Sabiq direktorla baş mühasib cinayət məsuliyyətinə cəlb olundu

Emal Sənayesi üzrə Bakı Peşə Təhsil Mərkəzinin sabiq direktoru Mətləb Hüseynov və baş mühasibi Aynaxanım Babayeva cinayət məsuliyyətinə cəlb ediliblər.
“Qafqazinfo”nun əldə etdiyi məlumata görə, eks direktorla mühasib mərkəzə ayrılmış külli miqdarda vəsaiti mənimsəməkdə ittiham olunurlar.
Onların əməllərinin üstü Baş Prokuror yanında Korrupsiyaya qarşı Mübarizə İdarəsi tərəfindən aparılan araşdırmalarla açılıb.
Zərərçəkmiş qismində Peşə Təhsili üzrə Dövlət Agentliyi tanınıb.
Cinayət işinin təfərrüatlarını öyrənməyə çalışırıq.
Əldə etdiyimiz məlumata görə, Mətləb Hüseynov Aynaxanım Babayeva ilə əlbir olaraq işçilərin bank hesabına əlavə pulllar köçürüb, sonradan həmin pulları nağdlaşdırılaraq mənimsəyiblər.
Mənimsənilən məbləğ isə 175 min 365 manatdır.
Direktor Hüseynov ittihamları qəbul etməsə də, xanım baş mühasib istintaqda özünü təqsirli bilib. İfadələri arasında ziddiyyət olduğu üçün müstəntiq onları üzləşdirib. Üzləşmə zamanı A.Babayeva əməllərini M.Hüseynovun üzünə deyərək onu ifşa edib. Xanım müttəhim etiraf edib ki, əməkdaşların kartlarına köçürülən əlavə pul vəsaitlərini və mükafat pullarını onlardan yığaraq direktora verib. Qeyd edib ki, mənimsənilən pulların 90 faizi direktora 10 faizi ona qalıb.
Qeyd olunan əməllərə görə, təqsirləndirilən şəxslərə qarşı Cinayət Məcəlləsinin 179.3.2-ci ( külli miqdarda mənimsəmə) və 308.2 ( vəzifə səlahiyyətlərindən sui-istifadə ) və 313-cü (vəzifə saxtakarlığı) maddələri ilə ittiham verilib.
Müttəhimlər heç biri həbsdə deyil. Onlar barəsində istintaq dövrü müddətində “başqa yerə getməmək haqda” qətimkan tədbiri seçilib.
İş araşdırılması üçün Bakı Ağır Cinayətlər Məhkəməsinin hakimi Əli Məmmədovun icraatına verilib. İlk iclas yaxın günlərdə keçiriləcək.

Tarix: 20-07-2024, 13:40 Oxunub: 45

Bölməyə aid digər xəbərlər

10-06-2024, 09:28 “Dəmir Yumruq” Alfa A cəmiyyətinin yaradıcısı və təsisçisi Ülviyyə xanım Əsədovanın kitab təqdimatı və ad günü qeyd olundu

6-04-2024, 09:25 “Yalan danışır, pulu arvadının kartına köçürüb”

15-02-2024, 13:24 70-lərin kəsişməsində: 70-ci illərdə başlayan Sumqayıt sevgisi, 70 il və 70 yenilik

9-09-2023, 13:25 Hadrutda səngərdə olan zabitdən Ali Baş Komandana təsirli müraciət

21-09-2021, 22:33 Xaçmazda iş adamının səs-küylü qətlini araşdıran prokuror həbs edildi (TƏFƏRRÜAT)

20-06-2021, 10:30 SON İLLƏR SUMQAYIT NECƏ İNKİŞAF ETDİ? - FAKTLAR

26-09-2020, 17:55 Neftçala Mərkəzi Xəstəxanasında nələr baş verir? - Sürücü ciddi faktlar açıqladı

26-09-2020, 11:55 Korrupsioner məmurlara qarşı YENİ DALĞA... - NƏ ZAMAN BAŞLAYIR?

22-09-2020, 15:08 Prezident Administrasiyasını belə heçə sayan “Konstra” MKT-nın qurbanları – Söhbət təkcə “qurban keçisi”ndən getmir

31-08-2020, 19:08 Qulinin ölüm ssenarisi: Onu kim və niyə öldürdü? - Şok faktlar