MEHDİ MUSA OĞLU MEHDİYEV 1938-ci ildə Beyləqan rayonu I-ci Şahsevən kəndində anadan olmuşdur. 1954-1957-ci illərdə Bakı Dəmiryol Nəqliyyat texnikumunu bitirdikdən sonra, əmək fəaliyyətinə Biləcəri Dəmiryol stansiyasında fəhlə kimi başlamışdır, daha sonra 4 saylı körpü tikinti qatarında fəhlə və briqadir vəzifəsində davam etdirmişdir. İstehsalatdan ayrılmadan 1958-ci ildə Azərbaycan Politexnik institutuna qəbul olunan M.M.Mehdiyev, daha sonra yenidən Dəmiryol xidmətinin lahiyə qrupunun texniki işləmişdir. 1961-1964-ci illərdə Sovet ordusu sıralarında Y.Qaqarin adına Hərbi-Hava Akademiyasında həqiqi hərbi xidmətdə olmuş, ordudan təhris olduqdan sonra yenidən Azərbaycan Dəmir yollarına qayıdaraq Yol xidmətində mühəndis, böyük mühəndis və şöbə rəisi vəzifəsində işləmişdir. M.M.Mehdiyevin işə yaradıcı münasibətini görən Dəniryol rəhbərliyi, onu Bakı Dəmiryol stansiyasının rəisi təyin etmiş və 1971-1974-cü illərdə həmin vəzifədə işlədikdən sonra 1974-1979 cu illərdə Yol xidmətinin rəisi kimi xidmət göstərmişdir. 1979-1989-cu illərdə Azərbaycan Yolları nazirinin dəmiryol 

tikinti  işləri üzrə müavini vəzifəsində çalışan, M.M.Mehdiyev 1989-1993-cü illərdə Yolun maddi texniki təhcizat xidmətinin rəisi, daha sonra 1993-1995-ci illərdə Azərbaycan Dəmiryol nazirinin tikinti işləri üzrə müavini, 1995-1997-ci illərdə Azərbaycan Dəmiryollarının Baş mühəndisi (nazirin müavini) 1997-2001-ci illərdə isə Azərbaycan Dəmir Yollarının baş mühəndisi və Nazirin 1-ci müavini, 2001-2002-ci illərdə Azərbaycan Dəmir Yollarının baş mühəndisi vəzifəsində çalışmışdır. M.M.Mehdiyev, 2002-ci ilin avqust ayından 2004-cü ilin fevral ayına qədər öz əsas vəzifəsini icra etməklə yanaşı, Azərbaycan Dəmir Yol nazirini əvəz etmişdir. Nəhayət 2004-cü ilin fevral ayindan 2009-ci ilə qədər Dəmiryol nazirinin tikinti işləri üzrə müavini və yolun baş mühəndisi vəzifəsində  işləmişdir. 2009- cu ildən 2015-ci illə qədər  təqaüdə çıxdıqdan sonra Azərbaycan Dəmir Yolları nazirinin Məsləhətçisi vəzifəsində işləmişdir. İşdə əldə eytdiy nəaliyyətlərə görə M.M.Mehdiyev dəfələrlə SSRİ-Yollar Nazirliyi və Azərbaycan Dəmir Yol Nazirliyi və Azərbaycan Respublikası Prezdenti tərəfindən medallarla təltif olunmuşdur. Onun sinəsini "Azərbaycanın Əməkdar Nəqliyyat işçisi", "Fəxri dəmiryolçu", "Şərəf ordeni", "Şöhrət ordeni" döş nişanları bəzəyirdi. M.M.Mehdiyev 1810.2019-cu ildə dünyasını dəyişmişdir.

Allah rəhmət eləsin!. Ruhu şad olsun!