QARABAĞ AZƏRBAYCANDIR!

Sumqayıt Azərbaycanın ən iri sənaye şəhərlərindən biridir. Sonsuz iftixar hissilə demək olar ki, bu gün Sumqayıt şəhəri təkcə Azərbaycanda deyil, bütün dünyada sosial-iqtisadi inkişaf baxımından öncül yer tutan şəhərlərdən biri sayılır. Bir vaxtlar Sumqayıt gənclik şəhəri adlanırdı. Ötən il 71 yaşı tamamolan şəhər indi, sözün həqiqi mənasında, gəncləşməkdə, təzələnməkdədir. Elə bu gün də şəhərimizin mikrorayon və məhəllələrində yenirənqurma işləri aparılır, küçələr salınır, parklar abadlaşdırılır.
Bəli, Sumq

ayıt bu gün gözəl paytaxtımızla birgə böyüyür, birgə addımlayır. Şəhərə üç-dörd il bundan əvvəl gələn qonaq bu gün şəhəri tanımır, onun  bu qısa müddət ərzində necə dəyişdiyini dilinə gətirir. Bu da təbii ki, şəhər rəhbərliyinin gərgin əməyinin bəhrəsidir.
20 saylı Mənzil İstismar Birliyinin tabeçiliyində olan 47 və 48-ci məhəllələr şəhərimizin ən iri məhəllələrindəndir. Bu məhəllələrin gözəlliyi, səliqə-səhmanı həqiqətən insanın gözünü oxşayır. Mənzil İstismar Birliyində rəis kimi fəaliyyətə başlayan Anar Abbasov qısa zaman kəsiyində məhəllələrin hər ikisində demək olar ki, yenidənqurma işləri aparmış, məhəllə daxilində abadlıq işləri görülmüşdür. 20 saylı Mənzil İstismar Sahəsi öz işini layiqli şəkildə davam etdirir. Əraziyə daxil olan sahələrdə abadlıq işləri aparılır, səliqə-səhman yaradılır. Belə ki, 48-ci məhəllədə yerləşən beşmərtəbəli binaların dam örtükləri yenilənmiş, binalarda fasad işləri aparılmış, bir çox binanın üzləri boyanmış, binalarda təmişlik işləri  görülmüşdür.
Bu gün məhəllənin hər yerində yaşıllaşdırma işləri davam etdirilir. Məhəllə ərazisində bu gün gül kolları əkilmiş, qurumuş, sıradan çıxmış ağaclar isə budanmışdır. Böyük təhlükə yaradan ağaclar barədə də əlaqədar təşkilatlara müraciətlər olunandan sonra həmin ağaclar kəsilmiş və ya qolları budanmışdır. 47 və 48-ci məhəllələrdə  hər gün təmizlik işləri aparılır.

Ötən il məhəllə və mikrorayonlarda daxili ərazilərin abadlaşdırılaraq yenidən qurulması, abad məhəllələrin yaradılması istiqamətində xeyli məqsəqyönlü irimiqyaslı işlər həyata keçirilmişdir. 47 və 48-ci məhəllə ərazisində də bu işlər uğurla görülmüşdür. 48-ci məhəllədə 8-ci binanın qarşısında abad məhəllə yaradılmış və əhalinin istifadəsinə verilmişdir. Bu gün təkcə bu ərazidə deyil, Sumqayıtın hər bir yerində abadlıq işləri aparılır, binaların giriş qapıları yenilənir və həyətlərə oturacaqlar quraşdırılır. Sumqayıt sakinləri bu gün ürəklə deyə bilərlər ki, onların asudə istirahəti üçün hər cür şəraitimiz mövcuddur.
Sumqayıt şəhəri 20 saylı Mənzil İstismar Sahəsinə yenicə rəis təyin olunmuş Anar Abbasovla ayaqüstü balaca bir söhbət edirik. Ondan 44 gün davam edən müharibənin sonunda yaşadığımız qələbə sevincindən söhbət etməsini xahiş edirəm:
-Əslində bizim hər birimiz bu yolda canımızı sevə-sevə qurban verməyə hazır olan Azərbaycan vətəndaşlarıyıq. Çox şükürlər olsun ki, biz bu qələbə sevincini yaşadıq. Bizə bu qələbə sevincini yaşatdığına görə Ali Baş Komandanımıza minnətdaram. Bu Qələbə də təkcə bizim qələbəmiz deyildi. Bu Qələbə neçə illər onu gözləyən milyonları aşmış könülllərin qələbəsi idi. Bu Qələbə 200 il inləyən Haqqın, Hüququn, mənfur düşmən tərəfindən zaman-zaman parçalanaraq qəsb edilmiş vətən torpağının qələbəsi idi. Bu Qələbə “Zəfərə! Zəfərə!” deyən hər Türk ərinin, hər Türk nərinin,

