Bu da Sumqayıt Bulvarı

Sumqayıt Şəhər İcra Hakimiyyəti başçısının tabeliyindəki “Sumqayıt Bulvar” MMC ağac və kolların, rulon qazonun və güllərin satın alınması üzrə elan etdiyi müsabiqənin qaliblərini açıqlayıb.
Valyuta.az Hit.az-a istinadən xəbər verir ki, qaliblər “Gülüstan MMM” MMC və fərdi sahibkar Bağırova Nigar Rauf qızıdır.
“Sumqayıt Bulvar” MMC ağac və kolların, rulon qazonun satın alınması üçün “Gülüstan MMM” MMC-yə 76 499.4 AZN, güllərin satın alınması üçün isə Nigar Bağırovaya 39 550 AZN ödəyəcək.
İqtisadiyyat Nazirliyi yanında Dövlət Vergi Xidmətinin reyestr məlumatlarında göstərilir ki, “Gülüstan MMM” MMC 19 oktyabr 2004-cü ildə qeydiyyata alınıb. Nizamnamə kapitalı 20 AZN olan şirkətin hüquqi ünvanı Bakı şəhəri Yasamal rayonu, Fuad İbrahimbəyov küçəsi, ev 4-də yerləşir. MMC-nin qanuni təmsilçisi Manafov Mirzəbala Məmmədhüseyn oğludur.
Açıq mənbələrdə “Gülüstan MMM” MMC və Mirzəbala Manafov barəsində hər hansı məlumata rast gəlinmir. Baxmayaraq ki, şirkət 17 ilə yaxındır fəaliyyət göstərir. “Gülüstan MMM” MMC-nin bundan əvvəl satınalma müsabiqələrində iştirakına dair hər hansı fakt yoxdur.
Nigar Bağırovaya gəlincə, araşdırmalarımız zamanı məlum olub ki, “Sumqayıt Bulvar” MMC ötən il də onunla satınalma müqaviləsi bağlayıb. Maliyyə dəyəri 47 950 manat olan müqavilədə güllərin satın alınması nəzərdə tutulub.
“Sumqayıt Bulvar” MMC 13 aprel 2017-ci ildə 300 manatlıq nizamnamə kapitalı ilə yaradılıb. MMC-nin qanuni təmsilçisi Vəliyev Yavər Şirin oğludur.
“Sumqayıt Bulvar” MMC vaxtaşırı ağac və kollara, həmçinin güllərə pul xərcləyir. Təkcə ötən il ağac və kolların, eyni zamanda güllərin satın almasına 211 950 AZN sərf edilib. Ümumiyyətlə isə, “Sumqayıt Bulvar” MMC 2019-2021-ci illərdə toplam maliyyə dəyəri 6 milyon manata yaxın olan satınalma müqaviləsi imzalayıb.

Tarix: 1-06-2021, 18:57 Oxunub: 74

Bölməyə aid digər xəbərlər

24-05-2021, 06:49 “Sumqayıt” klubunun futbolçuları ilə görüşüb

13-04-2021, 09:00 “Nur-SS”lə bağlı müəmma

5-03-2021, 22:53 Abdin Fərzəliyevdə “VURULDU” – icra başçısı vəzifəsinin yox , CANININ HAYIDADIR

24-09-2020, 17:53 “Binə” və “Sədərək”də total yoxlamalar – böyük mənimsəmə iddiası

23-09-2020, 12:46 Şeyxin qudası Vasif Talıbovun övladlarına 110 sot torpaq satıb - SƏNƏDLƏR

22-09-2020, 15:08 Prezident Administrasiyasını belə heçə sayan “Konstra” MKT-nın qurbanları – Söhbət təkcə “qurban keçisi”ndən getmir

22-09-2020, 08:55 Daşkəsənin iki böyük metallurgiya müəssisəsi yeni inkişaf dövrünə başlayır - İcra başçısı yazır...

21-09-2020, 12:57 Yasamal sakinləri Samir Şərifovu İTTİHAM ETDİ - “Nazirlə icra başçısı pullarımızı mənimsəyib”

12-09-2020, 10:54 “Ximekspress 2000 Firması”nın gücünə daha kimlər güc verir? - İLGİNC

21-08-2020, 15:28 Azərbaycanda “Aqrar Sığorta Müştərək Sığorta Şirkəti” yaradılır