Sağlamlığınızı həkimlərimizə etibar edin

1949-cu ilin 22 noyabr ayından Xəzər dənizinin sahilində Corat qəsəbəsinin tərkibində salınan Sumqayıt şəhərinə bir zamanlar "Gənclik şəhəri" deyirdilər. Çünki şəhərin ilk özül daşlarını düzənlər də, onun ilk sakinləri də gənclər idi. Sonralar Sumqayıt yeni adlar qazandı: sənaye şəhəri, sülh şəhəri, kimyaçılar şəhəri, komsomol şəhəri, inşaatçılar şəhəri. Şəhərimizin əsas sinvolu olan   "Göyərçin" abidəsi isə Sumqayıt şəhərinin sülh və əmin-amanlıq şəhəri olmasından xəbər verir. Bu gün isə Sumqayıtımızın adı dünya ölkələri ilə birlikdə çəkilir.
Sumqayıt uğurları ilə də hər zaman öndə olan şəhərlərdən biridir. Belə ki, istər elm sahəsində, istər idman sahəsində, istərsə də tibbi sahədə Sumqayıt gəncləri öz bacarıqlarını göstərmişdirlər. Adını uca zirvələrə daşıyan Dünya çempionları da Sumqayıtımızın yetirmələri olmuşdur. Son altı ildə isə Sumqayıtımız demək olar ki, tamamilə dəyişmiş, sanki yenidən qurulub, yenidən tikilmişdir. Sumqayıt bulvarı bu gün Bakı bulvarından heç də geri qalmır.    Şəhərimizin hər sahədəki  uğurlar bu gün də davam edir.
Yeri gəlmişkən bir neçə ildir ki, ölkəmizdə tibbi sığorta tətbiq olunmağa başlayıb. İlk öncə bu tibbi sığortanın nə olduğunu çoxları anlamasa da, bu gün bu sahəyə keçidi hər bir kəs ürəklə alqışlayır. Çünki bir vaxtlar əməliyyat və ya başqa xərclərini xəstələr öz maddi hesabına  edirdisə, bu gün bu sahəni sığorta üstələyir. Yəni xəstənin hər hansı bir xərci sığorta tərəfindən ödənilir. Bu da təbii ki, aşağı təbəqənin adamları üçün ən böyük tapıntıdır.
Bəli, Sumqayıtda hər cür tibbi avadanlıqla təchiz olunmuş müasir standartlara cavab verən xəstəxanalarımız mövcuddur. Burada onlarla həkim kadrlar çalışır. Bir vaxtlar uçub-dağılmış xəstəxanalardan bu gün əsər-əlamət qalmayıb. Hər bir xəstəxana dövlət tərəfindən əsaslı təmir olunmuş və müasir avadanlıqlarla təchiz edilmişdir.  Həkimlərimizin dediyi kimi: burda qalır təkcə yaxşı işləmək. Sumqayıt Tibb Mərkəzinin müdiri Səkinə xanım da bu sahədə əlindən gələni edənlərdən biridir.
Şəhərsəhiyyəşöbəsininmüdiri Səkinə xanım:
-Son illərdə, xüsusən də 2020- ci ildən bütün sahələrdə olduğu kimi, Sumqayıtın səhiyyə sistemində də sürətli inkişaf, maddi-texniki bazanın möhkəmləndirilməsi, xidmətin keyfiyyətcə yaxşılaşması müşahidə olunur. Hörmətli prezidentimiz cənab İlham Əliyevin Sumqayıta gəlişi, şəhər ictimaiyyəti ilə görüşü, verdiyi tövsiyə və tapşırıqlardan sonra qısa müddətdə həyatımızda müsbət dəyişikliklər baş verdi. Şəhər rəhbərliyində edilən dəyişiklik — Zakir Fərəcovun icra hakimiyyətinin başçısı təyin olunması tərəqqidə təkanverici amiləçevrildi.
Beş ildəşəhərdəəhaliyə tibb xidməti xeyli təkmilləşib, tibb ocaqlarının avadanlıq, dərman preparatlarla təminatı yaxşılaşıb. Cari vəəsaslı təmirlər yüksək keyfiyyətlə aparılıb, islahatlar səmərə verib.
