Yaponiyanın Azərbaycandakı səfiri Sumqayıtda olub

Yaponiyanın Azərbaycandakı fövqəladə və səlahiyyətli səfiri Vada Cüniçi Sumqayıt şəhərində səfərdə olub.
Sumqayıt Şəhər İcra Hakimiyyətinin başçısı Zakir Fərəcovla keçirilən görüşdə Azərbaycan – Yaponiya əlaqələri çərçivəsində Sumqayıt şəhəri ilə qarşılıqlı maraq doğuran sahələrdə əməkdaşlığın perspektivləri barədə geniş fikir mübadiləsi aparılıb.
Şəhər rəhbəri qonağa Sumqayıtın tarixi, sosial-iqtisadi inkişafı, sənaye potensialı, şəhərdə son illərdə həyata keçirilən layihələr haqqında ətraflı məlumat verib.
Sumqayıt Şəhər İcra Hakimiyyətinin başçısı Zakir Fərəcov qeyd edib ki, Sumqayıt şəhəri Cənubi Qafqazın ikinci böyük sənaye mərkəzidir. Hazırda sənaye müəssisələrinin müasir texnologiyalar əsasında yenidən qurulması, modernləşdirilməsi, ixrac qabiliyyətli məhsullar istehsal edən müasir sənaye mərkəzlərinin yaradılması istiqamətində kompleks tədbirlər həyata keçirilir.
Qeyd olunub ki, iqtisadiyyatın müxtəlif sahələrində əlaqələrin genişləndirilməsi üçün böyük imkanlar var, investorlar üçün cəlbedici güzəştlər mövcuddur.
Səfir Vada Cüniçi Sumqayıt şəhərinə səfərindən məmnunluğunu ifadə edib. Diplomat qeyd edib ki, iki ölkə arasında iqtisadi, mədəni və digər sahələrdə çox gözəl əlaqələr qurulub və bu əlaqələrin daha da genişləndirilməsi üçün geniş potensial mövcuddur. İki ölkə arasındakı əlaqələrin daha da genişləndirilməsində Sumqayıt şəhəri mühüm rol oynaya bilər.
Səfir Vada Cüniçi “yaşıl enerji” sahəsində əməkdaşlığın inkişaf etdirilməsində maraqlı olduqlarını vurğulayıb. Bildirib ki, Yaponiya- Azərbaycan münasibətlərinin əsasının qoyulmasının 30-cü ildönümü ilə bağlı 2022-ci il “Dostluq İli” elan olunub. Bu münasibətlə Sumqayıt şəhərində də birgə müxtəlif tədbirlər reallaşdırıla bilər.
Görüşdə Yaponiyanın hər hansı bir şəhəri ilə Sumqayıt arasında qardaşlıq əlaqələrinin qurula biləcəyi vurğulanıb. Gələcəkdə müxtəlif istiqamətlər üzrə əməkdaşlıq əlaqələrinin qurulması prespektivləri müzakirə olunub.

Tarix: 8-05-2021, 17:30 Oxunub: 70

Bölməyə aid digər xəbərlər

21-04-2021, 09:00 MARAQLIDI

19-04-2021, 09:00 Maqsud Maqsudov - 80

22-09-2020, 08:55 Daşkəsənin iki böyük metallurgiya müəssisəsi yeni inkişaf dövrünə başlayır - İcra başçısı yazır...

21-09-2020, 10:14 “Qafqaz savaşı”nda yeni mərhələ - TƏHLİL

18-09-2020, 11:08 Nazir fındıq istehsalçıları və ixracatçıları ilə onlayn videokonfrans keçirilib

8-09-2020, 18:25 Nazir Ramin Quluzadə “Alibaba Group” şirkətinin nümayəndələri ilə videobağlantı formatında görüşüb

8-09-2020, 18:21 Ceyhun Bayramov Polşa səfirini qəbul etdi

12-09-2020, 10:54 “Ximekspress 2000 Firması”nın gücünə daha kimlər güc verir? - İLGİNC

1-09-2020, 21:57 Ramin Quluzadə “Alibaba Group” şirkətinin nümayəndələri ilə görüşüb

5-08-2020, 12:57 “Ölkəmizdə daha çox iş yerləri açmağa nail olacağıq” - Loğman Zülfüqarlı