“Nur-SS”lə bağlı müəmma

Dövlət Sosial Müdafiə Fondu (DSMF) “Nur-SS” MMC ilə satınalma müqaviləsi imzalayıb.
Valyuta.Az hit.az-a istinadla xəbər verir ki, maliyyə dəyəri 195 475.26 AZN təşkil edən müqavilədə Çap və mətbəə məhsullarının satın alınması nəzərdə tutulur.
Kommersiya qurumunun hüquqi şəxslərin dövlət reyestrinə daxil edilmiş məlumatlarına görə, “Nur-SS” MMC 29 oktyabr 2004-cü il tarixdə İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsində qeydiyyata alınıb.
Nizamnamə kapitalı 10 AZN olan şirkətin hüquqi ünvanı Bakı şəhəri Yasamal rayonu, Haqverdiyev küçəsi, ev 13, mənzil 9-da yerləşir. MMC-nin qanuni təmsilçisi isə İbrahimov İbrahim Ədalət oğludur.
Araşdırmalarımız zamanı məlum olub ki, “Nur-SS” MMC əsasən Əmək və Əhalinin Sosial Müdafiəsi Nazirliyinin tabeliyində olan qurumların elan etdiyi tenderlərin qalibi olur. Məsələn, 2020-ci ildə “Sosial Xidmətlər Agentliyi” publik hüquqi şəxsi “Nur-SS” MMC ilə maliyyə dəyəri 1 709 103 AZN olan müqavilə bağlayıb.
Müqavilədə Sosial Xidmətlər Agentliyinin aparatı və filialları üçün digər maşın və avadanlıqların satın alınması nəzərdə tutulur.
Həmin ildə Dövlət Tibbi-Sosial Ekspertiza və Reabilitasiya Xidməti də avadanlıq almaq üçün “Nur-SS” MMC ilə 478 578 manatlıq müqavilə imzalayıb.
Adı çəkilən hər iki qurum Əmək və Əhalinin Sosial Müdafiəsi Nazirliyinə tabedir. Nazirliyin özü də “Nur-SS” MMC ilə satınalma müqaviləsi bağlayıb. Maliyyə dəyəri 206 675 manat olan müqavilədə maşın və avadanlıqların satın alınması nəzərdə tutulur.
Maraqlıdır ki, “Nur-SS” MMC həm çap məhsulları, həm də maşın və avandanlıqlar satır.
Şirkət milyonluq tenderlərin qalibi olsa da, açıq mənbələrdə barəsində məlumat çox azdır. Şirkətin hətta internet səhifəsi də yoxdur.
MMC-nin qanuni sahibinə gəlincə, İbrahim İbrahimovun adı kredit borcu ilə bağlı məhkəmə işində keçir. 2015-2016-cı illərdə “Unibank”ın iddiasına əsasən kredit borcunun tutulması və ipoteka predmetinə tutmanın yönəldilməsinə dair məhkəmədə İbrahim İbrahimov cavabdeh qismində cəlb olunub. Kredit borcuna görə məhkəməyə verilmiş bir şəxsin milyonluq layihələri necə həyata keçirdiyi də çox maraqlıdır.

Tarix: 13-04-2021, 09:00 Oxunub: 34

Bölməyə aid digər xəbərlər

26-09-2020, 11:40 Əhmədlidə kirayədə qalan bir mühasibin hekayəsi: Vəsilə Abdulova kimdir? – Villalar, maşınlar, Türkiyə biznesi…

24-09-2020, 08:56 Sahil Babayevin işçilərinin DƏFN PULU özbaşınalığı... - NARAZILIQ...

22-09-2020, 15:08 Prezident Administrasiyasını belə heçə sayan “Konstra” MKT-nın qurbanları – Söhbət təkcə “qurban keçisi”ndən getmir

22-09-2020, 08:55 Daşkəsənin iki böyük metallurgiya müəssisəsi yeni inkişaf dövrünə başlayır - İcra başçısı yazır...

12-09-2020, 10:54 “Ximekspress 2000 Firması”nın gücünə daha kimlər güc verir? - İLGİNC

21-08-2020, 15:28 Azərbaycanda “Aqrar Sığorta Müştərək Sığorta Şirkəti” yaradılır

31-08-2020, 19:08 Qulinin ölüm ssenarisi: Onu kim və niyə öldürdü? - Şok faktlar

18-08-2020, 09:47 Ucara bir DTX həmləsi yetərlidir ki... - Rayon rəhbərliyinin tamamını dama bassınlar...

4-08-2020, 20:37 Büdcəyə dəyişiklik layihəsi plenar iclasa tövsiyə olundu

4-08-2020, 15:54 Sahil Babayev şübhəli təyinatından GERİ DURACAQMI? - İLGİNC