TƏBRİK EDİRƏM!

Hörmətli Əli müəllim, bu əlamətdar gün münasibəti ilə ən səmimi təbriklərimi qəbul edin.
Hər bir insanın həyatında uğurlu zəhmət illər boyu qazanılmış müdrikliyin, peşəkarlığın, qiymətli biliklərin və əzmkarlığın, iş qabiliyyətinin və öz gücünə inamın təcəssümüdür. Qoy Sizin bütün işləriniz və təşəbbüsləriniz dostlarınız və məsləkdaşlarınız tərəfindən dəstəklənsin!
Siz uzun müddət mətbuat sahəsində çalışmısınız. Bütün sumqayıtlılar sizinlə qürur duyur . 44 günlük qələbəmiz sizin bu dünyadakı ən böyük ad gününüz oldu. Siz hamı kimi o böyük qələbə sevincini bütün Azərbaycan xalqı ilə birgə yaşadınız, qələbə sevincinin göz yaşlarını axıtdınız. Qələbəmizin sevincini öz qələminizin gücü ilə xalqımıza çatdırdınız. Döyüş bölgəsindən, qələbə müjdəsindən daim oxucularınızı məlumatlandırdınız. Allah sizi daim var eləsin!
Sizin “Söz yerə düşməsin” adlı kitabınızı demək olar ki, bir nəfəsə oxudum. Sizin sonsuz uğurlarınız bütün yaradıcılığınızda özünü biruzə verir. Gərgin əməyin bəhrəsi olan əsərləriniz oxucular tərəfindən daim hörmət və izzətlə qarşılanır. Eyni zamanda siz işlədiyiniz bu illər ərzində bir çox böyük uğurlara da imza atmısız. Siz hansı sahədə çalışmağınızdan asılı olmayaraq çətin və məsuliyyətli işinizin öhdəsindən bacarıqla gəlmişsiniz və bundan sonra da gələcəyinizə inanıram. Çünki sizin nə qədər zəhmətkeş, məsuliyyətli və tələbkar bir jurnalist olduğunuzu mən yaxşı bilirəm. Sizə bir daha uğurlar arzulayıram.
Hörmətli Əli müəllm! Sizi doğum gününüz münasibəti ilə ürəkdən təbrik edir, sizə möhkəm cansağlığı, bütün niyyətlərinizi həyata keçirmək üçün tükənməz fiziki və mənəvi qüvvə arzu edirəm. Qoy bütün işləriniz uğurlu olsun, nikbinlik və xoş əhval-ruhiyyə Sizi heç vaxt tərk etməsin, hər yeni gün Sizə əmin-amanlıq, harmoniya və xoşbəxtlik bəxş etsin!
Bir daha Sizə və ailənizə möhkəm cansağlığı, xoşbəxtlik, Azərbaycan xalqının rifahı naminə yorulmaz fəaliyyətinizdə yeni-yeni uğurlar diləyirəm. Qoy o bir olan Yaradan öz lütf və mərhəmətini hər zaman Azərbaycan xalqı və dövləti üzərində bərqərar etsin!

Hacı Rauf Sərdarov,
Abşeron-Xızı-Sumqayıt bölgə qazısı

Tarix: 2-06-2021, 12:00 Oxunub: 76

Bölməyə aid digər xəbərlər

30-05-2021, 10:30 TƏBRİK EDİRƏM!

29-05-2021, 20:00 Allah rəhmət eyləsin

26-05-2021, 19:00 QƏLƏBƏ BİZİM HAQQIMIZ İDİ

23-05-2021, 10:30 ASTARA Azərbaycanın cənub mirvarisidir

24-04-2021, 11:00 UZAQ XARKOV VİLAYƏTİNDƏ İMAM ƏLİ ADINA MƏSCİD

19-04-2021, 09:00 Maqsud Maqsudov - 80

7-03-2021, 22:45 Təbrik edirəm!

9-10-2020, 21:22 Azərbaycan Prezidenti İlham Əliyev xalqa müraciət edib

22-09-2020, 08:55 Daşkəsənin iki böyük metallurgiya müəssisəsi yeni inkişaf dövrünə başlayır - İcra başçısı yazır...

17-08-2020, 12:16 "Döyüş bölgəsindən qaçanlar özünü qəhrəman kimi göstərir" - Qarabağ Qazisi