Əlləriniz var olsun həkim!

Bu həyatda insan üçün ən böyük, ən dəyərli sərvət sağlamlıqdır. Təbii ki, insan sağlamlığının keşiyində tibb işçiləri durur. Həkim olmaq böyük məsuliyyətdir. Ona görə ki, hər birimiz bu peşənin daşıyıcılarına bizim üçün əziz olan sağlamlığımızı etibar edirik. Həkim peşəsi çox nəcib və məsuliyyətli bir işdir, çünki insanların sağlamlığı, hətta bəzən həyatları həkimdən asılı olur. İnsanlar elə düşünürlər ki, həkimlər hər halda mütləq onlara kömək edəcəklər, bir iynə və ya başqa bir yardım alaraq mütləq yaxşılaşacaqlar. Həkim öz davranışı, təfəkkürü, dünyagörüşü ilə digərlərindən fərqlənməli və ən əsası özünə inam yaratmağı bacarmalıdır. Çünki həkimə inam hissi olmadıqda, bəzən xəstənin müalicəsi də səmərəsiz olur. Həkimin xoş sözü, mehribanlığı, qayğıkeşliyi birbaşa xəstənin vəziyyətinə çox müsbət təsir göstərir. Həkim qayğısı, səmimiyyəti də müalicə vasitəsidir. İnsan xəstə olduqda həkim ona ən yaxın şəxs olur. Həkimlər elə ünsiyyət yaratmalıdır ki, xəstələr özlərini rahat hiss etsinlər və narahatlıqlarını onlarla bölüşsünlər.
İnadından dönmədən çox böyük çəsarətlə körpələrə çarə tapan Zümriyyə xanım həqiqətən canlı əfsanədir. Yox ay Zümriyyə sənlik deyil bu iş deyə ona inamsızlıq edən ətraf indi şok içində Zümriyyə xanımın fizioterapiyada əməyinin nətincəsini hər gün eşidir. Sizin axı tibbi savadınız yoxdur deyənlərdə indi qüsurlu uşaqlarını Zümriyyə xanıma həvalə edirlər. Əllərində sanki İlahi güc var bu pozitiv xanımın. Özünə məxsus enerjisinə gələndə heç deməyə söz tapmaq olmur. Hansısa millətə xas olan atalar sözü var, yerinə düşüb deyim:" özgə torpağının otu həmişə gözə yaşıl dəyir", bu o deməkdir ki biz Azərbaycanlılar öz təbiblərini sevə sevə nümayiş etdirsək bəlkə öz təkliyində qeyri adiliyi ilə seçilən bir çoxunu üzə çıxardarıq. Fiziki qüsurlu insanlar Zümriyyə xanıma bir çox şikayətlərlə müraciət edirlər. Bu günə kimi araşdırmalar bunu deyirki Zümriyyə xanımın pasientləri yan yana düzülsə mütləq bir ağızla "biz razıyıq" bu xanımdan deyərlər. Zümriyyə Xanım Sumqayıt şəhərində fəal bir vətəndaş, öz işini sevən, insanlara xüsusi enerjisiylə çarə tapan, körpələrə sevgiylə sarılan, hər bir körpənin qüsuruna həssas yanaşan, sümük problemlərinə qəti biganə yanaşa bilməyən bir qeyri adi Xanımdır. Zümriyyə həkim isə özü belə deyir:
- Tibb daim inkişaf edir. Yeni xəstəliklər yeni biliklər tələb edir. Çünki bir həkimin bilik və bacarıqları yalnız təmiz tibb sahəsi ilə məhdudlaşmır. Əsl mütəxəssis də yaxşı psixoloq olmalıdır. Bir insanı səbrlə dinləyə bilmək, ruhuna nüfuz etmək, sakitləşdirməyi bacarmaq, ümid, inam aşılamaq, təyin olunmuş müalicənin düzgünlüyünə və zəruriliyinə inandıra bilmək bütün bunlar insandan psixoloq olmağı tələb edir. Axı elə insanlar var ki, inadkardırlar, sağlamlıqlarına qulluq etmək istəmirlər, hətta əksər hallarda indkarlıqları ilə vəziyyətlərini daha da pisləşdirirlər, sağalma prosesini ləngidirlər.
Hər kəs həkim ola bilməz. Bu peşəyə yiyələnmək üçün xüsusi bir xarakterə, səbrə, diqqətliliyə, sakitliyə ən əsası xeyirxahlığa sahib olmaq lazımdır, bunlarla yanaşı möhkəmlik, tez qərar qəbul etmək qabiliyyəti, böyük bir məsuliyyət hissi də əsasdır. Həkim öz işinə ürəkdən bağlı olmalıdır, peşəsinin vacibliyini, ciddiliyini dərk edən, çətinliklərdən, təhlükələrdən qorxmayan bütün həyatını insanlara həsr etməyi qəbul edən, işləyərkən davamlı öyrənməyə və inkişaf etdirməyə davam edən olmalıdır. Həkimləri qəhrəman da adlandırmaq olar.
Mənim fəaliyyət göstərdiyim sahə isə olduqca çətindir. Çünki azyaşlı körpələrlə dil tapmaq olduqca çətin və məsuliyyətlidir. Əlil – anadangəlmə, xəstəlikdən və ya xəsarətdən doğan əqli və ya fiziki qüsurlar nəticəsində həyat fəaliyyəti məhdudlaşan, sosial yardıma və müdafiəyə ehtiyacı olan şəxsdir.
Mən uzun illərdir ki, bu sahədə çalışıram. İndiyə kimi onlarla körpənin sağlamlığına qovuşmasına yardımçı olmuşam və bundan sonra da olacağam. Və mən çox istəyərdim ki, körpələrimiz sağlam şəkildə böyüsünlər.
Xalidə Səmədqızı