Son vaxtlar ölkəmizdə bir sıra birliklər və təşkilatlar yaranmağa başlamışdır. Onların bəzilərinin yalnız adı cae, bəziləri isə var gücləri ilə fəaliyyət göstərməyə çalışırlar. Belə çalışan ictimai birliklərdən biri də Şəhid ailələri, Əlillər və Müharibə Müdafiəsi Ictimai Birliyidir. Birliyin bu günlərdə Sumqayıt şəhərində fiialı fəaliyyətə başladı. Şəhid ailələri, Əlillər və Müharibə Müdafiəsi Ictimai Birliyinin sədri Tahir Məmmədov və şəhid ailələri birgə həyata keçiriblər. Bu münasibətlə birliyin sədri Tahir Məmmədov Sumqayıtda açılacaq yeni ofis binasının açılışında iştirak edib. Ofisin açılışın qırmızı lentini isə Şəhid atası ilə birgə kəsiblər.
Bundan sonra uğurlu işlər görəcək idarə heyəti möhtərəm cənab prezidentimiz İlham Əliyevin ətrafında sıx birləşəcəklərini dilə gətiriblər. İdarənin Sumqayıt şəhər şöbəsinin sədri Qiyas Şahmuradov çıxış edərək gələn qonaqları salamlayandan sonra dedi:
- Şəhid ailələri, Əlillər və Müharibə Müdafiəsi Ictimai Birliyi 2006-cı ildən fəaliyyətə başlayıb. Fəaliyyətə başladığı gündən bu günə kimi bir çox uğurlara imza atıb, adını doğrulmağa çalışıb. Təbii ki, şəhidlərimiz bizim qerur mənbəyimizdir. Azərbaycan xalqı yaşadıqca şəhidlərimiz də yaşayacaqdır. Bəli, Azərbaycan qədim bir tarixə malik böyük bir dövlətdir. O, hər zaman öz gücü, qüvvəti ilə öz düşmənlərinə qalib gəlib və gəlməkdə də davam edir. Əlbəttə ki, əgər bir dövlət qarşısına məqsəd qoyubsa ki, hər zaman inkişaf edəcək, deməli, onun düşmənləri dostundan çox olacaq. Biz bütün bu ola biləcək prosesləri gözə alıb yola çıxmışdıq. Arxamızda o qədər güclü bir qüvvə var idi ki, onun siyasəti, millətsevərliyi bizə bir stimul verirdi. Çox acılar çəkdik, itkilər verdik, amma Heydər Əliyev gücü ilə sinə gərib, qalib gəldik. Müstəqillik əldə edib, azad bir dövlətə çevrildik. Artiq bundan sonra o azadlıq uğrunda çalışmaq və onu qorumaq lazım idi. Ataların çox gözəl bir misalı var:” El bir olsa, dağ oynadar yerindən". Bizim birliyimiz də qələbəmizlə nəticələndi.
Bəli, bütün yüksəkliklərdən ucada dayanan bir zirvə var: Şəhidlik zirvəsi. Bu zirvəyə ucalmaq isə hər kəsə nəsib olmur. "Torpaq, əgər uğrunda ölən varsa, Vətəndir!”, - deyərək ölümün gözünə dik baxan, yağı düşmənin gülləsindən qorxmayan igid, mərd oğullarımız bu zirvəyə yüksəlirlər. Yalnız müqəddəs amallar uğrunda vuruşan, qorxu nə olduğunu bilməyən, Vətən və xalq yolunda canını fəda etməkdən çəkinməyən cəsarətli, ləyaqətli, qeyrətli insanlar yüksələ bilərlər bu müqəddəs zirvəyə. Bu yüksəkliyə ucalan insanlar ölmürlər, əksinə ölümləri ilə əbədilik qazanırlar. İgid Vətən oğulları ucaldıqları zirvə ilə bizlərə bir daha sübut edirlər ki, Vətən torpağı babalarmızın bizlərə yadigarıdır. Vətənin bütövlüyü, tamlığı bizlər üçün əsas amal olmalıdır. Hər qarışı bizim üçün sərvət olan Vətən torpağını qorumaq, uğrunda candan keçmək bizim ən müqəddəs borcumuzdur.
Doğma Vətən torpağını qoruyan, uğrunda canından, qanından keçən igid oğul və qızlarımızı yad etmək isə hər birimizin ən ümdə işi olmalıdır. Eyni zamanda, onların keçdiyi döyüş yolunu, göstərdikləri qəhrəmanlıqları gələcək nəsillərə örnək göstərməliyik. Çünki şəhidlərimizin Vətənə olan sevgilərini örnək göstərməklə gənclərimizin vətənpərvər ruhda tərbiyə olunmasında bir addım atmış olarıq.
Bu gün Azərbaycanın elə bir bölgəsi, elə bir kənd və qəsəbəsi tapılmaz ki, orada bir şəhid məzarına rast gəlməyək. "Torpaq, uğrunda ölən varsa, Vətəndir!” deyib döyüşə atılan igid oğullarımız minlərlədir.
Bizə bu qələbəni yaşadan qazilərimizə, şəhidlərimizə ömür boyu borcluyuq.
Sonra şəhid ailələri də çıxış edərək onlara dəyər verdiyinə görə hörmətli prezidentimiz cənab İlham Əliyevə dərin minnətdarlıqlarını dilə gətirdilər. Tədbirin sonunda general Polad Həşimovun və Cəbrayıl Dövlətzadınin adına ağac əkmə aksiyası ilə başa çatdı.

Ülviyyə Mahir qızı