Sumqayıt niyə və necə yarandı? – Çöldə salınan şəhər

Sumqayıt deyiləndə ilk ağıla gələn zavodlar və istehsalat sahələri olur. Sənaye obyektlərinin yerləşdirilməsi üçün yeni şəhər salmaq zərurəti yarananda Sumqayıt kiçik bir kənd idi. Burada ilk tikinti işlərinə 1938-ci ildə başlanır, lakin İkinci Dünya müharibəsinin başlanması ilə əlaqədar olaraq şəhərin tikintisi dayandırılır. Tikinti işləri 1943-cü ildə yenidən bərpa olunur. Bəli, uzanıb gedən çöllərdə sexlər və zavodlar tikilirdi. İllərdir bu zavodlar şəhərində yaşan, işləyən müsahibimiz Oqtay Niftəliyev deyir ki, ilk tikilən müəssisələrdən biri vaxtı ilə ölkəni xlorla təmin edirdi. Zavodlara işləməyə gələn gənclər həm də şəhərin ilk qurucuları, ilk sakinləri olublar. Sumqayıtda məskunlaşan alman, avstriyalı və macarlar ilk növbədə taxta baraklar, yataqxanalar, işləmək üçün emalatxanalar tikirdilər. İlk Boru Prokat Zavodunun sexləri də bu xarici məhbuslar tərəfindən tikilib. Bu zavodda 2600 əsir işləyib. 60 –cı illərdə Sumqayıt Avropa məkanında ən böyük kimya müəssisələri olan şəhər kimi tanınırdı. Kimya sənayesində başlayan tənəzzül isə ulu öndər Heydər Əliyevin Yaponiyaya səfərindən sonra aradan qaldırılır. Sonrakı mərhələdə isə Sumqayıtın ekologiyasına mənfi təsiri olan zavodlar yeniləri ilə əvəzlənir. Öz inkişafında keçdiyi bir neçə mərhələdə buranın sakinləri əsasən inşaatçılar və montaj işçiləri olub. Sonradan onların məskunlaşdıqları yaşayış məntəqəsinə “İnşaatçılar qəsəbəsi” adı verilib. Beləliklə, indi 75 yaşın qürurunu yaşayan Sumqayıt şəhəri yarandı. İndi isə Sumqayıt dəyişir, inkişaf edir. Hazırda kimya-metallurgiya şəhərindən çox böyük sənaye və gənc intellektual beyinlər, idmançılar şəhəri kimi tanınır. Qeyd edək ki, hazırda Sumqayıtda 426 min əhali yaşayır.

Tarix: 24-02-2024, 15:24 Oxunub: 27

Bölməyə aid digər xəbərlər

15-02-2024, 13:24 70-lərin kəsişməsində: 70-ci illərdə başlayan Sumqayıt sevgisi, 70 il və 70 yenilik

22-11-2023, 10:14 Nəcməddin Sadıkovun yaxın adamına bu dəfə ağır cəza verildi

9-09-2023, 13:25 Hadrutda səngərdə olan zabitdən Ali Baş Komandana təsirli müraciət

20-06-2021, 10:30 SON İLLƏR SUMQAYIT NECƏ İNKİŞAF ETDİ? - FAKTLAR

28-05-2021, 10:30 NAMİQOĞLU İNŞAAT TƏMİR-TİKİNTİ ŞİRKƏTİ

23-05-2021, 10:30 ASTARA Azərbaycanın cənub mirvarisidir

19-04-2021, 09:00 Maqsud Maqsudov - 80

24-09-2020, 08:56 Ramiz Mehdiyevin adamından Prezidentə ŞİKAYƏT OLUNDU - "Rasim Məmmədov bizi qəbul etmir..."

22-09-2020, 15:08 Prezident Administrasiyasını belə heçə sayan “Konstra” MKT-nın qurbanları – Söhbət təkcə “qurban keçisi”ndən getmir

22-09-2020, 08:55 Daşkəsənin iki böyük metallurgiya müəssisəsi yeni inkişaf dövrünə başlayır - İcra başçısı yazır...