Trampın təhdidindən sonra İran - Hərəkətə keçdi

“Hərbi hücum olacağı halda, Tehran BMT Nizamnaməsinin 51-ci maddəsinə uyğun olaraq özünümüdafiə hüququndan istifadə edəcək”.
bunu İranın Birləşmiş Millətlər Təşkilatı (BMT) yanında daimi nümayəndəsi Əmir Səid İrəvani BMT-nin Baş katibi Antonio Quterreş və BMT Təhlükəsizlik Şurasının prezidentinə ünvanladığı məktubda bildirib.
O, ABŞ-nin güc tətbiqi ilə bağlı bəyanatlarını beynəlxalq hüququn pozuntusu kimi qiymətləndirib.
İrəvaninin sözlərinə görə, bu cür açıqlamalar regionu yeni böhran və qeyri-sabitlik riski ilə üz-üzə qoyur.
İranlı diplomat ABŞ Prezidenti Donald Trampın açıqlamalarının “real təcavüz riskləri” ehtiva etdiyini bildirərək, bunun region üçün fəlakətli nəticələr doğura və beynəlxalq sülh və təhlükəsizliyə ciddi təhdid yarada biləcəyini vurğulayıb.
İrəvani məktubda İranın BMT prinsiplərinə və diplomatik həll yollarına sadiq qaldığını qeyd edib. O bildirib ki, Tehran Vaşinqtonla nüvə danışıqlarını ciddi, vicdanlı və konstruktiv şəkildə aparır və qarşı tərəf də eyni yanaşmanı sərgiləyərsə, davamlı və balanslı razılaşma mümkündür.
Diplomat Təhlükəsizlik Şurasının üzvlərini və Baş katibi qanunsuz güc tətbiqi təhdidlərini dayandırmağa, BMT Nizamnaməsi çərçivəsində öhdəliklərə əməl etməyə və gərginliyi artıra biləcək addımlardan çəkinməyə çağırıb:
“Təhlükəsizlik Şurası güc tətbiqi təhdidlərinin normallaşdırılmasına və qanuniləşdirilməsinə icazə verməməlidir. Bu cür davranışlara qarşı tədbir görülməzsə, digər suveren dövlətlər də oxşar risklərlə üzləşə bilər.
Hərbi hücum baş verərsə, İran BMT Nizamnaməsinin 51-ci maddəsinə əsasən qətiyyətli və mütənasib şəkildə cavab verəcək”.
Bu halda bölgədəki “düşmən bazaları, obyektləri və aktivləri”nin qanuni hədəf sayılacağını bildirən İrəvani mümkün nəticələrə görə ABŞ-nin tam məsuliyyət daşıyacağını qeyd edib.

Tarix: 20-02-2026, 11:26 Oxunub: 12

Bölməyə aid digər xəbərlər

25-11-2024, 10:23 75 yaşlı Sumqayıt: Son 10 ildə reallaşan 75 YENİLİK

22-08-2024, 17:23 Regionu qanlı poliqona çevirmək planı işə salınıb - Şərh

26-05-2024, 09:43 İlham Əliyev əfv Sərəncamı imzaladı

15-02-2024, 13:24 70-lərin kəsişməsində: 70-ci illərdə başlayan Sumqayıt sevgisi, 70 il və 70 yenilik

17-11-2023, 09:48 “Onun fatihəsini verincə...” - Rövnəq Abdullayev

9-09-2023, 13:25 Hadrutda səngərdə olan zabitdən Ali Baş Komandana təsirli müraciət

23-02-2022, 10:24 İlham Əliyev və Vladimir Putinin birgə mətbuat konfransı TAM MƏTN + VİDEO

20-06-2021, 10:30 SON İLLƏR SUMQAYIT NECƏ İNKİŞAF ETDİ? - FAKTLAR

21-04-2021, 09:00 MARAQLIDI

22-09-2020, 15:08 Prezident Administrasiyasını belə heçə sayan “Konstra” MKT-nın qurbanları – Söhbət təkcə “qurban keçisi”ndən getmir