BMT-nin sifarişi ilə humanitar yardım daşıyan Keniyanın “Bluebird Aviation” aviaşirkətinin təyyarəsi hürkən ulaqlara görə qəzaya uğrayıb.
Bu barədə “Daily Nation” xəbər yayıb.
Məlumata görə, eniş edən təyyarənin səsindən qorxan heyvanlar uçuş-eniş zolağına tərəf qaçıblar. Bu səbəbdən pilotlar dərhal kursu dəyişmək və təyyarəni döndərmək qərarına gəliblər. Nəticədə, hava gəmisi təpələrə çırpılıb.
Hadisə iyulun 15-də baş versə də, qəzanın səbəbləri bu gün açıqlanıb.
Məlumata görə, qəza vaxtı təyyarədə üç nəfər – iki pilot və bir sərnişin olub.