SOCAR-dan şikayətçi olan işçiyə - Rəsmi cavab

SOCAR-ın əməkdaşı İlahə Həsənova iş yerində psixoloji təzyiqə məruz qaldığını iddia edir.
bu barədə sosial şəbəkədə videolar paylaşıb.
Şirkətin mühafizə xidmətində çalışan qadının sözlərinə görə, uzun müddətdir məruz qaldığı bu halla bağlı şirkət rəhbərliyinə məlumat versə də, müraciətini dinləyən olmayıb. İlahə Həsənova deyir ki, “SOCAR PETROLEUM” QSC-nin Mühafizə xidmətinə Rasim Ələkbərov adlı şəxs rəis təyin edilib. Şikayətçi məhz bundan sonra ona qarşı qarayaxma aparıldığını, işini görməkdə maneələr yaradıldığını bildirir.
İddialarla əlaqədar SOCAR-a sorğu ünvanladıq. “SOCAR PETROLEUM” QSC-nin İctimaiyyətlə əlaqələr şöbəsinin rəisi Afaq Rza saytımıza açıqlamasında bildirdi ki, videomüraciət ünvanlayan İlahə Həsənova QSC-də 16.01.2020 il tarixdən indiyədək mühafizəçi vəzifəsində çalışır: “QSC-nin daxili intizam qaydalarına uyğun olaraq, əməkdaşın xidməti fəaliyyətində aşkar edilmiş bir sıra ciddi nöqsanlarla bağlı aidiyyəti şöbə tərəfindən rəsmi araşdırma aparılıb.
İlkin araşdırmalar zamanı əməkdaşın əmək qanunvericiliyinin tələblərini və daxili nizam-intizam qaydalarını kobud şəkildə pozması, o cümlədən işgüzar mühitə xələl gətirən hərəkətlərə yol verməsi barədə faktlar qeydə alınıb.
Müəyyən olunub ki, İ.Həsənova işə qəbul olduğu zamandan etibarən 6 il müddətində gecə növbələrinə çıxmadığı halda, faktiki olaraq yerinə yetirilməyən xidmətə görə əlavə vəsaitlər alıb və bununla da Cəmiyyətin büdcəsinə maddi ziyan vurub.
Videomüraciətdə səsləndirilən psixoloji təzyiq iddialarına gəldikdə isə bildiririk ki, adıçəkilən struktur rəhbəri bu vəzifəni cəmi 8 gündür icra edir, bu da “uzunmüddətli təzyiq” iddialarının əsassız olduğunu göstərir.
Həmçinin əməkdaş tərəfindən rəhbərliyin qəbul müraciətlərinin cavablandırılmaması ilə bağlı iddiaları da həqiqəti əks etdirmir. Belə ki, QSC-nin iş prinsipinə əsasən rəhbərlik və rəhbərlik yanında aparat tərəfindən rəsmi iş saatlarında edilən bütün müraciətlər aidiyyəti üzrə cavablandırılır.
Mühafizəçi kimi vəzifə öhdəliklərini və müəssisədaxili intizam qaydalarını kobud şəkildə pozduğu üçün Həsənova İlahə barəsində qanunvericiliyə uyğun müvafiq qərar qəbul ediləcək”.

Tarix: 5-02-2026, 12:02 Oxunub: 9

Bölməyə aid digər xəbərlər

31-01-2025, 13:03 15 yaşlı nəvəsinin öldüyü gün intihar etdi - Foto

25-11-2024, 10:23 75 yaşlı Sumqayıt: Son 10 ildə reallaşan 75 YENİLİK

29-05-2024, 09:46 Prezidentlə xanımı xocalılılarla... - Yenilənib

15-02-2024, 13:24 70-lərin kəsişməsində: 70-ci illərdə başlayan Sumqayıt sevgisi, 70 il və 70 yenilik

29-12-2023, 08:30 Ziya Kazımov və Ülvi Rəşidov məhkəmə zalında həbs edildi

17-11-2023, 09:48 “Onun fatihəsini verincə...” - Rövnəq Abdullayev

26-09-2020, 11:40 Əhmədlidə kirayədə qalan bir mühasibin hekayəsi: Vəsilə Abdulova kimdir? – Villalar, maşınlar, Türkiyə biznesi…

26-09-2020, 11:40 Tapdıq Əmiraslanov FHN işçisini nədən narazı salıb? - VİDEOGİLEY

24-09-2020, 08:56 Ramiz Mehdiyevin adamından Prezidentə ŞİKAYƏT OLUNDU - "Rasim Məmmədov bizi qəbul etmir..."

22-09-2020, 15:08 Prezident Administrasiyasını belə heçə sayan “Konstra” MKT-nın qurbanları – Söhbət təkcə “qurban keçisi”ndən getmir