Sosial Tədqiqatlar Mərkəzinin keçirdiyi rəy sorğusunun nəticələrinə görə, ölkəmizin üç ən böyük şəhərində - Bakı, Sumqayıt və Gəncədə vətəndaşların 58 %-i istismar müddəti 30 ildən çox olan binalarda məskunlaşıb.Bunu Sosial Tədqiqatlar Mərkəzinin (STM) İdarə Heyətinin sədri Zahid Oruc Bakıda keçirilən "Tikinti sektoru subyektləri arasında vahid müqavilə formasının tətbiq zərurəti, təmizlənməyən münasibətlərin sektorda yaratdığı problemlər və onların həlli yolları" mövzusunda konfransda bildirib."Vətəndaşların 23 %-i son 30 il ərzində tikilmiş binalarda yaşayır. Sorğu iştirakçılarının 19 %-i isə yaşadığı binanın yaşı barədə məlumatsız olduğunu bildirib. Amma onların da əksəriyyəti köhnə binalarda məskunlaşanlardır. Başqa sözlə, istismar müddəti 30 ildən yuxarı olan binalarda məskunlaşanların sayının qeyd olunan göstəricidən daha yüksək olması istisna edilmir.

Bakı şəhəri üzrə sorğuda iştirak edənlərin 26 %-i, Gəncə şəhəri üzrə 18 %-i son 30 il ərzində inşa edilmiş binalarda yaşadığını qeyd etdiyi halda, Sumqayıt şəhəri üzrə analoji göstərici cəmi 7 % təşkil edib. İştirakçıların 44 %-i istismar müddəti 30 ildən 60 ilə qədər olan, 13 %-i 60 ildən çox olan binalarda məskunlaşıb. Həmçinin 7 %-i son 10 il ərzində, 16 %-i 10 ildən 30 ilə qədər müddətdə tikilmiş binalarda yaşayır.Rəy sorğusunda iştirak edənlərin 9 %-i iki-dörd mərtəbəli binalarda, 39 %-i beş mərtəbəli binalarda, 1 %-i altı-yeddi mərtəbəli binalarda, 31 %-i doqquz mərtəbəli binalarda məskunlaşıb. Həmçinin iştirakçıların 9 %-i on-on dörd, 11 %-i isə on beş-iyirmi dörd mərtəbəli binalarda yaşayır", - deyə o qeyd edib.Sədr əlavə edib ki, ölkəmizdə tikinti sferası qeyri-neft sektorunun ən aparıcı sahəsidir, ən çox məşğulluq, dövriyyə və dövlət büdcəsinə ödəmələr də bu sektorun payına düşür: "Tikinti sektorunun iştirakçıları bu sahədə fəaliyyət göstərən sahibkarlar, yaşayış və yaxud qeyri-yaşayış sahəsinə ehtiyacı olan şəxslərdir".

Tarix: 8-07-2023, 10:35 Oxunub: 73

Bölməyə aid digər xəbərlər

16-06-2023, 17:55 Binəva vətəndaş...

22-01-2023, 10:24 Göyçə ana yurdum mənim

20-06-2021, 10:30 SON İLLƏR SUMQAYIT NECƏ İNKİŞAF ETDİ? - FAKTLAR

19-04-2021, 09:00 Oruc tutmaq sağlam olmaq deməkdir

22-09-2020, 15:08 Prezident Administrasiyasını belə heçə sayan “Konstra” MKT-nın qurbanları – Söhbət təkcə “qurban keçisi”ndən getmir

22-09-2020, 08:55 Daşkəsənin iki böyük metallurgiya müəssisəsi yeni inkişaf dövrünə başlayır - İcra başçısı yazır...

14-09-2020, 09:05 Azərbaycanda bu məhdudiyyətlər aradan QALDIRILDI

18-08-2020, 09:49 “Kristal Abşeron” şirkəti məcburi köçkünlərə narahatlıq yaşadır - GİLEY

18-08-2020, 09:47 Ucara bir DTX həmləsi yetərlidir ki... - Rayon rəhbərliyinin tamamını dama bassınlar...

14-08-2020, 12:29 Sabiq təhsil nazirindən yeni təhsil nazirinin müraciətinə cavab - Məktəb, yoxsa ev?