“42 ildir savadlı müəllim idim, 20 dəqiqədə oldum savadsız” - İmtahandan narazılıq

Mədəniyyət Nazirliyi tərəfindən keçirilən attestasiya imtahanlarının nəticələri bəzi müəllimləri qane etməyib. İmtahandan kəsilən müəllimlər arasında 30 nömrəli Uşaq Musiqi Məktəbinin 22 müəllimi də var.
“Yeniazərbaycanhəyatı” Xəzər TV-yə istinadən xəbər verir ki, şikayətçi müəllimlərin iddiasına görə, imtahanda istifadə edilən musiqi aləti işləməyib, imtahan deyilən saatdan xeyli gec başlayıb, suallar isə proqramdan fərqli olub. Odur ki, həmin müəllimlər barələrində verilən qərarla razı deyillər.
30 nömrəli Uşaq Musiqi Məktəbinin müəllimləri bildiriblər ki, martın 2-si baş tutan attestasiya imtahanı qeyri-şəffaf keçirilib. Məlumata görə, təkcə bu məktəbdən 18 fortepiano müəllimi və 4 nəzəriyyə müəllimi imtahandan keçə bilməyib. Onların arasında 62 yaşlı pensiya yaşına bir neçə il qalmış işdən azad edilən müəllim - pedaqoq da var: “42 ildir savadlı müəllim idim, 20 dəqiqədə oldum savadsız. Saat 3-də başlanmalı imtahan 18:30-da başlayıb. Təzyiqim qalxıb...”
20 ildən çox təcrübəsi olan, konsertmeyster kimi çalışan Ülviyyə Məmmədova deyir ki, tam cavablandırmadığı suallar da olub. Lakin ifasını nəzərə almamaqlarını ədalətsiz qərar hesab edir.
Nəticələrin onu təəccübləndirmədiyini deyən musiqi məktəbinin direktoru Zakir Əsədov isə bildirib ki, ümumi olaraq 48 müəllim attestasiyada iştirak edib, onlardan 4 nəzəriyyə, 18 fortepiano müəllimi imtahandan kəsilib. Həmin müəllimlərin məktəbdə fəaliyyətinə bu ayın 7-si xitam veriləcək.
Məsələ ilə bağlı Mədəniyyət Nazirliyindən bildirilib ki, sözügedən müəllimlərin şikayəti üzrə nazirlikdə araşdırma aparılır. O da qeyd olunub ki, 650 nəfər attestasiya prosesindən uğurla keçib, 492 müəllim isə tutduğu vəzifəyə uyğun hesab edilməyib. Onlardan 37 nəfər Əmək Məcəlləsinin 79-cu maddəsinin təsir dairəsinə düşdüyünə görə əmək müqavilələrinə xitam verilməyəcək.
Həmçinin, yaşı 60-dan yuxarı olan, habelə ağır xəstəliklərdən əziyyət çəkən təxminən 40 nəfərə alternativ iş yeri təklif olunacaq. Attestasiyada 2 lehinə, 3 əleyhinə səslə tutduğu vəzifəyə uyğun hesab edilməyən 112 nəfər təlimlərə cəlb ediləcək və müəyyən müddətdən sonra təşkil olunacaq imtahanın nəticələrinə əsasən əvvəlki iş yerlərinə qəbul edilə biləcəklər.
Daha ətaraflı videomaterialda:

Tarix: 4-04-2025, 13:23 Oxunub: 24

Bölməyə aid digər xəbərlər

4-04-2025, 13:33 “42 ildir savadlı müəllim idim, 20 dəqiqədə oldum savadsız” - İmtahandan narazılıq - Video

4-04-2025, 13:30 Sumqayıt Musiqi Kollecinin məzunlarının 165 nəfəri attestasiyada uğursuz oldu

4-07-2024, 10:49 İyulun 7-də bu qruplar imtahan verəcək

12-06-2024, 09:08 Qəbul imtahanının nəticələri açıqlandı

3-03-2024, 11:13 Bu gün onlar imtahan verəcək

12-09-2023, 07:50 İşçiyə artıq işlədiyinə görə nə qədər pul verilməlidir?

26-05-2021, 12:48 Buraxılış imtahanlarının nəticələri açıqlandı

27-04-2021, 11:30 Aprelin 29-30-da 30 mindən çox şagird buraxılış imtahanı verəcək

24-09-2020, 08:56 Sahil Babayevin işçilərinin DƏFN PULU özbaşınalığı... - NARAZILIQ...

14-08-2020, 09:27 Pulu çox alanda tibb bacısına virus keçmirmi?!