Şimali Makedoniya çempionatında II turun oyunları keçirilir.
"Report"un məlumatına görə, "Qarabağ"ın UEFA Çempionlar Liqasının I təsnifat mərhələsindəki rəqibi "Sileks" növbəti matçına çıxıb.
Kratovo təmsilçisi doğma meydanda "Pelister"lə qarşılaşıb. Görüş 2:2 hesabı ilə başa çatıb.
Matçda ilk qolu 6-cı dəqiqədə qonaqlar vursalar da, meydan sahibləri 43-cü dəqiqədə Burhan Mustafovun qolu ilə tarazlığı bərpa ediblər. 53-cü dəqiqədə İvan İvanovski "Sileks"i hesabda önə çıxarıb. Buna baxmayaraq, 76-cı dəqiqədə "Pelister" futbolçuları bərabərliyi təmin ediblər.
Bu nəticədən sonra xallarını 4-ə yüksəldən "Sileks" hələlik turnir cəvdəlinə başçılıq edir. Eyni xala malik "Pelister" isə 2-ci sırada qərarlaşıb.
Makedoniya çempionu ilk turda səfərdə "Belasitsa"nın qapısından 6 cavabsız top keçirmişdi.
Qeyd edək ki, avqustun 18-də Bakıda Tofiq Bəhramov adına Respublika stadionunda keçiriləcək "Qarabağ" - "Sileks" oyunu saat 20:00-da başlayacaq. Bu cütün qalibi II raundda "Şerif" (Moldova) - "Fola Eş" duelinin güclüsü ilə qarşılaşacaq.