Bakıda ümumilikdə 791 dayanacaq, ötən il 301 dayanacaq təşkil edilib”. 
Yeniazerbaycanheyai.com un məlumatına görə, bunu Bakı Nəqliyyat Agentliyinin İdarə Heyətinin sədri Vüsal Kərimli mətbuat konfransında bildirib.
Onun sözlərinə görə, ümumilikdə dayanacaqların təxminən 40 faizi yenilənib, 60 faizi isə təmir olunub: “Gələcəkdə avtobus dayanacaqlarının günəş işığı ilə işıqlandırılması nəzərdə tutulub”.
V. Kərimli həmçinin deyib ki, xüsusi zolaqlarla avtobusların orta hərəkət sürəti artır, gedikmələrin qarşısı alınır. Sərnişinlərin orta səyahət vaxtı 2 dəfəyədək azalır, faydalı iş əmsalı artır: "Təklif edilən xüsusi zolaqların sayı 25, razılaşdırılan 13, təşkil edilənlərin sayı isə 10-dur".