Tomris cəsarətli, hünərli qadınının, hər Türk oğlu, Türk övladının qələbəsi idi! Bu zəfər olmalıydı və oldu! Qarabağ bizim idi, bizim oldu! Qarabağ Türkün idi, Türkün oldu!
Bu Qələbəni bizə qazandıranlar var! Qələbə dadını bizlərə daddırmaq üçün canlarından keçmiş şəhidlərimizi, qazilərimizi heç vaxt unutmamalıyıq, unutmayacağıq! Onların qəhrəmanlıqları haqqında kitablar çap edilməli, tarix dərsliklərinə salınmalı, şagirdlərimiz tərəfindən öyrənilməli, qəhrəmanlıq dastanlarını yazmalı, filmlər çəkilməli, barələrində bəstələnmiş nəğmələri dildən-dilə gəzdirməliyik! Qazilər bizim üçün canlarını fəda etməkdən zərrə qədər belə çəkinməyibsə və Şəhidlər öz canlarını qurban veribsə, biz onlara ömrümüz boyu borcluyuq! Baxmayaraq ki, biz nə etsək də, onlara olan borcumuzu ödəyə bilmərik, yenə də bu yolda sona qədər çalışmalıyıq! Şəhidlərimizin ruhu, qazilərimizin sızıldayan canı rahatlıq tapsın deyə bunu etməliyik!

Bəli, Qarabağ bizim illərdir sızıldayan yaramız idi. Bu yaramız artıq sağalmışdır. Hər qələbə sevincini yaşayanda, yaralarımız birbəbir sağalırdı. Qubadlının alınması, Zəngilanın, Şuşanın, Cəbrayılın hər azadlıq xəbərini edşidəndə göz yaşlarımız sel olurdu.
Hər bir xalq öz prezidentini sevir, onunla qürur duyur. Lakin bizim Azərbaycan xalqı kimi prezidentini sevən, onun üçün canından keçməyə hazır olan elə bir dövlət yoxdur. Azərbaycan xalqının kiçiyindən böyüyünə hər kəs prezidentimizin vurğunudur. Qoy Uca Tanrı Prezidentimizi, Ordumuzu, xalqımızı, Vətənimizi qorusun! Bir Vətənimiz var-Azərbaycan. Bir şüarımız var-Qarabağ Azərbaycandır! Eşq olsun əbədi və müdrik PREZİDENTİMİZƏ!!!
Bəli, Şair çox gözəl demişdir: Baş-ayaq oluruq biz, səhv düşəndə yerimiz”. Çox gözəl və yerində deyilmiş bir sözdür. Bu gün hər bir dövlət məmuru yerində olmalıdır ki, Azərbaycan dövləti bundan sonra daha da çiçəklənsin. Anar Abbasov isə bu gün yerində olan və işini vicdanla yerinə yetirməyə çalışan idarə rəhbəridir. Mən inanıram ki, Anar müəllim Sumqayıtımız üçün daha da candan çalışacaq, hər bir işdə sonsuz uğurlar əldə edəcəkdir. Çünki Anar Abbasov dövlətimizə və rəhbərliyə sədaqət nümunəsidir!

Çünki Anar Abbasov vəzifəsini vicdanla yerinə yetirən, təmsilçisi olduğu dövlətin, hakimiyyətin, xalqın və prezidentin etimadını yüksək səviyyədə doğrulda bilən insandır.

Çünki Anar Abbasov böyük müəllimi və idealı olan Heydər Əliyev kimi layiqli insanlara dəyər verməkdən zövq alır!

Çünki Anar Abbasov yüksək texniki biliyi və təhsili olan, yüksək iqtisadi, siyasi və təcrübi qabiliyyətləri olan istedad sahibidir!
Anar Abbasov ani və düzgün qərar qəbul edən nadir insanlardandı!

Prezident İlham Əliyevdən nümunə götürən Anar Abbasovun böyüklüyü onun sadəliyində və insanlara insani münasibətindədi!
Anar Abbasov insanlara maksimum diqqət və qayğıyla yanaşır, onların problemlərini həll edərək, onların dövlətimizə və Prezidentimizə inamını artırır!
Bəli, Anar Abbasov yerində olan bir idarə rəhbəridir. Allah sizi daim var eləsin, Anar müəllim!

Tahirə Həbliyeva