Gələn il pensiyalar bu qədər artacaq

Cari ilin ikinci yarısından bəri növbəti ildə pensiyaların nə qədər artacağı ilə bağlı proqnozlarla qarşılaşırıq. Əslində isə növbəti ildə pensiyaların nə qədər artacağını proqnoz etmək o qədər də çətin deyil.
məlumatına görə, qanunvericiliyə əsasən, pensiyaların indeksləşdirilərək artımı əvvəlki ildəki orta əməkhaqqı artımına uyğun həyata keçirilir.
Bununla da hər ilin əvvəlində ölkə başçısının müvafiq sərəncamı ilə bütün növ əmək pensiyaları indeksləşdirilərək artırılır. Yəni əvvəlki il ölkə üzrə maaşlar orta hesabla neçə faiz artıbsa, pensiyalar da növbəti ildə həmin səviyyədə artır. Bu, o deməkdir ki, 2023-cü ilin sonunda orta əmək haqqı nə qədər artmış olsa, 2024-cü ilin əvvəlində də pensiyalar buna uyğun olaraq artacaq.
Maraqlıdır, bəs 2023-cü ilin sonuna ölkə üzrə orta aylıq əməkhaqqı nə qədər arta bilər?

Dövlət Statistika Komitəsinin son məlumatına görə, ölkə üzrə orta əməkhaqqı bu ilin yanvar-sentyabr ayları ərzində ötən ilin eyni dövrü ilə müqayisədə 11,2 faiz artıb. Artıq 5-ci aydır ki, orta aylıq əməkhaqqında artım 11 faiz səviyyəsindədir. Bu da təsadüfi deyil. Məsələ burasındadır ki, əməkhaqları əsasən ilin əvvəlində artırıldığından artım göstəricisi də bu dövrdə formalaşır. İlin sonuna doğru getdikcə göstəricidə ciddi dəyişiklik olmur. Nəticə etibarilə 2023-cü il üzrə orta aylıq əməkhaqqında 11 faiz ətrafında artımın olacağını güman etmək olar.
Bu da o deməkdir ki, gələn il pensiyalar da bu səviyyədə indeksləşdirilərək artırılacaq. Məsələn, hazırda 400 manat pensiya alan şəxs gələn il 444 alacaq. Həmçinin xüsusi şərtlərlə pensiya alan şəxslərin pensiyaları bu il olduğu kimi, gələn il də bu cür artırılacaq.
Minimum pensiya məbləğinə gəlincə, son 2 ildə (2022-ci və 2023-cü illər) bu göstəricidə artım olsa da, gələn il dəyişiklik gözlənilmir. Belə ki, 2024-cü ildə dövlət büdcəsindən sosial müavinətlərin, təqaüdlərin və digər sosial ödənişlərin verilməsi üçün ayrılacaq vəsait əvvəlki illə müqayisədə cəmi 14 faiz çoxdur.
Bu da pensiyalardakı artımın ancaq indeksləşmə əsasında artacağı ilə məhdudlaşacağını deməyə əsas verir. Bununla da 2024-cü ildə də əmək pensiyalarının ən aşağı həddi 280 manat təşkil edəcək. Lakin qeyd edək ki, gələn il minimum məbləğdə pensiya həmin il pensiyaya çıxacaq şəxslərə şamil olunacaq. 2023-cü ildə bu məbləğlə pensiyaya çıxan şəxslərin pensiyalarına gələn il indeksləşmə tətbiq ediləcəyindən onlarda artım olacaq.

Tarix: 17-11-2023, 14:51 Oxunub: 25

Bölməyə aid digər xəbərlər

21-10-2023, 07:44 “MuğanBank” niyə bağlandı? - ŞOK DETALLAR

9-09-2023, 13:25 Hadrutda səngərdə olan zabitdən Ali Baş Komandana təsirli müraciət

23-02-2022, 10:24 İlham Əliyev və Vladimir Putinin birgə mətbuat konfransı TAM MƏTN + VİDEO

20-06-2021, 10:30 SON İLLƏR SUMQAYIT NECƏ İNKİŞAF ETDİ? - FAKTLAR

6-05-2021, 14:50 Mustafa Abbasbəyli: “Yaxın zamanlarda ölkənin məşğulluq xəritəsi təqdim olunacaq” – MÜSAHİBƏ

9-10-2020, 21:22 Azərbaycan Prezidenti İlham Əliyev xalqa müraciət edib

22-09-2020, 15:08 Prezident Administrasiyasını belə heçə sayan “Konstra” MKT-nın qurbanları – Söhbət təkcə “qurban keçisi”ndən getmir

22-09-2020, 08:55 Daşkəsənin iki böyük metallurgiya müəssisəsi yeni inkişaf dövrünə başlayır - İcra başçısı yazır...

31-08-2020, 19:08 Qulinin ölüm ssenarisi: Onu kim və niyə öldürdü? - Şok faktlar

18-08-2020, 09:47 Ucara bir DTX həmləsi yetərlidir ki... - Rayon rəhbərliyinin tamamını dama bassınlar...