Tiflis, İrəvan qarışır, Rəisi öldü, Türkiyədə isə... - Nə baş verir?

Bütün bunlar (Slovakiyanın Baş nazirinə sui-qəsd, Türkiyədə dövlət çevrilişinə cəhd, Gürcüstanda, Ermənistanda etiraz aksiyaları – red.) geosiyasi vəziyyətin pisləşdiyinin sübutudur.
Bu sözləri rusiyalı tanınmış hərbi ekspert İqor Korotçenko “Moskva-Bakı” nəşrinə müsahibəsində deyib.
O bildirib ki, Fitsoya qarşı sui-qəsd və Rəsinin ölümü kimi hadisələr qeyri-sabitliyin təhlükəli partlayışlarıdır:
“Ona görə də Qərbin diqqəti və manipulyasiya cəhdləri altında olan Cənubi Qafqazda, Xəzər regionunda təhlükəsizlik tədbirlərinin gücləndirilməsi çox vacibdir. Ölkələrdə icra hakimiyyətinin, ən əsası isə xüsusi xidmət orqanlarının yaxşı işləməsi lazımdır. Öz regionunda sülhdə maraqlı olan qonşu dövlətlər isə harmonik şəkildə işləməlidirlər. Gürcüstanda yeni etiraz dalğasına gəlincə, oktyabrda ölkədə parlament seçkisi olacaq və bununla bağlı hazırkı hakimiyyətin vəzifəsi onların şəffaflığını, saflığını təmin etməkdir. Gürcü Arzusu hakim partiya kimi parlamentdə çoxluğa malikdir. Partiyanın təsisçisi İvanişvili də kifayət qədər ciddi, siyasi və maliyyə imkanları baxımından hazırcavab fiqurdur. Gürcüstan müxalifəti ABŞ və AB ölkələrindən xaricdən maliyyə alır. Tiflis bildirir ki, “Xarici agentlər haqqında” qanunun qəbul edilməsində məqsəd ölkənin AB-yə daxil olmasını təmin etmək, rəngli inqilablar şəklində bütün siyasi riskləri minimuma endirməkdir. Qərbin danışdığı demokratiya budur. Qərbin özü isə Tiflisdə Rusiyaya qarşı ikinci cəbhə açmağa, onu Rusiya əleyhinə hərəkətlərə, Ukraynaya muzdlular göndərməyə, ticarət-iqtisadi əlaqələri pozmağa və Kremlin blokadasına qoşmağa ümid edirdi. Gürcüstan hökuməti praqmatik mövqe tutduğu üçün bununla razılaşmadı. Prezidenti Zurabişvilinin “Xarici agentlər haqqında” qanuna qoyduğu veto aradan qaldırılacaq və qüvvəyə minəcək. Ermənistandan danışsaq, erməni apostol kilsəsi etirazlara ciddi şəkildə qoşulub. Müxalifət hərəkatı üçün Tavuş arxiyepiskopu timsalında bir personaj irəli sürülüb. Bundan əlavə, qlobal erməni diasporu da işə qarışıb. Qarabağ klanı öz rolunu oynadı, təsirsizliyini göstərdi. Digər qüvvələr isə oyundadır. Bunlar daha qlobal, millətlərüstü qüvvələrdir. Onlar təhlükəlidir. Faktiki olaraq Azərbaycan və Ermənistan arasında sülh yolu ilə nizamlanmaya qarşıdırlar. Paşinyanı devirmək mümkün olacaqmı? Ehtimal yoxdur. Paşinyan növbəti dəfə də davam gətirə biləcək. DİN rəhbəri Qazaryan onun uşaqlıq dostudur, bu gün isə siyasi müttəfiqdir. Ordu siyasi hadisələrin gedişinə qarışmadan neytral mövqe tutur. Milli Təhlükəsizlik Xidməti Paşinyan üçün işləyir. Etirazçılar sırasına casuslar daxil edilib. Əməliyyat işi gedir, xüsusi xidmət orqanları planları, məqsədləri, kimin nə danışması, planlaşdırması, müxalifət sıralarında baş verən hər şey barədə Baş nazirə məlumat verir. Bundan başqa, antipaşinyan qüvvələrin hərəkətləri konstitusiyaya ziddir. Nikol niyə istefaya getməlidir ki? Sərkisyan 2018-ci ildə getməyə qərar verdi. Paşinyan 2024-cü ildə getmək istəmir. 2020-ci ildən sonra siyasi cəhətdən sağ qaldı. Üstəlik, növbədənkənar parlament seçkisi keçirib və qalib gəlib. Etirazçıların kritik kütləsi yoxdur. Müxalifət hərəkatının başına gətirilən arxiyepiskopun indi qidalandırmağa çalışdığı qisas və Azərbaycanla müharibə ideyaları cəmiyyətin kiçik bir hissəsi arasında populyardır. Bəli, qisasçı qüvvələr, yenidən yürüşə hazır olanlar var. Amma başqa bir reallıq da var: İkinci Qarabağ müharibəsi zamanı 12 min erməni fərarisi olub. Bu, həm də Ermənistanın militarist istəklərinə cavabın göstəricisidir. Paşinyan üçün, görünür, hər şey yaxşı bitəcək. Bu o deməkdir ki, sülh müqaviləsinin imzalanması şansı daha çoxdur”.
Korotçenko vurğulayıb ki, bu gün həqiqətən də Azərbaycan və Ermənistanın rəhbərləri və strukturları arasında birbaşa təmaslar var, onların danışıqlar aparıb bu razılaşmaları həyata keçirə bildikləri sübut olunub:
“Görürük ki, dövlət sərhədinin delimitasiyası və demarkasiyası prosesi gedir. Bütün bu tendensiyaların Bakı ilə İrəvan arasında sülh üçün uğurla bitmək şansı var”.

Tarix: 21-05-2024, 12:20 Oxunub: 64

Bölməyə aid digər xəbərlər

19-05-2024, 11:11 Sumqayıt Heydər Əliyevin arzuladığı şəhərə çevrilib

15-02-2024, 13:24 70-lərin kəsişməsində: 70-ci illərdə başlayan Sumqayıt sevgisi, 70 il və 70 yenilik

26-01-2024, 15:08 seçki

23-02-2022, 10:24 İlham Əliyev və Vladimir Putinin birgə mətbuat konfransı TAM MƏTN + VİDEO

20-06-2021, 10:30 SON İLLƏR SUMQAYIT NECƏ İNKİŞAF ETDİ? - FAKTLAR

26-09-2020, 11:55 Korrupsioner məmurlara qarşı YENİ DALĞA... - NƏ ZAMAN BAŞLAYIR?

21-09-2020, 10:14 “Qafqaz savaşı”nda yeni mərhələ - TƏHLİL

21-09-2020, 10:13 Qarabağ danışıqları: Kremlin "ikibaşlı oyunu" nə məqsəd güdür? - TƏHLİL

14-09-2020, 09:07 “Azərbaycanla Ermənistan arasında uzunmüddətli müharibə başlaya bilər” - “CAUCASUS WATCH”

31-08-2020, 19:08 Qulinin ölüm ssenarisi: Onu kim və niyə öldürdü? - Şok faktlar