Yasamalda Ədliyyə işçilərinin peşə bayramı qeyd edildi

Noyabr 22-də ədliyyə işçilərinin peşə bayramı münasibətilə Yasamal rayon Heydər Əliyev Mərkəzində tədbir keçirilib.
“Hüquq və ədalətin keşiyində” adlı tədbirdəYasamal Rayon İcra Hakimiyyətinin rəhbər heyəti və rayonun hüquq-mühafizə, idarə və qurumların rəsmiləri iştirak ediblər.
Yasamal rayon qeydiyyat şöbəsinin müdiri İlahə Ələsgərova ulu öndər Heydər Əliyevin sərəncamı ilə hər il noyabrın 22-nin ölkəmizdə ədliyyə işçilərinin peşə bayramının qeyd edildiyi xatırladıb və Azərbaycan ədliyyə sisteminin keçdiyi tarixi yoldan bəhs edib.
Daha sonra çıxış edən Hüquqi şəxslər və vətəndaşlıq vəziyyəti idarəsinin baş məsləhətçisi Firuzə Nəbiyeva Azərbaycan ədliyyəsinin inkişafı mərhələlərindən danışıb.
Rayon İcra Hakimiyyətinin başçısı Elşad Həsənov ulu öndər Heydər Əliyevin “Dövlət iki şeydən sarsıla bilər: günahkar cəzasız qalanda və günahsıza cəza veriləndə” kəlamını xatırladıb. Bildirib ki, bu il 100 illik yubileyini qeyd etdiyimiz ulu öndər ədliyyə-hüquq sisteminin fəaliyyətinə çox böyük önəm verib. Həm sovet, həm də müstəqillik illərində bu sahədə ulu öndərin təşəbbüsü ilə dərin islahatlar aparılmışdı.
Ədliyyə sisteminin əsaslı surətdə inkişafı ümummilli lider Heydər Əliyevin Azərbaycana birinci rəhbərliyi dövrünə təsadüf edir. O zaman nazirlik məhkəmə orqanlarına təşkilati rəhbərliyi həyata keçirib, əhaliyə hüquqi yardım yaxşılaşdırılıb, notariat fəaliyyətinin və məhkəmə ekspertizalarının aparılması təmin edilib. Ulu Öndər ikinci dəfə hakimiyyətə gələndən sonra isə Azərbaycanın ədliyyə sistemi yeni və müasir inkişaf mərhələsinə qədəm qoydu.
Bu gün Prezident İlham Əliyevin rəhbərliyi ilə aparılan ədliyyə islahatları çərçivəsində penitensiar xidmətin fəaliyyəti təkmilləşdirilir, məhkumların hüquqlarının etibarlı təmin olunması, saxlanma şəraitinin yaxşılaşdırılması, cəmiyyətə reinteqrasiyası məqsədilə infrastruktur müasirləşdirilir. Prezidentin tapşırıqlarına uyğun olaraq penitensiar sahədə aparılan islahatlardan, məhkumların saxlanma şəraitinin, tibbi təminatının yaxşılaşdırılması, sosial adaptasiyası ilə bağlı ardıcıl tədbirlər görülür. Prezident İlham Əliyev və Birinci vitse-prezident Mehriban Əliyeva tərəfindən Ulu Öndər Heydər Əliyevin humanizm siyasətinin uğurla həyata keçirilərək əfv və amnistiya aktları geniş tətbiq edilir.
Tədbirdə çıxış edən Yasamal rayon məhkəməsinin sədri İslam Əliyev, YAP Veteranlar Şurasının üzvləri Şahlar Əsgərov, Sudeyif İmamverdiyev Azərbaycanın
keçidiyi hüquqi dövlət quruculuğu yolundan və Heydər Əliyevlə bağlı xatirələri ilə bölüşüblər. Bildirilib ki, ölkə rəhbərliyi tərəfindən qarşıya qoyulan yeni vəzifələrin - qanunun aliliyinin, ədalətin, ədliyyə və məhkəmədə şəffaflığın təmin olunması ilə bağlı tapşırıqlar ardıcıl şəkildə icra olunur və burada əsas məqsəd vətəndaş məmnunluğunu təmin etməkdir.
Tədbirin sonunda bir qrup Ədliyyə işçisinə fəxri fərmanlar təqdim edilib

Tarix: 22-11-2023, 10:12 Oxunub: 30

Bölməyə aid digər xəbərlər

22-11-2023, 10:27 22 noyabr - Ədliyyə işçilərinin peşə bayramı günüdür

17-11-2023, 09:48 “Onun fatihəsini verincə...” - Rövnəq Abdullayev

30-09-2023, 07:30 Ulu öndərimiz Heydər Əliyev daim qəlbimizdə yaşayacaqdır!

9-09-2023, 13:25 Hadrutda səngərdə olan zabitdən Ali Baş Komandana təsirli müraciət

3-07-2023, 16:37 Polis günü

23-06-2023, 17:41 Heydər Əliyev tək liderimizdir!

23-06-2023, 17:37 Heydər Əliyev -100

23-06-2023, 17:25 ULU ÖNDƏRİMİZ HEYDƏR ƏLİYEVİ QÜRURLA ANIRIQ

23-02-2022, 10:24 İlham Əliyev və Vladimir Putinin birgə mətbuat konfransı TAM MƏTN + VİDEO

20-06-2021, 10:30 SON İLLƏR SUMQAYIT NECƏ İNKİŞAF ETDİ? - FAKTLAR