6 dekabr - poçt işçilərinin peşə bayramıdır

Azərbaycan Respublikasının Prezidenti cənab İlham Əliyevin imzaladığı müvafiq Sərəncama uyğun olaraq 6 dekabr tarixi rabitə və informasiya texnologiyaları sahəsi işçilərinin peşə bayramı günü kimi qeyd olunur.

Ölkəmizdə rabitənin inkişafı ümummilli lider Heydər Əliyevin adı ilə bağlıdır. Ulu öndər bu sahəyə xüsusi diqqət və qayğı göstərir, rabitə və informasiya-kommunikasiya texnologiyaları kompleksinin müasir tələblər səviyyəsinə çatdırılması üçün geniş miqyaslı islahatlar həyata keçirirdi. Ölkə iqtisadiyyatında ilk xarici investisiyaların məhz telekommunikasiya sahəsinə qoyulması da Heydər Əliyevin uğurlu strategiyasının nəticəsi idi.

Beynəlxalq poçt mübadiləsinin mütəşəkkil qaydada həyata keçirilməsi hazırda planetimizin bütün poçt işçiləri tərəfindən peşə bayramı günü kimi qeyd edilən Dünya Poçt İttifaqının (DPİ) yaranması ilə başlayıb. DPİ-nin yaradılması barədə müqavilə 1874-cü ildə İsveçrənin Bern şəhərində keçirilmiş beynəlxalq poçt konqresində imzalanıb. İyirmidən çox ölkə nümayəndələrinin iştirakı ilə keçmiş konqresdə DPİ-nin ümumi prinsiplərini, üzvlərinin hüquq və öhdəliklərini müəyyənləşdirən əsas sənəd - Dünya Poçt Konvensiyası qəbul edilib. Hazırda bu qurumda 200-ə yaxın ölkə təmsil olunur. Azərbaycan poçtu 1993-cü ildən DPİ-nin üzvüdür.

Rabitə və İnformasiya Texnologiyaları Nazirliyi bildiri ki, son illər Azərbaycanda poçt xidmətlərinin keyfiyyəti xeyli yüksəlib, poçt rabitəsi maddi-texniki bazasını genişləndirib. Paytaxtda və bölgələrdə müasir üslubda yeni poçt şöbələri tikilib, təmirə ehtiyacı olan poçt şöbələri isə əsaslı təmir olunaraq yenidən istifadəyə verilib. Son beş ildə ölkədə 550-dən çox yeni poçt binası tikilib istifadəyə verilib, müasir avadanlıqla təmin edilib. Hazırda bütün poçt şöbələrində ənənəvi xidmətlərlə yanaşı, digər xidmətlər, o cümlədən bank xidmətləri də göstərilir.
Son dövrlər Azərbaycan poçtu kəmiyyət və keyfiyyət baxımından xeyli irəliləyib, gəlirlər əvvəlki illərə nisbətən artıb. Peşə bayramı ilə əlaqədar olaraq nazirliyin "Azərpoçt" Məhdud Məsuliyyətli Cəmiyyətində bir sıra hazırlıq tədbirləri görülüb. Respublikanın bütün poçt şöbələrində iməciliklər keçirilib.
9 oktyabr 1974-cü ildə İsveçrədə 22 ölkənin nümayəndəliyi ilə Baş Poçt Birliyinin əsasını qoyan "Bern sazişi" imzalanıb. 1978-ci ildə birliyin adı dəyişdirilərək Ümumdünya Poçt Birliyi adlandırılır. Hal-hazırda birliyin tərkibində 189-dan çox ölkə var. "Ümumdünya Poçt günü" hər il 9 oktyabr tarixindən etibarən bir həftə ərzində- "Beynəlxalq məktub həftəsi" adı altında keçirilir.

Qeyd edək ki, peşə bayramının qeyd olunması ilə əlaqədar olaraq Azərbaycan Respublikası Rabitə və İnformasiya Texnologiyaları Nazirliyinin Azərpoçt Məhdud Məsuliyyətli Cəmiyyətində bu günlərdə bir sıra hazırlıq tədbirləri görülür. Müvafiq Tədbirlər Planına uyğun olaraq ötən həftə ölkənin bütün poçt şöbələrinin ətraf ərazilərində səliqə-sahman və abadlıq yaradılması məqsədilə iməciliklər təşkil olunub. Bayram münasibətilə ÜPİ-nin üzvü olan ölkələrə, eləcə də təşkilatın rəhbərliyinə təbrik məktubları göndərilib.
Onu da qeyd edim ki, Göygöl rayonun Aşıqlı və Şəhriyar, eləcə də Daşkəsən rayonunun Quşçu və Əmirvar kəndlərində bütün lazımi müasir avadanlıqla təchiz edilən yeni poçt şöbələri açılıb.
Bu gün hər bir rabitəçi ölkəmizdə yüksək texnologiyalar sahəsinin inkişafı üçün çalışır. Ölkə başçısının rəhbərliyi ilə sahə üzrə bu amal uğrunda fəaliyyət göstərən hər kəsə uğurlar arzu edirik. Rabitə və yüksək texnologiyalar sahəsi işçilərini peşə bayramları münasibətilə səmimi qəlbdən təbrik edirəm.

Mahir Hümbətov,
Yeniazərbaycanhəyatı. com informasiya

portalının rəhbəri

Tarix: 6-12-2023, 11:18 Oxunub: 118

Bölməyə aid digər xəbərlər

1-10-2023, 07:16 Taksidən istifadə edənlər üçün vacib məlumat - BU GÜNDƏN...

23-06-2023, 17:41 Heydər Əliyev tək liderimizdir!

23-02-2022, 10:24 İlham Əliyev və Vladimir Putinin birgə mətbuat konfransı TAM MƏTN + VİDEO

20-06-2021, 10:30 SON İLLƏR SUMQAYIT NECƏ İNKİŞAF ETDİ? - FAKTLAR

20-06-2021, 10:30 Sumqayıtın səhiyyəsi: son illər əldə olunan uğurlar və perspektivlər

23-05-2021, 10:30 ASTARA Azərbaycanın cənub mirvarisidir

7-03-2021, 22:45 Təbrik edirəm!

22-09-2020, 08:55 Daşkəsənin iki böyük metallurgiya müəssisəsi yeni inkişaf dövrünə başlayır - İcra başçısı yazır...