Azərbaycanda bu şəxslərə iki dəfə çox maaş ödəniləcək

"Əmək Məcəlləsinə təklif edilən dəyişikliklərə əsasən, istirahət, səsvermə, iş günü hesab edilməyən bayram günləri və ümumxalq hüzn günü görülən işə görə əməkhaqqı ödənilən zaman yalnız gündəlik deyil, saatlıq tarif maaşı da nəzərə alınacaq".
Xeberle.com verir ki, bunu iqtisadçı deputat Vüqar Bayramov deyib. O xatırladıb ki, dəyişikliklər Milli Məclisin Əmək və sosial siyasət komitəsində birinci oxunuşda dəstəklənərək plenar iclasa tövsiyə edilib.
"Belə ki, həmin günlərdə əməyin vaxtamuzd ödənilmə sistemində gündəlik və saatlıq tarif maaşının iki mislindən, əməyin işəmuzd ödənilmə sistemində ikiqat işəmuzd qiymətlərində və aylıq maaş alan işçilərə iş aylıq iş vaxtı norması çərçivəsində görülmüşsə, maaşdan əlavə gündəlik və saatlıq vəzifə maaşı məbləğindən aşağı olmamaqla, əgər iş aylıq iş vaxtı normasından artıq vaxtda görülmüşsə, maaşdan əlavə gündəlik və saatlıq vəzifə maaşının ikiqat məbləğindən aşağı olmamaqla əməkhaqqı ödəniləcək.
Saatlıq vəzifə maaşının Məcəlləyə əlavə edilməsi işçilərin əmək hüquqlarının qorunması və onların daha yüksək maaş ilə təmin olunması baxımından vacib idi. Belə ki, bəzi hallarda həmin günlərdə iş müddəti tam iş günü deyil, müəyyən saatları əhatə edir. Yeni dəyişiklik bu hallarda praktikada da işçilərə hər saata görə əlavə maaş ödənilməsinə şərait yaradacaq. Əgər işçinin saatlıq tarifi 25 manatdırsa, istirahət, səsvermə, iş günü hesab edilməyən bayram günləri və ümumxalq hüzn günü işləməkdə davam edibsə və 3 saat əlavə işdə olubsa, həmin saatlara görə 75 manat deyil, ən azı 150 manat maaş hesablanacaq. Digər tərəfdən, Azərbaycanda saatlıq iş rejiminə keçidin müzakirə olunduğunu nəzərə alsaq, bu maaş ödənişlərinin beynəlxalq standartlara uyğunlaşmasına imkan verəcək".

Tarix: 15-12-2025, 11:28 Oxunub: 9

Bölməyə aid digər xəbərlər

13-12-2025, 10:31 Sumqayıt şəhərində Ümummilli Lider Heydər Əliyevin anım mərasimi keçirilib - FOTOLAR

18-11-2025, 10:35 Gələn ildən bu sahələrdə də ƏDV qaytarılacaq

11-10-2025, 13:25 Azərbaycanda bahalaşan və ucuzlaşan məhsullar

28-09-2025, 10:27 Sumqayıtda 27 Sentyabr – Anım Günü münasibətilə şəhidlərin xatirəsi yad edilib

9-05-2025, 11:54 İlham Əliyevin Sumqayıt səfərindən – FOTOLAR

4-04-2025, 13:26 TƏBİB-in xaricdən gətirdiyi həkimlərin maaşı azaldılıb? - Açıqlama

1-06-2024, 09:30 Azərbaycandakı maaşı qonşu ölkələrlə müqayisə etdi

29-12-2023, 08:30 Ziya Kazımov və Ülvi Rəşidov məhkəmə zalında həbs edildi

10-11-2023, 08:53 İşçilərə şad xəbər - Buna görə ödənən pul artırılacaq

12-09-2023, 07:50 İşçiyə artıq işlədiyinə görə nə qədər pul verilməlidir?