DEPUTATLIĞA NAMİZƏD OLMAQ ÜÇÜN ƏDALƏT İZZƏT OĞLU QAFAROV İMZA KOMPANİYASINA BAŞLAYIB

HÜQUQŞÜNAS-ŞAİR ƏDALƏT İZZƏT OĞLU QAFAROV MİLLİ MƏCLİSƏ DEPUTATLIĞA NAMİZƏDLİYİNİ ÖZ TƏŞƏBBÜSÜ İLƏ İRƏLİ SÜRMƏKLƏ SUMQAYIT SAKİNLƏRİNDƏN İMZA TOPLAMAĞA BAŞLAMIŞDIR...

46 saylı Sumqayıt beşinci seçki dairəsindən Azərbaycan Respublikası Milli Məclisinə Deputatlığa Namizədliyini öz təşəbbüsü ilə irəli sürən "İZZƏT" MMC Hüquq xidməti və Təhsil Mərkəzinin Təsisçisi və Direktoru Qafarov Ədalət İzzət oğlu öz Facebook səhifəsində paylaşım edərək imza toplama kompaniyasında yaxından dəstək olduqlarına görə Sumqayıt sakinlərinə öz təşəkkürünü və minnətdarlığını bildirmişdir.
Hüquqşünas Ədalət Qafarovla balaca bir söhbət edirik. Ədalət müəllimin dediklərindən:
-Mən taleyimi Cəbrayıl rayonunun Hovuslu kənd orta məktəbini bitirdikdən sonra 1983-cü ildən Sumqayıtla bağlamışam. O vaxtdan da ta bu günə kimi Sumqayıtlılara və xalqıma xidmət edirəm. Elə düşünürəm ki, mənim Milli Məsclisə Deputat seçilməyim Sumqayıt sakinlərinin ürəyincə olacaqdır.
Nəzərinizə çatdırmaq istəyirəm ki, indiyə kimi minlərlə gəncin Ali məktəblərə, Kolleclərə düzgün ixtisas seçərək qəbul olmasında, onların həyat yollarının işıqlandırılmasında, Təhsil Mərkəzimiz tərəfindən kompüter kurslarına şagirdlərimizin cəlb olunmasında və Ali Məktəblərə, Kolleclərə Abuturiyentlərə təhsil verilməsində, Sumqayıtlılara və respublikamızın hər bir bölgəsində hüququ pozulmuş vətəndaşların hüququ yardım olunmasında sonsuz xidmətlərim olmuşdur. Bu şəhər mənim üçün çox doğmadır, əzizdir. Sumqayıtla bağlı altı şeirin, altı şeirlər kitabının müəllifi, yüzdən çox poeziya ontologiyası və elmi-publisistik ədəbi məcmuələrdə çap olunmuşam. Şeirlərim ispan, ingilis, özbək, rus dillərinə tərcümə olunmuş, müxtəlif mətbu orqanlarında dərc edilmişdir. Bir çox mükafatlarla, o cümlədən Fəxri Fərmanlarla, Diplomlarla təltif olunmuşam. Azərbaycan Yazıçılar və Jurnalistlər Birliklərinin üzvüyəm.
Ölkəmiz Müstəqillik qazanandan sonra daim şəhid və qazi ailələrinin yanında olmuşam, Qəhrəman Şəhidlərimizə, Əsir düşmüş soydaşlarımıza və Qazilərimizə onlara şeirlər həsr etmişəm. Eyni zamanda bir neçə şeirimə mahnılar bəstələnmiş və tanınmış müğənnilərin ifasında səslənmişdir.
Qeyd edim ki, bu seçkilərə Sumqayıt sakinlərinin, bir çox ziyalıların, Ağsaqqal və Ağbirçəklərimizin, gənclərimizin fikirləri ilə qoşulmuşam.

Mənə bu seçkidə Namizədliyimlə əlaqədar imza toplamaqda dəstək olan Qəhrəmanlarımızın Şəhid Ailələrinə, Qazilərimizə, Ağsaqqalllar, Ağbirçəklərimizə və Gənclərimizə, Dostlarıma, Qələmdaşlarıma, Ziyalılarımıza, Qohumlara, Qonşularıma Minnətdaram!

Tanrı Azərbaycanımızı qorusun.

Sumqayıtlıların nəzərinə çatdırım ki, mənə doğma şəhər olan Sumqayıtda 42 illik əmək fəaliyyətim olmuşdur. Hərbi xidmətə Sumqayıt şəhərindən getmişəm, ali təhsilimi də Bakı Dövlət Universitetinin hüquq fakültəsində almışam. İxtisasca hüquqşünasam. Əmək fəaliyyətimə Sumqayıt şəhəri, 1 saylı Tikinti Trestinin 12 saylı Tikinti İdarəsində fəhlə kimi başlamışam. Sonra Sumqayıt şəhər Məhkəməsində müxtəlif vəzifələrdə çalışmışam. Hazırda isə "İZZƏT" MMC Hüquq Xidməti və Təhsil Mərkəzinin direktoru olaraq çalışıram.

Ədalət müəllimlə söhbət zamanı Sumqayıtlıların ona necə dəstək olduqlarının canlı şahidi oldum. Sakinlər ona imza toplama kompaniyasında yaxından dəstək olaraq ən layiqli namizəd olduğunu da bildirdilər.
Hüquqşünas Ədalət Qafarovun imzaların toplanmasıyla bağlı Sumqayıtlılarla görüşləri davam etdirilir.
Bu yolda Hüquqşünas-şair Ədalət İzzət oğlu Qafarova (Ədalət Əroğlu) sonsuz uğurlar arzulayırıq.

Tahirə Həbliyeva,

365 gün qəzetinin baş redaktoru

Tarix: 21-07-2024, 12:16 Oxunub: 790

Bölməyə aid digər xəbərlər

10-06-2024, 09:28 “Dəmir Yumruq” Alfa A cəmiyyətinin yaradıcısı və təsisçisi Ülviyyə xanım Əsədovanın kitab təqdimatı və ad günü qeyd olundu

7-06-2024, 07:51 Sumqayıt: Gözəlliklər şəhəri, möhtəşəm quruculuğun ünvanı

28-05-2024, 11:07 Növbədənkənar parlament seçkiləri - avqust...

26-05-2024, 09:43 İlham Əliyev əfv Sərəncamı imzaladı

19-05-2024, 11:11 Sumqayıt Heydər Əliyevin arzuladığı şəhərə çevrilib

15-02-2024, 13:24 70-lərin kəsişməsində: 70-ci illərdə başlayan Sumqayıt sevgisi, 70 il və 70 yenilik

26-01-2024, 15:08 seçki

17-01-2024, 10:44 5 milyon 200 min nəfərə yaxın seçici 5547 seçki məntəqəsində səs verəcək