Nəcməddin Sadıkovun yaxın adamına bu dəfə ağır cəza verildi

Müdafiə Nazirliyinin Daxili Təhlükəsizlik, həmçinin Təhsil-tədris və Elmi tədqiqatlar idarəsinin sabiq baş zabiti Zahid Niftəliyev və onunla birgə ittiham olunan Elsevər Niftəliyevlə bağlı hökmdən verilmiş protestə baxılıb.
“Qafqazinfo”nun əldə etdiyi məlumata görə, Gəncə Apellyasiya Məhkəməsində keçirilən iclasda prokuror etirazını əsaslandırıb. Prokuror çıxışında təqsirləndirilən şəxslərə verilmiş ittihamlara görə həddən artıq yüngül cəza təyin edildiyini deyib.
Teyyub Muxtarovun sədrlik etdiyi hakimlər heyəti protesti əsaslı hesab edib.
Qərara əsasən hazırda başqa iş üzrə həbsdə olan Zahid Niftəliyev 8 il 6 ay, bəraət almış Elsevər Niftəliyev 8 il azadlıqdan məhrum edilib. E.Niftəliyev məhkəmə zalında həbs edilib.

Qeyd edək ki, təqsirləndirilən şəxslərə Cinayət Məcəlləsinin 311.3.1, 311.3.2 və 311.3.3 (qabaqcadan əlbir olub külli miqdarda təkrar rüşvət alma) maddəsi ilə ittiham verilib. Z. Niftəliyev, həm də CM-in 341-ci (vəzifə səlahiyyətlərindən sui-istifadə və ya səlahiyyət həddini aşma) maddələri ilə təqsirləndirilib.

Cinayət işi Tərtər Hərbi Məhkəməsində araşdırılıb. Hökmə əsasən Zahid Niftəliyevin əməli Cinayət Məcəlləsinin 312.1-ci (rüşvət verməyə təhrik etmə) maddəsinə tövsif edilib. Z.Niftəliyev bu maddə ilə təqsirli bilinib, ona 10 min manat cərimə cəzası təyin edilib. Onun barəsində seçilmiş həbs qətimkan tədbiri ləğv edilib, məhkəmə zalından birbaşa azadlığa buraxılıb.
Təqsirləndirilən gizir Elsəvər Niftəliyevin isə əməlində cinayət tərkibi olmadığından ona bəraət verilib.
Z.Niftəliyev azadlığa buraxılandan bir müddət sonra başqa bir iş üzrə Dövlət Təhlükəsizliyi Xidməti tərəfindən həbs edilib. Hazırda o işlə bağlı ibtidai istintaq davam edir.
Xatırladaq ki, Zahid Niftəliyev Azərbaycan Ordusunun keçmiş Baş Qərargah rəisi Nəcməddin Sadıkovun yaxın adamı olub. O, “Şlyapa Zahid” ləqəbi ilə tanınıb.

Tarix: 22-11-2023, 10:14 Oxunub: 35

Bölməyə aid digər xəbərlər

17-11-2023, 09:48 “Onun fatihəsini verincə...” - Rövnəq Abdullayev

10-11-2023, 08:55 240 manat rüşvət almışdı - 7 il 6 ay həbs verildi

9-09-2023, 13:25 Hadrutda səngərdə olan zabitdən Ali Baş Komandana təsirli müraciət

21-09-2021, 22:33 Xaçmazda iş adamının səs-küylü qətlini araşdıran prokuror həbs edildi (TƏFƏRRÜAT)

29-04-2021, 10:30 məlumat

26-09-2020, 11:55 Korrupsioner məmurlara qarşı YENİ DALĞA... - NƏ ZAMAN BAŞLAYIR?

26-09-2020, 11:54 Məhkəmə sisteminin daha bir eybəcərliyi... - GİLEY

31-08-2020, 19:08 Qulinin ölüm ssenarisi: Onu kim və niyə öldürdü? - Şok faktlar

14-08-2020, 12:29 Sabiq təhsil nazirindən yeni təhsil nazirinin müraciətinə cavab - Məktəb, yoxsa ev?

9-08-2020, 13:56 Ağcabədinin sabiq icra başçısının əmisioğlu rayonda “at oynadır”