TƏBRİK EDİRƏM!

Tanınmış ziyalı və uzun illər Sumqayıt şəhərinin bütün ictimai və siyasi işlərində yaxından iştirak edən və çalışan, müasir gəncliyə örnək ola biləcək zəngin bir həyat yolu yaşayan gözəl insan, xeyirxah və alicənab şəxsiyyət olan Gülnarə xanımın bu gün doğum günüdür. Gülnarə xanımın adı Azərbaycanın bütün ziyalılarına, o cümlədən Mənzil Kommunal Sahəsində işləyən, Sumqayıtın təmizlik sahəsində çalışan insanlarına yaxşı tanışdır. Gülnarə xanım təkcə Mənzil Kommunal Sahəsində fəaliyyətinə görə deyil, həm də əsl ziyalı ömrü yaşamasına görə fərqlənib, seçilib...
Gülnarə xanım kimi insanlar cəmiyyət üçün yalnız çalışdıqları sahə üçün örnək olmurlar, eyni zamanda bütün gəncliyimiz tərəfindən örnək ola biləcək bir şəxsiyyətdən sayılırlar. Bu cür elm adamlarının özəlliyi öz gücləri, potensialları sayəsində ucalmaları, cəmiyyət üçün faydalı ziyalıya çevrilmələridir. Belə ömür yolu qeyd etdiyimiz kimi, hər bir gənc üçün nümunədir.
Gülnarə Knyaz qızı Quliyeva Sumqayıt şəhərində imkanları o qədər də geniş olmayan bir ailədə dünyaya göz açıb, həyatda ciddi uğurlar əldə etməyin tək yolu daima oxumaq, çalışmaq, yorulmaz əmək olub. Kimsə ona kənardan dəstək verməyib, tapşırmayıb, işini aşırmayıb. Tək yolu oxumaq, gecə-gündüz çalışmaq olub. Çətinliklərə dözməyin, zəhmətin, öz gücünə güvənib oxumağın əvəzi bütövlükdə cəmiyyət üçün xeyrli, fəxr duyulası bir ömrə sahib olmaqla nəticələnib.
Həyatın mütləq həqiqətlərini dərk edən, dünyanın hər üzünü görmüş, yaxşını-pisdən, ağı-qaradan ayırmağı bacaran, zəngin mənəviyyata malik T.Əbdülhəsənlinin sözlərinə görə, 60 il onun üçün məsuliyyətdir, geriyə baxanda bir hesabat dövrüdür: "İllər insana çox şey öyrədir. İnsan formalaşır, püxtələşir və yaxşı ad-san qazanması üçün şans yaradır. Gülnarə xanımın belə bir şansa ehtiyacı yoxdur. Əmək fəaliyyətinə başladığı ilk gündən səmimiyyəti, mehriban münasibəti ilə insanların qəlbində taxt qurub. Bu taxtın ömrü inanıram ki, neçə min illərə dayanacaqdır.

Gülnarə xanım Sumqayıt şəhərində yaşayır. Bu şəhərin ictimai -siyasi həyatında yaxından iştirak edib və bu gün də edir. Elə məhz buna görə də Gülnarə xanıma Sumqayıtın fəxri vətəndaşı adını vermək lap yerinə düşərdi. Noyabr ayında Sumqayıtımızın 75 illiyini qeyd edəcəyik. İnşallah bu əlamətdar gündə Gülnarə xanım də öz layiqli qiymətini alacaqdır.
Bəli, qədim Yunan filosofu Sokrat deyib ki, “Bilikli insanın biliyi o, təvazökar olanda üzə çıxır”. Gülnarə xanım məhz belə bir ömür yaşayıb, yersiz tərifdən, özü haqqında danışmaqdan qaçıb. Xeyirxahlıq, alicənablıq, insanpərvərlik, həssaslıq, səmimiyyət kimi ali insani keyfiyyətlərə malik olan Gülnarə xanım daim xatırlanacaq, faydalı bir ömür yaşayıb. Yeri gəlmişkən onu da deyim ki, Gülnarə xanım Sumqayıtın inkişafındakı xidmətlərinə görə hörmətli prezidentimiz cənab İlham Əliyev tərəfindən Tərəqqi medalına layiq görülüb. Sumqayıt İcra Hakimiyyətinin başçısı cənab Zakir Fərəcov tərəfindən isə iki dəfə Fəxri Fərmanla təltif olunub. Təbii ki, bütün bunlara layiq olduğuna görə qiymətləndirilib.
Bəli, həmişə həyat eşqi və öyrətmək əzmi ilə yaşayan, ömrünün yarım əsrinin ictimai fəaliyyətə həsr edən Gülnarə xanıma uzun ömür, möhkəm cansağlığı, yeni-yeni nailiyyətlər diləyirik! Ad gününüz mübarək, gözəl xanım, gözəl ana, gözəl rəhbər!

Hörmətlə:
365 gün qəzetinin yaradıcı kollektivi

Bu təbrikə Gülnarə xanımın işlədiyi Mənzil Kommunal Sahəsinin işçiləri də qoşularaq xanımı doğum günü münasibəti ilə ürəkdən təbrik edir, xanıma sağlam, gümrah bir ömür arzulayırlar. Bir daha kollektiviniz adından sizi təbrik edirik. 100 olmasa da 99 il yaşamağınızı cani dildən arzulayırık. Ad gününüz mübarək!

Sizi sevənlər adından:
Ayşə və Pərvanə

Tarix: 14-08-2024, 13:34 Oxunub: 98

Bölməyə aid digər xəbərlər

1-07-2024, 09:59 TƏBRİK EDİRİK!

7-06-2024, 07:51 Sumqayıt: Gözəlliklər şəhəri, möhtəşəm quruculuğun ünvanı

29-05-2024, 09:46 Prezidentlə xanımı xocalılılarla... - Yenilənib

19-05-2024, 11:11 Sumqayıt Heydər Əliyevin arzuladığı şəhərə çevrilib

15-02-2024, 13:24 70-lərin kəsişməsində: 70-ci illərdə başlayan Sumqayıt sevgisi, 70 il və 70 yenilik

29-12-2023, 08:30 Ziya Kazımov və Ülvi Rəşidov məhkəmə zalında həbs edildi

17-11-2023, 09:48 “Onun fatihəsini verincə...” - Rövnəq Abdullayev

31-07-2022, 10:56 Təmizlik evimizdən başlayır

23-02-2022, 10:24 İlham Əliyev və Vladimir Putinin birgə mətbuat konfransı TAM MƏTN + VİDEO