İcra başçısının müavini ilə dalaşan şəxs həbs edildi - Açıqlama-Yenilənib

Qəbələ İcra Hakimiyyətində keçirilən qəbul zamanı icra başçısının müavini ilə dalaşan şəxs inzibati məsuliyyətə cəlb edilib.
“Yeniazərbaycanhəyatı”nın əldə etdiyi məlumata görə, hadisə ötən həftə Qəbələ Rayon İcra Hakimiyyətinin inzibati binasında baş verib.
İşsiz olduğu üçün qəbula yazılan rayonun Soltannuxa kənd sakini 1968-ci il təvəllüdlü S. Məmmədovla (şərti soyadlı) icra başçısının müavini Arif Abdullayev arasında insident baş verib. Onları icra hakimiyyətinin digər əməkdaşları ayırıblar. S. Məmmədov oraya dəvət edilmiş polis əməkdaşları tərəfindən saxlanılaraq Qəbələ RPŞ-yə aparılıb və barəsində İnzibati Xətalar Məcəlləsinin 510-cu (Xırda xuliqanlıq) maddəsi ilə protokol tərtib edilərək rayon məhkəməsinə göndərilib.
RİH əməkdaşlarının iştirakı ilə tərtib edilmiş aktda qeyd edilib ki, S. Məmmədov əvvəllər dəfələrlə icra başçısının, başçının müavini və digər vəzifəli şəxslərin qəbulunda olub: “5 dekabr 2025-ci il tarixdə, saat 09:20 radələrində Qəbələ Rayon İcra Hakimiyyətinin inzibati binasında olarkən S. Məmmədovun psixoloji durumu yerində olmayıb, özünü idarə edə bilməyərək nə istədiyini bilmədən səs tonunu olduqca yüksəldib, əsassız ittihamlar səsləndirərək qəbula gələn digər vətəndaşlara problem yaradaraq ictimai asayışı kobud şəkildə pozub, habelə başçının müavini Arif Allahverdiyevə əl-qol atmağa cəhd göstərib və hədə-qorxu gəlib”.
S. Məmmədov isə ifadəsində iddia edib ki, ilk olaraq başçının müavini ona hücum edib: “Bu il Qəbələ rayon Peşə Təhsil Mərkəzində yataqxana növbətçisi vəzifəsindən işdən çıxarıldım. Ali təhsilli iqtisadçı olmağıma baxmayaraq, hazırda günəmuzd fəhlə işləyirəm. Amma sağlamlığım imkan vermədiyindən həmin məşğuliyyəti davam etdirə bilmirəm. İxtisasına uyğun işlə təmin edilməkdən ötrü dəfələrlə məmurların qəbulunda olmuşam, amma indiyədək işlə təmin olunmamışam. İcra başçısının qəbuluna da işə düzəlmək məqsədilə getmişdim. İcra başçısının müavini Arif Abdullayevin qəbulunda oldum və ona gəlişinin məqsədini bildirərək başçı ilə görüşmək istədiyimi bildirdim. Həmin vaxt Arif Abdullayev heç bir səbəb olmadan mübahisə etməyə başladı, qəfildən üzərimə hücum edərək iki əli ilə boğazımdan tutaraq məni boğmağa cəhd etdi. Qəbələ RİH-nin şöbə müdiri Abdullayevi tutub kənara çəkərək bizi bir-birimizdən ayırdı. Həmin vaxt özümü itirdim, səhhətimdə narahatlıq yarandığı üçün xəstəxanaya getdim”.
Qəbələ Rayon Məhkəməsinin qərarı ilə S. Məmmədov 10 sutkalıq inzibati həbs edilib.
***
Qəbələ RİH hadisə ilə bağlı açıqlama yayıb.
Bildirilib ki, Qəbələ RİH başçısının təsdiq edilmiş qrafik əsasında hər həftənin cümə günü saat 10:00-da vətəndaşlarla qəbulu keçirilir. 05 dekabr 2025-ci il tarixdə saat 09:00-da rayonun Soltannuxa kənd sakini, 2014-cü ildə Azərbaycan Respublikası Cinayət Məcəlləsinin 178.3.2 maddəsi ilə (dələduzluq) 8 il müddətinə azadlıqdan məhrum edilmiş və sonradan da dəfələrlə inzibati qaydada həbs edilmiş Əhmədov İqrar Sədr oğlu RİH-nin qəbul otağına gələrək əsassız yerə yüksək səslə rayon icra hakimiyyətinin vəzifəli şəxslərini təhqir edərək nalayiq ifadələr işlədib: “Qəbələ Rayon İcra Hakimiyyətində baş verən hadisə müvafiq qaydada aktlaşdırılaraq aiddiyyəti üzrə rayon Polis Şöbəsinə təqdim edilib. Sonradan məlum olmuşdur ki, Əhmədov İqrar Sədr oğlu rayon Polis Şöbəsinə dəvət edilən zaman eynilə həmin qaydada polis əməkdaşlarını da təhqir edərək xuliqanlıq əməlləri törədib. Bu səbəbdən də onun haqqında müvafiq tədbirlər görülüb. Bildiririk ki, İqrar Əhmədov tərəfindən bu kimi hərəkətlər dəfələrlə rayon icra hakimiyyətində, eyni zamanda rayonun müxtəlif idarə və təşkilatlarında da təkrarlanıb”.

Tarix: 13-12-2025, 09:32 Oxunub: 10

Bölməyə aid digər xəbərlər

12-12-2025, 19:48 İcra başçısının müavini ilə dalaşan şəxs həbs edildi - Açıqlama-Yenilənib

9-10-2025, 13:03 Sumqayıtda şagirdlərin iştirakı ilə sahildə iməclik keçirilib - FOTO

25-11-2024, 10:23 75 yaşlı Sumqayıt: Son 10 ildə reallaşan 75 YENİLİK

7-06-2024, 07:51 Sumqayıt: Gözəlliklər şəhəri, möhtəşəm quruculuğun ünvanı

26-05-2024, 09:43 İlham Əliyev əfv Sərəncamı imzaladı

19-05-2024, 11:11 Sumqayıt Heydər Əliyevin arzuladığı şəhərə çevrilib

15-02-2024, 13:24 70-lərin kəsişməsində: 70-ci illərdə başlayan Sumqayıt sevgisi, 70 il və 70 yenilik

9-09-2023, 13:25 Hadrutda səngərdə olan zabitdən Ali Baş Komandana təsirli müraciət

23-02-2022, 10:24 İlham Əliyev və Vladimir Putinin birgə mətbuat konfransı TAM MƏTN + VİDEO

20-06-2021, 10:30 SON İLLƏR SUMQAYIT NECƏ İNKİŞAF ETDİ? - FAKTLAR