Hesab vaxtıdır, bacılar-qardaşlar...

Azərbaycan dövlətinin, xalqımızın taleyində tarixi proseslər baş verir. Müstəqil Azərbaycan məhkəməsi müharibə cinayətlərində ittiham edilən Ruben Vardanyanı bu gün 20 il azadlıqdan məhrum etdi.
Arayik Harutyunyan, Arkadi Qukasyan, Bako Sahakyan, David Babayan, David İşxanyan və başqa cinayətkarlara da artıq hökm oxunub.
İşğaldan azad edilmiş ərazilərimizə bu gün daha bir qayıdış karvanı yola düşdü. Keçmiş köçkün azad edilmiş ərazilərə qovuşur. Eyni vaxtda müharibə cinayətkarları azadlıqdan məhrum edilir!
-İlahi Ədalət. - Məhkəmənin hökmü!
-Allahın hökmü!.. Təqvimə baxaq. Az qala hər ayda bir işğal tarixi var idi.
Məsələn, fevralın bir adı da Xocalı soyqırımı idi.
Bu aya Çingiz Mustafayevin hönkürtülü harayına qarışmış helikopter mühərrikinin səsi ilə keçirdik.
…Aprelin başqa adı-işğal Kəlbəcər idi, …may-məğlub Şuşa və məğlub Laçın,
…İyul-süqut Ağdam ayı idi.
…Avqust-işğal Cəbrayıl, işğal Qubadlı və işğal Füzuli ayı idi.
… Oktyabrın iki başqa adı var idi: İşğal Xocavənd və işğal Zəngilan.
Hər il, hər ay utanıb yerə girirdik. “Xəcalətli düşmənin olsun!” deyirik. Amma düşmən yox, biz idik xəcalətli. Qəhrəman Xalq adını, Aciz Xalq adına dəyişmişdik. Məğlubiyyətə şikəst övladımız kimi bağlanmışdıq. Onu sevirdik. Bizi xarici ölkələrdə, beynəlxalq tədbirlərdə məğlubiyyətimizlə tanıyıb “yuxarı” başa keçirir, “ehtiram” göstərirdilər.
Əslində isə onların bizə yazığı gəlirdi. Təkcə torpaqlarımızı deyil, həm də ümidimizi, məğrurluğumuzu, başucalığımızı itirmişdik. İşğal etdirdiyimiz rayonların adlarını şadlıq saraylarına, restoranlara verməklə təskinlik tapırdıq. Düşmən yalnız qız-gəlinlərimizi əsir götürməmişdi. O bizim ruhumuzu, özünəinamımızı əsir almışdı. Böyük azərbaycanlını “heç olmasa, bir kəndimizi qaytarsaydılar?!” diləyinə qədər kiçiltmişdilər. Ta ki Prezident İlham Əliyevin iradəsi ilə torpaqlarımız işğaldan azad edilənədək.
Biz o idik. Yazıq. Zavallı. Zəif. Məğlub azərbaycanlı.
Ta İlham Əliyev müqəddəs azadlıq müharibəsində qalib olanadək.

İlham Əliyev düşməni kapitulyasiyaya, ağ bayraq qaldırmağa məcbur etdi. O, BMT Təhlükəsizlik Şurasından da, ATƏT-in Minsk qrupundan da, 907-ci düzəlişdən də üstün oldu. Ermənistan Yekun Sülh Sazişinə Azərbaycanın şərtləri ilə gedir. Düşmənin xaraba qoyduğu yerlərin qurulması, bərpası İlham Əliyevin adı ilə bağlıdır. Xalqın ruhu özünə Böyük Qayıdışla dönür.
İlham Əliyev Dövləti, Bayrağı, Gerbi, Himni bərpa etdi.
O, xalqımızı, hər birimizi qorudu.
Tariximizi qorudu.
Qürurumuzu, Milli mənliyimizi qorudu!
Tarixinin ən şərəfli, ən dəyərli, başıuca, üzüağ, alnıaçıq çağlarını yaşayan Azərbaycan xalqının hər bir üzvü də bu gün (sabah və həmişə…) İlham Əliyevi qorumalıdır.
Prezident hər bir azərbaycanlının şərəfini qorudu!
Hər bir əsl azərbaycanlının.
Hər bir əsl azərbaycanlı da Prezident İlham Əliyevin şərəfini qorumalıdır! Onu hədəfə alan kəs qarşısında bizi, hər birimizi görməlidir! Yəni aydın deyil ki, uzun müddətdir internet resurslarında, ayrı-ayrı yutub kanallarında Prezidentə qarşı qara hərəkata başlayanların əsas məqsədi Xalqın Qələbəsini oğurlamaq, diqqəti bütün tariximizin ən böyük Nailiyyətindən - Azərbaycanın Böyük Qələbəsindən yayındırmaqdır?! Qələbənin Əsas müəllifi İlham Əliyev və ailəsi də ona görə hədəf seçilib ki, şahidi, iştirakçısı olduğumuz möcüzəni adiləşdirib gözümüzdən Zəfər rəmzini salsınlar. Azərbaycanın müstəqil dövlət tarixinin yeganə qalib liderinin üzərinə gələnlər istisnasız olaraq rəqəmsal platformalardan istifadə edir. Axı bu platformalarda biz də varıq. Görün bir nə qədərik?! 100 minlərlə, milyonlarla! On milyonlarlayıq! Hər birimizin hesabı var. Hesab vaxtıdır, bacılar-qardaşlar...
Prezident və Birinci xanım özünü müdafiə etməməlidir. Biz etməliyik və bunu da elə etməliyik ki, hamı görsün: Hər birimiz İlham Əliyevik!

Tarix: 18-02-2026, 11:54 Oxunub: 20

Bölməyə aid digər xəbərlər

24-12-2025, 20:05 Prezident və xanımı Ağdam sakinləri ilə bir arada - Fotolar - Yenilənib

26-04-2025, 12:24 “Vertolyot vurulan günün səhəri Şuşada mənim toyum idi” - Fotolar

18-04-2025, 10:39 Məhkəmədə tükürpərdən faktlar açıqlandı - Fotolar

31-01-2025, 13:03 15 yaşlı nəvəsinin öldüyü gün intihar etdi - Foto

25-11-2024, 10:23 75 yaşlı Sumqayıt: Son 10 ildə reallaşan 75 YENİLİK

21-09-2024, 08:17 14 noyabr 2023-cü il tarixdə 29 yaşı qeyd olunan Şəhidimiz Cavid Mirzəyevin həyat hekayəsi...

29-05-2024, 09:46 Prezidentlə xanımı xocalılılarla... - Yenilənib

26-05-2024, 09:43 İlham Əliyev əfv Sərəncamı imzaladı

21-02-2024, 11:35 Xocalı soyqırımı - qan yaddaşımız!

15-02-2024, 13:24 70-lərin kəsişməsində: 70-ci illərdə başlayan Sumqayıt sevgisi, 70 il və 70 yenilik