TƏBRİK EDİRİK!

Tanınmış ziyalı və uzun illər poçt sahəsində çalışan və müasir gəncliyə örnək ola biləcək zəngin bir həyat yolu yaşayan gözəl insan, xeyirxah və alicənab şəxsiyyət olan Mahir müəllimin bu gün doğum günüdür. Mahir müəllimin adı Azərbaycanın bütün ziyalılarına, o cümlədən poçt, mətbuat sahəsində çalışanlara yaxşı tanışdır. Mahir müəllim, təkcə poçt sahəsindəki nailiyyətlərinə, jurnalistik fəaliyyətinə görə deyil, həm də əsl ziyalı ömrü yaşamasına görə fərqlənib, seçilib...

Mahir müəllim kimi insanlar cəmiyyət üçün yalnız çalışdıqları sahə üçün örnək olmurlar, eyni zamanda bütün gəncliyimiz tərəfindən örnək ola biləcək bir şəxsiyyətdir. Bu cür elm adamlarının özəlliyi öz gücləri, potensialları sayəsində ucalmaları, cəmiyyət üçün faydalı ziyalıya çevrilmələridir. Belə ömür yolu qeyd etdiyimiz kimi, hər bir gənc üçün nümunədir.
Qərbi Azərbaycanın Qafan şəhərində, çoxuşaqlı, imkanları o qədər də geniş olmayan bir ailədə dünyaya göz açıb, həyatda ciddi uğurlar əldə etməyin tək yolu daima oxumaq, çalışmaq, yorulmaz əmək olub. Kimsə ona kənardan dəstək verməyib, tapşırmayıb, işini aşırmayıb. Tək yolu oxumaq, gecə-gündüz çalışmaq olub. Çətinliklərə dözməyin, zəhmətin, öz gücünə güvənib oxumağın əvəzi bütövlükdə cəmiyyət üçün xeyrli, fəxr duyulası bir ömrə sahib olmaqla nəticələnib.
Həyatın mütləq həqiqətlərini dərk edən, dünyanın hər üzünü görmüş, yaxşını-pisdən, ağı-qaradan ayırmağı bacaran, zəngin mənəviyyata malik T.Əbdülhəsənlinin sözlərinə görə, 60 il onun üçün məsuliyyətdir, geriyə baxanda bir hesabat dövrüdür: "İllər insana çox şey öyrədir. İnsan formalaşır, püxtələşir və yaxşı ad-san qazanması üçün şans yaradır. Mahir müəllimin belə bir şansa ehtiyacı yoxdur. Əmək fəaliyyətinə başladığı ilk gündən səmimiyyəti, mehriban münasibəti ilə insanların qəlbində tsxt qurdu. Bu taxtın ömrü neçə min illərər dayanacaqdır.
Mahir müəllim Qərbi Azərbaycandandır. Məlum hadisələrdən sonra Sumqayıta pənah gətirib və uzun illərdir ki, Sumqayıt şəhərində yaşayır. Bu şəhərin ictimai -siyasi həyatında yaxından iştirak edib. Elə məhz buna görə də Mahir müəllimə Sumqayıtın fəxri vətəndaı afını vermək lap yerinə düşərdir. Noyabr ayında Sumqayıtımızn 75 illiyini qeyd edəcəyik. İnşallah bu əlamətdar gündə Mahir müəllim də öz layiqli qiymətini alacaqdır.
Dediyim kimi, Mahir müəllimin qəlbində Qafan həsrəti heç vaxt bitmir. Əksinə, günü gündən bu həsrət yükü daha da ağırlaşır. Mən əminəm ki, Mahir müəllim bir gün o torpaqlara yenidən qayıdıb, dədə-baba yurdunu ziyarət edəcəkdir.

Qafan deyiləndə qəlbim sızlayır,
Bu dərdin yükünü çəkə bilmirəm.
Qafan deyiləndən gözüm ağlayır,
Mən daha bu yükü çəkə bilmirəm.

Əslində o torpağın, o yurdun yükünü heç kim çəkə bilmir. İnşallah Milli Ordumuz sayəsində Göyçəmizə də qovuşacağıq və o yurddan qovulanlar əsl o yurdun sahibi kimi o torpaqlara qayıdacaqlar.
Bəli, qədim Yunan filosofu Sokrat deyib ki, “Alimin biliyi o, təvazökar olanda üzə çıxır”. Mahir müəllim məhz belə bir ömür yaşayıb, yersiz tərifdən, özü haqqında danışmaqdan qaçıb. Xeyirxahlıq, alicənablıq, insanpərvərlik, həssaslıq, səmimiyyət kimi ali insani keyfiyyətlərə malik olan Mahir müəllim daim xatırlanacaq, faydalı bir ömür yaşayıb.
Həmişə həyat eşqi və öyrətmək əzmi ilə yaşayan, ömrünün yarım əsrinin ictimai fəaliyyətə həsr edən Mahir müəllimə uzun ömür, möhkəm cansağlığı, yeni-yeni nailiyyətlər diləyirik!

365 gün qəzetinin yaradıcı

kollektivi adından
Xəlil müəllim