Emin Axundovu ölümlə hədələyərək 100 min tələb ediblər

“AzərMaş” ASC-nin İdarə Heyətinin sədri Emin Axundovu və yaxınlarını öldürməklə hədələyərək ondan 100 min manat tələb ediblər.
“Yeniazərbaycanhəyat”nın əldə etdiyi məlumata görə, E.Axundovu əvvəldən tanıdığı, lakin yaxın münasibəti olmadığı Əhməd Əhmədov adlı şəxs şantaj edib.
İttihama görə, Ə.Əhmədov E.Axundova bir neçə dəfə SMS göndərib, 100 min manat verməyəcəyi halda onun özünə, ailəsinə zor tətbiq edəcəyini, öldürəcəyini deyib və evlərini əl qumbarası ilə partladacağı ilə hədələyib. Əhmədin hədə-qorxu dolu mesajlarından sonra Axundov ona 10 min manat verməyə razılaşıb. E.Axundov həmin pulun min manatını Əhmədin dostunun kart hesabına göndərib. Sonradan isə 9 min manatı verəcəyini deyib.
Lakin Axundov təqsirləndirilən şəxsin çoxsaylı hədə-qorxularına tab gətirə bilməyərək Daxili İşlər Nazirliyinin (DİN) Baş Mütəşəkkil Cinayətkarlıqla Mübarizə İdarəsinə müraciət edib.
“Bandotdel” təqsirləndirilən şəxsi xüsusi əməliyyatla elə cinayət başında yaxalayıb. Şərti olaraq Emin Axundovun sürücüsü qismində iştirak edən polis əməkdaşı Əhmədlə görüşüb, 9 min manatı ona verib. Əhməd pulu götürüb uzaqlaşmaq istəyəndə isə polis əməkdaşları onu saxlayıb.
Əhməd ifadəsində Emin Axundovu hələ o, bankda filial müdiri işləyən vaxtdan tanıdığını bildirib. Amma dediyinə görə, hədə-qorxu gəlməyə onu Axundovun qardaşının hərəkətləri məcbur edib.
Əhməd ifadəsində Emin Axundovun qardaşı Eldar Axundovun bağ evində işlədiyini, onun itlərini yemlədiyini bildirib. Bundan əlavə, bağ evində başqa işlər də görüb. Onun sözlərinə əsasən, Eldar onun ümumilikdə 40-50 min manat təşkil edən zəhmətinin haqqını verməyib. Əhməd də qardaşının borcunun əvəzini Emin Axundovdan çıxmaq qərarına gəlib. Bu səbəbdən onu hədələyərək 100 min manat tələb edib.
Emin Axundov isə ilkin ifadəsində deyib ki, Əhməd Əhmədovla nə özünün, nə qardaşının heç bir şəxsi ədavəti, yaxın iş birliyi olub.
Əhməd Əhmədova Cinayət Məcəlləsinin 182.3.2-ci (hədə-qorxu ilə tələb etmə-təkrar törədildikdə) maddəsi ilə yekun ittiham verilib, barəsində həbs qətimkan tədbiri seçilib.
Qeyd edək ki, zərərçəkmiş Emin Axundov 15 il bank sektorunda rəhbər vəzifələrdə çalışıb. Hazırda kommersiya və xüsusi təyinatlı avtomobillərin istehsalı zavodu “AzərMaş” ASC-nin İdarə Heyətinin sədridir.

Tarix: 5-06-2024, 08:55 Oxunub: 23

Bölməyə aid digər xəbərlər

26-05-2024, 09:43 İlham Əliyev əfv Sərəncamı imzaladı

15-02-2024, 13:24 70-lərin kəsişməsində: 70-ci illərdə başlayan Sumqayıt sevgisi, 70 il və 70 yenilik

9-09-2023, 13:25 Hadrutda səngərdə olan zabitdən Ali Baş Komandana təsirli müraciət

23-02-2022, 10:24 İlham Əliyev və Vladimir Putinin birgə mətbuat konfransı TAM MƏTN + VİDEO

21-09-2021, 22:33 Xaçmazda iş adamının səs-küylü qətlini araşdıran prokuror həbs edildi (TƏFƏRRÜAT)

26-09-2020, 11:55 Korrupsioner məmurlara qarşı YENİ DALĞA... - NƏ ZAMAN BAŞLAYIR?

22-09-2020, 15:08 Prezident Administrasiyasını belə heçə sayan “Konstra” MKT-nın qurbanları – Söhbət təkcə “qurban keçisi”ndən getmir

22-09-2020, 08:55 Daşkəsənin iki böyük metallurgiya müəssisəsi yeni inkişaf dövrünə başlayır - İcra başçısı yazır...

31-08-2020, 19:08 Qulinin ölüm ssenarisi: Onu kim və niyə öldürdü? - Şok faktlar

14-08-2020, 09:55 Bank müştəridən pulun mənbəyini niyə soruşur? – Təzyiq!