işlədiyim müddət ərzində demək olar ki, mikrorayonun hər tərəfində yenidənqurma işləri apardıq. Gül kolları əkər, qurumuş ağacları budayar, yeni əkilmiş ağacların isə dibini boşaldardıq. Hər işimizi də ürəklə, canla, başla görərdik. O ərazidə yaşayan sakinlərin istirahəti üçün əlimizdən nə gəlidisə, onu da edərdik. Mikrorayoun hər tərəfində qızılgül kolları əkilmişdi, o qədər gözəldi ki, necə deyərlər, gül gülü çağırırdı, bülbül də bülbülü. Sonra məni 1 saylı

Mənzil Kommunal Sahəsinə rəis əvəzi göndərdilər. Burada da əlimdən nə gəldisə, artıqlamasıyla etdim. Harda işləməyimdən asılı olmayaraq işimə vicdanla yanaşmışam, nəyinsə xətrinə iş görənlərdən olmamışam. Bəlkə elə bunun üçündür ki, indi harda məni görürlərsə, sakinlər qarşımda hörmətlə baş əyirlər. O vaxtlar nümunəvi məhəllələr yaradılırdı. 5-ci məhəllədə bisetka , uşaqların əylənməsi üçün mini futbol meydançaları da düzəltdirdik. Heydər Əliyev prospektindən küçəsindən tutmuş düz 26-cı məhəlləyə kimi yolun hər tərəfini gül-çiçəyə qərd elədik. Məhəllələr içərisinə illərlə yığılmış zibillikləri bir gecənin içərisində təmizlətdik. İndi həmin yerlərə baxanda ürəyim fərəh hissiylə dolur. Bir neçə il bundan əvvəl əkdiyimiz ağaclar artıq boy verir. Sumqayıt bulvarı bu gün ölkələrin dilində bir əfsanədir. Bu bulvarın salınmasında da yaxından iştirak etmişəm, ağacların əkilməsində, gül kollarının basdırılmasında, yolların təmizlənməsində mənim də əməyim var. Bir zamanlar zibilliyi xatırladan dəniz kənarı bu gün sözün əsl mənasında göz oxşayır. Sumqayıtın sinvolu olan Göyərçin abidəsinin yanından düz şəhidlər xiyabanına kimi uzanan yolun kənarında ucalan ağacların da əkilməsində iştirak etmişəm. Qısacası, bu şəhərin bütün işlərində, o cümlədən yaşıllaşdırılmasında, təmizlənməsində mən im xidmətlərim böyükdür və mən çox şadam ki, Sumqayıtımızın çiçəklənməsində mənim də xidmətim var. Vaxt gələcək gələcək nəsillər Sumqayıtın salanların adını çəkəndə mənim də adımı çəkəcəklər və mən bununla fəxr edirəm. Bu da təbii ki ürəyimi sevinc hissiylə doldurur. Hazırda mən 20 saylı Mənzil Kommunal Sahəsində mühəndis kimi işimi davam etdirirəm. Mən bu günə kimi çox müdirlərlə işləmişəm, çox müdiləri də yola salmışam. İşlədiyim bu illər ərzində mən bir şeyə əmin olmuşam ki, işinə vicdanla, canla-başla yanaşmağın hamısı rəhbərlikdən asılıdır. Rəhbər vicdanlı, ürəkli olanda işlər də qaydasında gedir. 20 saylı Mənzil Kommunal Sahəsinin rəisi Anar müəllim məhz belə rəhbərlərdən biridir. O, tabeçiliyində olan işçilərin hamısının dərd-səriylə, problemiylə yaxından maraqlanar və əlindən gələni etməkdən çəkinməz. Elə buna görə də bütün işçilər işə gəlmək üçün can atar, işlərini və verilən tapşırıqları vaxtından əvvəl yerinə yetirərlər. Belə bir rəhbərlə işləmək mənim üçün həqiqətən çox rahatdır. Sumqayıt doğma şəhərimizdirDediyim kimi Sumqayıt bizim hamımızın şəhəridir, doğmasıdır, əziz məkanıdır. Bu şəhəri qorumaq, gül-çiçəyə qərq etmək də bizim hamımızın borcudur. Bu istiqamətdə əlimizdən nə gəlirsə edirik və bundan sonra da edəcəyik. Fizulu mənim üçün nə qədər doğma, əzizdirsə, Sumqayıt da eləcə doğma və əzizdir. Çox şükürlər olsun ki, bu gün Fizulu azaddır və biz yenidən o torpaqlara qayıdacağıq. Fizulidən çıxdığım günü heç vaxt unutmaram. Yer-göy bir-birinə qarışmışdı. Heç bilmirdik necə edək. Göz yaşlarımız sel kimi axırdı. Dədə-baba yurdumuzu belə qəfildən Sumqayıt doğma şəhərimizdir

tərk etməyin acısını yaşayırdıq. Göz yaşlarımızı saxlaya bilmirdik. Düzdür aradan illər keçdi, o axan göz yaşlarımız qurudu. Fizulu azad olanda isə həmin göz yaşlarımız yenidən üz-gözümüzü islatdı. Fizulunun azad olunduğu gün isə bizim sevincimizin həddi-hüdudu olmadı. Bizə bu sevinci yaşadanlara ömrümüz boyu minnətdarıq. Birinci Qarabağ müharibəsində itkilərimiz çox oldu. Elə mənim qardaşım da o savaşda itkin düşdü. Anam gözlərini yumanda da qardaşımı soruşdu. Nə deyim, Allah bu savaşda şəhid olanların hamısını cənnətiylə müjdələsin, qazilərimizə can sağlığı versin. Amin! Bəli, Atamoğlan müəllimin də bu şəhərdə əməyi danılmazdır. Hər ağacın kölgəsində, hər çiçəyin iyində onun və onun kimi onlarla insanın əməyi var. Sizin zəhmətiniz bu şəhərdə böyükdür. İllər keçsə də, sizin adınız gələcək nəsillərin dilində dolaşacaq. Sumqayıt bütün evsizlərin evi, yurdsuzların yurdu oldu. Nə yaxşı ki, Sumqayıtımız var və nə yaxşı ki, bu şəhərin qədir bilən sakinləri var.

Tahirə Həbliyeva

Tarix: 6-03-2022, 10:15 Oxunub: 77

Bölməyə aid digər xəbərlər

23-02-2022, 10:24 İlham Əliyev və Vladimir Putinin birgə mətbuat konfransı TAM MƏTN + VİDEO

4-12-2021, 08:32 QARABAĞ AZƏRBAYCANDIR!

20-06-2021, 10:30 SON İLLƏR SUMQAYIT NECƏ İNKİŞAF ETDİ? - FAKTLAR

29-05-2021, 20:00 Allah rəhmət eyləsin

26-05-2021, 19:00 QƏLƏBƏ BİZİM HAQQIMIZ İDİ

23-05-2021, 10:30 ASTARA Azərbaycanın cənub mirvarisidir

19-04-2021, 09:00 Maqsud Maqsudov - 80

8-03-2021, 17:31 Sumqayıt polisinin yeni rəisini yaxından tanıyaq...

9-10-2020, 21:22 Azərbaycan Prezidenti İlham Əliyev xalqa müraciət edib

26-09-2020, 12:01 Ramiz Mehdiyevin kürəkəninə arxayın olanlar dövlətə meydan oxuyur - Saxta sement mafiyasının işləkləri