İşçi “boş-bikar” sözünü qəbul etməyib şirkət rəhbərini məhkəməyə verdi

isci-bos-bikar-sozunu-qebul-etmeyib-sirket-rehberini-mehkemeye-verdi

Azərbaycanda iş adamı “boş-bikar” ifadəsinə görə məhkəməyə verilib.
belə bir iddia ilə Nuridə Məmmədova (ad-soyad şərtidir) adlı vətəndaş Nəsimi Rayon Məhkəməsində iddia qaldırıb.
Belə ki, o, 2023-cü ildə 15 nəfərə qarşı “mənəvi zərərin əvəzinin ödənilməsi’’ tələbinə dair iddia ərizəsi ilə məhkəməyə müraciət edərək, cavabdehlərin hər birindən 5000 min manat tələb edib. Cavabdehlərdən Nazim Qurbanov (ad-soyad şərtidir) məhkəmədə “İddiaçı boş-bikar adamdır. Biz iş adamıyıq” deməsi Nuridə Məmmədovanın onun barəsində xüsusi ittiham qaydasında şikayət ərizəsi yazması ilə nəticələnib. O, iş adamının Cinayət Məcəlləsinin 148-ci maddəsi (Təhqir) ilə cinayət məsuliyyətinə cəlb edilərək 06 (altı) ay müddətə azadlıqdan məhrum etmə cəzasına məhkum edilməsi barədə hökm çıxarılmasını xahiş edib.
Məmmədova iddiasını onunla əsaslandırıb ki, o, üç ali təhsilə sahibdir, bir sıra dövlət və özəl qurumlarda çalışıb və bu səbəbdən ona “boş-bikar adamdır” deyilməsini özünə təhqir kimi qəbul edib.
Təqsirləndirilən şəxs (mülki cavabdeh) Nazim Qurbanov isə məhkəmədə ifadəsində Nuridə Məmmədova təhqir etmədiyini bildirib:

Ətraflı

Ads by

0Reklamınızı SmartBee ilə effektiv edin.

“Məhkəmədə hakimlə iki dəqiqəlik dialoqda “xanımın ola bilsin ki, zamanı var, boş zamanı çoxdur, ola bilsin boş-bikardır və dayanmadan polisə, məhkəmə orqanlarına şikayətlər yağdırır” demişəm. İşimlə bağlı səfərdə oluram, gələ bilmirəm, işim xüsusi təyinatlı sahədir, vaxtım olmur. Əgər “boş-bikar” sözü Azərbaycan dilinin leksikonunda təhqir ifadəsi olaraq hesab olunsa belə, həmin sözü təhqir kimi qəbul etmirəm. Məsələn, həkim “həftənin üçüncü günü boş-bikarsansa, gəl analizlərini ver” deyirsə, onda həkim məni təhqir edir? Mən bu sözü ailədə də istifadə edirəm”.
İddiaçı məhkəməyə səbəb olan sözlə bağlı ekspertizanın Azərbaycan Milli Elmlər Akademiyası Nəsimi adına Dilçilik İnstitutu tərəfindən həyata keçirilməsini istəyib. Ekspert rəyində isə göstərilib ki, “boş-bikar” ifadəsi haqqında danışılan şəxsin şərəf və ləyaqətini alçaltmaq və ya təhqir etmək məqsədilə deyil, sadəcə onun işsiz-gücsüz olmasını vurğulamaq mənasında işlənir.
Cinayət Məcəlləsinin 148-ci maddəsində nəzərdə tutulmuş cinayətin tərkibi olmadığından, iş adamına həmin maddə ilə bəraət verilib.
Qeyd edək ki, adını açıqlamadığımız iş adamının direktoru olduğu şirkət kənd təsərrüfatı sahəsində ixtisaslaşıb.

Tarix: 4-05-2024, 10:05 Oxunub: 67

Bölməyə aid digər xəbərlər

15-02-2024, 13:24 70-lərin kəsişməsində: 70-ci illərdə başlayan Sumqayıt sevgisi, 70 il və 70 yenilik

9-09-2023, 13:25 Hadrutda səngərdə olan zabitdən Ali Baş Komandana təsirli müraciət

23-02-2022, 10:24 İlham Əliyev və Vladimir Putinin birgə mətbuat konfransı TAM MƏTN + VİDEO

20-06-2021, 10:30 SON İLLƏR SUMQAYIT NECƏ İNKİŞAF ETDİ? - FAKTLAR

26-09-2020, 11:54 Məhkəmə sisteminin daha bir eybəcərliyi... - GİLEY

24-09-2020, 08:54 Şəhid ailəsi Rafil Hüseynovdan Prezidentə ŞİKAYƏT ETDİ - "Əli Talıbov tək bizim ailənin Şəhidi deyil..."

22-09-2020, 15:08 Prezident Administrasiyasını belə heçə sayan “Konstra” MKT-nın qurbanları – Söhbət təkcə “qurban keçisi”ndən getmir

22-09-2020, 08:55 Daşkəsənin iki böyük metallurgiya müəssisəsi yeni inkişaf dövrünə başlayır - İcra başçısı yazır...

21-09-2020, 10:13 Şəhid ailəsi Rafil Hüseynovdan Prezidentə ŞİKAYƏT ETDİ - "Əli Talıbov tək bizim ailənin Şəhidi deyil..."

17-09-2020, 09:25 Cavid Qurbanov: HARDAN HARAYA... - Baş dəmriyolçu böyük ambisiyalara doğru...