“Heç yerə qaçmaq fikrim yoxdur” - Emin Ağalarov

“Crocus Group”un birinci vitse-prezidenti Emin Ağalarov 144 nəfərin ölümü ilə nəticələnən dəhşətli terror aktından sonra ilk dəfə geniş müsahibə verib.
Xalq artisti bu barədə Bakıda Rusiyanın “Forbes” jurnalına müsahibə verib.
Emin müsahibəsində terror aktından necə xəbər tutduğunu, faciə yerində gördüklərini və atasına necə dəstək olduğunu danışıb:
“İşçilərdən biri - zalın direktoru Roman Qraçov mənə zəng etdi və “Crocus”da atışma olduğunu dedi. Həmin vaxt mən Kutuzovskidəki ofisimdə idim. Maşına mindim, faciə yerinə getdim, yəqin ki, 30-45 dəqiqəyə çatdım. Yəni ilk atışlardan 40-45 dəqiqə sonra mən artıq orada idim”.
O, faciə yerində olduğunu və baş verən dəhşəti öz gözləri ilə gördüyünü deyib:
“Həmin vaxt artıq binada yanğın başlamışdı və ziyarətçilərin çoxu çıxıb getmişdi. Əlbəttə, bu, dəhşətli mənzərə idi, artıq küçədə ölülər var idi. Qraçev və digər işçilərlə birlikdə foyedə sağ qalanların olub-olmadığını yoxladıq. Təəssüf ki, onlar arasında sağ qalan yox idi. Çox dəhşətli mənzərə idi. Hətta mən xüsusi təyinatlılara insanları təxliyə etməyə kömək etdim. Amma bir gerçək var ki, heç filmlərdə belə bu qədər ölünü bir yerdə görməmişdim”.
O, tamaşaçıların təxliyəsi ilə bağlı suala belə cavab verib:
“Həmin vaxt sistem düzgün işləyib, çünki tamaşaçıların 98%-i qaçmağı bacarıb, əvvəllər qeyd olunan bağlı təxliyə çıxışları isə əslində köməkçi müəssisənin qapıları olub”.
Ağalarovun sözlərinə görə, yanğın zamanı foyenin bir hissəsi, texniki otaqlar və Müslüm Maqomayev muzeyi zərər görməyib. Emin terror aktından sonra Rusiyadan getməsi ilə bağlı çıxan xəbərlərə belə reaksiya verib:
“Heç yerə qaçmaq fikrim yoxdur”.
Həmin müsahibənin tam versiyasını təqdim edirik:

Bizi Twitterdə izləyin

Tarix: 4-04-2024, 12:03 Oxunub: 27

Bölməyə aid digər xəbərlər

15-02-2024, 13:24 70-lərin kəsişməsində: 70-ci illərdə başlayan Sumqayıt sevgisi, 70 il və 70 yenilik

13-12-2023, 08:35 “Həyat yoldaşımla məni oğlu tanış etdi” - Videomüsahibə

17-11-2023, 09:48 “Onun fatihəsini verincə...” - Rövnəq Abdullayev

9-09-2023, 13:25 Hadrutda səngərdə olan zabitdən Ali Baş Komandana təsirli müraciət

23-02-2022, 13:16 İlham Əliyev Rusiyanın Baş naziri Mixail Mişustinlə görüşüb - FOTO/VİDEO

23-02-2022, 10:24 İlham Əliyev və Vladimir Putinin birgə mətbuat konfransı TAM MƏTN + VİDEO

29-05-2021, 20:00 Allah rəhmət eyləsin

21-05-2021, 07:58 İki oğlu şəhid olan ana: “Ən böyük arzuları düşməndən qisas almaq idi” – FOTOLAR

9-10-2020, 21:22 Azərbaycan Prezidenti İlham Əliyev xalqa müraciət edib

22-09-2020, 15:08 Prezident Administrasiyasını belə heçə sayan “Konstra” MKT-nın qurbanları – Söhbət təkcə “qurban keçisi”ndən getmir