“AŞPA regionda olmaq istəyirsə, reallığı qəbul etməlidir”

“Biz bütün təşkilatlarla əlaqələrimizi həmişə açıq saxlayırıq. Lakin təəssüflər olsun ki, Azərbaycana qarşı işləyən qüvvələr, qeyri-obyektiv məsələlərə baxan qüvvələr - hamısını sadalamağa ehtiyac yoxdur, ümumiyyətlə, yeni reallığı qəbul etmək istəməyən qüvvələr Azərbaycana qarşı elə addımlar atdılar ki, biz həmin təşkilatda nümayəndə heyəti olaraq fəaliyyətimizi dayandırdıq”.
“Yeniazərbaycanhəyatı” xəbər verir ki, bunu Beynəlxalq münasibətlər və parlamentlərarası əlaqələr komitəsinin sədri Səməd Seyidov bu gün keçirilən komitə iclasında bildirib.
Komitə sədri qeyd edib ki, onlar hər hansı bir bu istiqamətdə əlaqələrin dəyişdirilməsində, obyektiv yanaşmada, Azərbaycana qarşı qeyri-obyektiv məsələlərin gündəmdən götürülməsində fəaliyyət göstərəcəklərsə, biz bunu yalnız alqışlaya bilərik: “Ancaq biz heç vaxt Azərbaycanın milli maraqlarının pozulması, nəzərə alınmaması ilə bağlı, Azərbaycanın törətmədiyi işləri Azərbaycana yazmaqla razılaşmayacağıq. Və öz mövqeyimizi açıq şəkildə göstərmişik. B gün gedən proseslər açıq şəkildə göstərir ki, Azərbaycana münasibət dəyişir, Azərbaycanla münasibət qurmaq niyyəti xarici ölkələrdə, onların siyasətçilərində tamamilə başqa bir müstəvidədir. Onlar hamısı yeni reallığı qəbul etməyə məhkumdurlar. O dövlət, təşkilat, siyasətçi ki bu reallığı qəbul etməyəcək, daha çox öz siyasi karyerasına böyük problemlər yaradacaq”.
S.Seyidov əlavə edib ki, bu, həmçinin Avropa Şurası Parlament Assambleyasına aiddir: “AŞPA başa düşməlidir ki, Azərbaycan artıq başqa bir mərhələdədir. O, yeni reallığı yaradaraq AŞPA-ya faktiki olduğu krizdən çıxmaq yolunu göstərib. Onlar regionda olmaq istıyirlərsə, yalnız Azərbaycanla yox, regionun başqa ölkələri ilə də ünsiyyətdə olmaq istəyirlərsə, Azərbaycanın fikrini, mövqeyini, indiki reallığı qəbul etməlidirlər”.

Tarix: 10-09-2025, 12:46 Oxunub: 54

Bölməyə aid digər xəbərlər

31-01-2025, 13:03 15 yaşlı nəvəsinin öldüyü gün intihar etdi - Foto

25-11-2024, 10:23 75 yaşlı Sumqayıt: Son 10 ildə reallaşan 75 YENİLİK

6-09-2024, 08:16 Yeni Milli Məclisdən gözləntilər! - Qərbi Azərbaycana doğru...

29-05-2024, 09:46 Prezidentlə xanımı xocalılılarla... - Yenilənib

26-05-2024, 09:43 İlham Əliyev əfv Sərəncamı imzaladı

2-03-2024, 13:33 Azərbaycan sülh prosesinə sadiqdir

15-02-2024, 13:24 70-lərin kəsişməsində: 70-ci illərdə başlayan Sumqayıt sevgisi, 70 il və 70 yenilik

26-01-2024, 08:52 AŞPA-nın Azərbaycana qarşı qərəzli davranışı: Beynəlxalq riyakarlığın təzahürü

23-02-2022, 10:24 İlham Əliyev və Vladimir Putinin birgə mətbuat konfransı TAM MƏTN + VİDEO

20-06-2021, 10:30 SON İLLƏR SUMQAYIT NECƏ İNKİŞAF ETDİ? - FAKTLAR