Respublika Günü ilə bağlı Şamaxıda video-konfrans keçirildi

Sosial09:00Oxunma sayı: 140

28 May – Respublika Günü münasibətilə Şamaxıda video formatda konfrans keçirilib.
"yeniazerbaycanheyati.com" xəbər verir ki, konfransı giriş sözü ilə Şamaxı Rayon İcra Hakimiyyətinin başçısı Tahir Məmmədov açaraq 1918-ci il mayın 28-də Azərbaycan Xalq Cümhuriyyətinin yaradılmasının ölkəmizin həyatına böyük tarixi hadisə kimi daxil olduğunu bildirib, Cümhuriyyətin cəmi 23 aylıq fəaliyyəti dövründə xalqımızın milli mənlik şüurunu özünə qaytardığını, onun öz müqəddəratını təyin etməyə qadir olduğunu nümayiş etdirdiyini diqqətə çatdırıb.

Milli Məclisin deputatı Tamam Cəfərova çıxış edərək qeyd edib ki, Xalq Cümhuriyyəti dövründə Azərbaycanın ilk parlamenti və hökuməti, dövlət aparatı təşkil edilib, ölkənin sərhədləri müəyyənləşdirilib, bayrağı, himni və gerbi qəbul edilib, ana dilimiz dövlət dili elan edilib, ordu quruculuğu sahəsində ciddi tədbirlər həyata keçirilib, maarifin və mədəniyyətin inkişafına xüsusi diqqət yetirilib. Azərbaycanın ilk universiteti təsis olunub, təhsil milliləşdirilib, xalqın sonrakı illərdə mədəni yüksəlişi üçün zəmin hazırlayan, ictimai fikir tarixi baxımından müstəsna əhəmiyyətli işlər görülüb.
Konfransda Xalq Cümhuriyyətinin öz üzərinə götürdüyü çətin tarixi vəzifəni şərəflə yerinə yetirdiyi, Cümhuriyyətin Azərbaycanın dövlətçilik tarixindəki müstəsna rolunun daim xatırlandığı bildirilib. Ulu öndər Heydər Əliyev müasir Azərbaycan dövlətinin məhz 1918-ci ildə yaranmış Azərbaycan Xalq Cümhuriyyətinin varisi olmasını dəfələrlə bəyan etdiyi, eyni zamanda, AXC-nin 100 illik yubileyi ilə bağlı Prezident İlham Əliyevin imzaladığı Sərəncamın, 2018-ci ilin “Azərbaycan Xalq Cümhuriyyəti ili” elan edilməsinin milli dövlətçilik tariximizə olan diqqət və qayğının bariz göstəricisi olduğu diqqətə çatdırılıb.

Tarix: 28-05-2021, 09:30 Oxunub: 49

Bölməyə aid digər xəbərlər

6-05-2021, 14:50 Mustafa Abbasbəyli: “Yaxın zamanlarda ölkənin məşğulluq xəritəsi təqdim olunacaq” – MÜSAHİBƏ

8-03-2021, 12:04 Strateji planlaşdırma qələbənin əldə olunmasını təmin edən əsas amillərdən biridir.

9-10-2020, 21:22 Azərbaycan Prezidenti İlham Əliyev xalqa müraciət edib

26-09-2020, 11:55 Korrupsioner məmurlara qarşı YENİ DALĞA... - NƏ ZAMAN BAŞLAYIR?

22-09-2020, 08:55 Daşkəsənin iki böyük metallurgiya müəssisəsi yeni inkişaf dövrünə başlayır - İcra başçısı yazır...

14-09-2020, 09:07 Goranboyda büdrəyən YENİ SİYASƏT... - İslahatlara kim mane olur?

31-08-2020, 19:08 Qulinin ölüm ssenarisi: Onu kim və niyə öldürdü? - Şok faktlar

18-08-2020, 09:47 Ucara bir DTX həmləsi yetərlidir ki... - Rayon rəhbərliyinin tamamını dama bassınlar...

14-08-2020, 09:27 Pulu çox alanda tibb bacısına virus keçmirmi?!

10-08-2020, 14:46 Azad Rəhimov: "Mən həqiqətən çox narahatam"