QƏHRƏMAN GENERALIMIZIN ANASI SƏMAYƏ ANA “MEHRİBAN ANA” ORDENİ İLƏ TƏLTİF OLUNDU

9 avqust 2024-cü il tarixində Bakı şəhəri Muğam Mərkəzində “Dədə Qorqud” Milli Fondu və “Azərbaycan Dünyası” beynəlxalq dərgisinin birgə layihəsi tərəfindən Azərbaycanımızın Milli Qəhrəmanı Generalımız Polad Həşımovun Şəhidlik zirvəsinə ucaldıqdan sonra "Vətən Övladı" Ordeni və Azərbaycanımıza əvəzolunmaz qəhrəmanını bəxş edən Səmayə Ananaın "Mehriban Ana" Ordeni ilə təltif olunma mərasimi keçirilmişdir.

Tədbirə dəvət aldığım üçün Azərbaycanın ictimai xadimi, xeyriyyəçi-mesenat, türkoloq və naşir-publisist. “Dədə Qorqud” Milli Fondunun yaradıcısı və Prezidenti “Azərbaycan Dünyası” beynəlxalq jurnalının təsisçisi və baş redaktoru, “Veteranın Səsi” jurnalının baş redaktoru və təsisçisi, Heydər Əliyev adına Azərbaycan-Qazaxıstan Respublika Cəmiyyətinin vitse-prezidenti, Azərbaycan Jurnalistlər Birliyinin üzvü; Dünya Azərbaycanlıları Konqresinin üzvü. Diasporla İş üzrə Dövlət Komitəsinin üzvü Eldar İsmayılova minnətdaram.

Tədbir açıq elan edildikdən sonra Azərbaycan Respublikasının dövlət himni səsləndirildi və bir dəqiqəlik sükutla Şəhidlərimiz yad edildi.

Tədbirdə Milli qəhrəmanımızın Anası Səmayə Ana, Şəhid Anaları, Şəhid Ataları, övladlar, Qəhrəman Qazilərimiz, Dövlət rəhbərləri, İctimai xadimlər, TV əməkdaşları, jurnalistlər, yazıçıları, rəssamlar və şairləri işirak edirdilər.

Tədbirdə çıxış edən görkəmli xadim Eldar İsmayılov cənabları Qəhrəman Generalımız Polad Həşımov barəsində fikirlərini bildirdikdən sonra Milli Qəhrəmanımızın Anası Səmayə Anaya “Mehriban Ana” medalını təqdim etdi. Səmayə Ana da öz növbəsində bu yüksək etimada görə Eldar İsmayılova öz dərin minnətdarlığını bildirdi.

Azərbaycanımızın Milli Qəhrəmanı General Mayor Polad Həşımovun vəfatından sonra "Vətən Övladı" ordenini isə Milli Qərəmanımız Polad Həşimovun oğlu Davud Həşimova təqdim olundu.

Tədbirdə iştirak edən qonaqlar çıxış edərək Qəhrəman Generalımızın keçdiyi döyüş yollarından danışıb bu gözəl mükafat üçün Səmayə Ananı və nəvəsi Davudu təbrik etdilər. Sonra Milli Qəhrəmanımız ilə bağlı sənədli filmlər nümayiş etdirildi, xoş xatirələr yada salındı...

Tədbirin sonunda qonaqlar Xatirə şəkilləri çəkdirdilər. Təqdimetmə mərasimi yüksək səviyyədə keçirildi.

Bu tədbirin gözəl və yüksək səviyyədə keçirilməsi üçün təşkilatçılara Öz adımdan Minnətdarlığımı bildirirəm.

Yeri gəlmişkən istedadlı gəncimiz Davudun Ali Məktəbə qəbul olması münasibəti səmimi qəlbdən Təbrik edir, Təhsilində zehin açıqlığı, uğurlar Arzulayıram.

Qafarov Ədalət İzzət oğlu (Əroğlu)

AYB və AJB-nin üzvü,

Hüquqşünas-şair