Belə ki,    Sumqayıt Tibb Mərkəzi (STM) kimi aprel ayı ərzində şəhər əhalisinə göstərdiyimiz xidmətlər də artmaqdadır. Göstərilən  statistik rəqəmlərə əsasən aprel ayı ərzində STM-in tabeliyində olan tibb müəssisələrində 104255 ambulator müraciət, 156659 sayda isə ambulator xidmət qeydə alınıb. Stasionar müraciət sayı isə 3801, xidmət isə 78806 təşkil edib.
STM-in tabeliyində olan xəstəxanalar arasında ən çox xidmət sayı 1 nömrəli Sumqayıt şəhər xəstəxanasında olub. Belə ki, həmin xəstəxanada şəhər əhalisinə 35017 xidmət göstərilib. Sumqayıt Uşaq Xəstəxanasında isə şəhərin uşaq əhalisinə 30876 sayda xidmət olunub.
Ailə Sağlamlıq Mərkəzlərinə gəldikdə isə (ASM) ən çox tibbi xidmət 2 nömrəli ASM-də göstərilib. Sözügedən tibb müəssisəsində dislokasiya ərazisinə uyğun olaraq 10768 sayda xidmət göstərilib. 1 nömrəli ASM-də isə bu rəqəm 8674 təşkil edib.
Gənclik şəhərindəözəl səhiyyə müəssisələrinin də yaradılması vüsət alıb. Hazırda 13 özəl klinika, müayinə və diaqnostik mərkəz və s. fəaliyyət göstərir. “Real” sağlamlıq klinikası, 13-cümikrorayon ərazisində yeni stomatoloji mərkəz, “Hippokrat” Elm-istehsalat tibb müəssisəsi, “Şəfqət” klinikası, “Liman” sağlamlıq mərkəzi, “İntermed”, “Diamed” diaqnostika mərkəzləri bu gün sumqayıtlılara yüksək xidmət göstərir.
Şəhərin ağxalatlılar ordusu-şəfqət yayıcılarıəhalinin sağlamlığını daha etibarlı qorumaq əzmindədirlər.
Bəli, Sumqayıt Səhiyyəsinin uğurları bununla da bitmir. Belə ki, indiyə kimi onlarla şəhid ailəsinin övladları, yaxınları, qohumları və qazilərimiz işlə təmin edilmişdir. Başqa sahələrdə 3 və ya 4 nəfər sözügedən ailələrdən işə qəbul edilmişsə, Sumqayıt səhiyyəsində bu rəqəm onlarladır.
Ölkəmizin ictimai həyatının bütün sahələrində olduğu kimi, səhiyyə sahəsində də yeni iqtisadi sistemə uyğun olaraq həyata keçirilən islahatlar, inkişaf və tərəqqi ulu öndər Heydər Əliyevin adı ilə bağlıdır. Bu gün səhiyyə sahəsində Ümummilli Liderin sosialyönümlü siyasət strategiyası Prezident İlham Əliyev tərəfindən uğurla davam etdirilir. Dövlətimizin başçısı İlham Əliyev ümummilli lider Heydər Əliyevin başlıca həyat prinsipi olan xalqa, millətə xidmət və sədaqət amalını uğurla yaşadır.

Tahirə Həbliyeva

Tarix: 28-05-2022, 17:19 Oxunub: 60

Bölməyə aid digər xəbərlər

8-05-2022, 12:45 Sumqayıt doğma şəhərimizdir

7-05-2022, 18:33 Sumqayıtn fıxri vətəndaşı

6-03-2022, 10:15 Sumqayıt doğma şəhərimizdir

23-02-2022, 10:24 İlham Əliyev və Vladimir Putinin birgə mətbuat konfransı TAM MƏTN + VİDEO

5-12-2021, 10:11 ALLAH ŞƏHİDLƏRİMİZƏ RƏHMƏT EYLƏSİN!

20-06-2021, 10:30 SON İLLƏR SUMQAYIT NECƏ İNKİŞAF ETDİ? - FAKTLAR

23-05-2021, 10:30 ASTARA Azərbaycanın cənub mirvarisidir

19-04-2021, 09:00 Maqsud Maqsudov - 80

9-10-2020, 21:22 Azərbaycan Prezidenti İlham Əliyev xalqa müraciət edib

22-09-2020, 08:55 Daşkəsənin iki böyük metallurgiya müəssisəsi yeni inkişaf dövrünə başlayır - İcra başçısı yazır...